ဒီဇင်ဘာ ၂၀၊ ပြည်တွင်းသတင်း စုစည်းမှု

ဒီဇင်ဘာ ၂၀၊ ၂၀၁၃
M-Media
ကျောက်ဖြူအနီး တည်ဆောက်မည့် ရဲတပ်ရင်း လွှတ်တော်၌ တင်သွင်းကန့်ကွက်မည်

– ရခိုင်ပြည်နယ် ကျောက်ဖြူမြို့အနီး တည်ဆောက်မည့် ရဲတပ်ရင်းအား လွှတ်တော်တွင် တင်သွင်းကန့်ကွက်မည်ဖြစ်ပြီး ရဲတပ်ရင်းတည်ဆောက်မည့်နေရာသည် ဒေသခံများ၏ လယ်ယာမြေ တောတောင်များဖြစ်သည့်အတွက် လွှတ်တော်တွင် တင်ပြဆွေးနွေးမည်ဖြစ်ကြောင်း ကျောက်ဖြူဒေသခံ ပြည်သူ့လွှတ်တော် ကိုယ်စားလှယ် ဦးဘရှိန်က ဧရာဝတီသို့ ပြောကြားခဲ့ကြောင်း သိရသည်။
________________________

Sea Game အမျိုးသမီးဘောလုံးပြိုင်ပွဲ မြန်မာ ၆ ဂိုး ဂိုးမရှိနှင့် မလေးရှားအသင်းအား အနိုင်ရ

– ဒီဇင်ဘာ ၂၀-ရက်နေ့ညပိုင်း၌ မန္တလေးမြို့ မန္တလာသီရိကစားကွင်းတွင် ယှဉ်ပြိုင်ကစားခဲ့သည့် အမျိုးသမီး ဘောလုံးပြိုင်ပွဲတွင် မြန်မာအသင်းမှ မလေးရှားအသင်းအား ၆-ဂိုး ဂိုးမရှိ အပြတ်အသတ်ဖြင့် အနိုင်ရရှိခဲ့ပြီး တတိယ ကြေးတံဆိပ်ကို ဆွတ်ခူးရရှိသွားပြီ ဖြစ်ပါသည်။
________________________

KIA မှ ခေါ်ဆောင်သွားသည့် ရှမ်းတိုင်းရင်းသားများ ပြန်လွှတ်ပေးရေး ဆန္ဒပြ တောင်းဆို

– KIA မှ ဖမ်းဆီးခေါ်ဆောင်သွားသည့် ရှမ်းတိုင်းရင်းသားများကို ပြန်လွှတ်ပေးရန်အတွက် ဒီဇင်ဘာ ၂၀-ရက်နေ့ မနက်ပိုင်းက မြစ်ကြီးနားမြို့မှာ လူ(၇၀၀)ခန့်ဖြင့် လူထုအစည်းအဝေးပြုလုပ်ကာ ကန့်ကွက်ခဲ့ကြကြောင်း သိရသည်။
________________________