တောင်သူလယ်သမားအရေး သတင်းစာရှင်းလင်းပွဲ

တောင်သူလယ်သမားများ လယ်ယာမြေ ပြသာနာဖြေရှင်းရာတွင် အဖက်ဖက်မှဒုက္ခရောက်နေရခြင်း ကိစ္စသတင်းစာရှင်းလင်းပွဲပြုလုပ်

ဒီဇင်ဘာ ၂၀-၂၀၁၃
M-Media
သီရိ

ရန်ကုန် ။          ။         လယ်ယာမြေပြသာနာများဖြေရှင်းရာတွင် တရားဥပဒေစိုးမိုးမှုမရှိခြင်း၊ လယ်ယာမြေများမှားယွင်းနေခြင်းနှင့် ဒေသဆိုင်ရာ လွှတ်တော် ကိုယ်စားလှယ်များ အားနည်းမှုတို့ကြောင့် တောင်သူလယ်သမားများ ဒုက္ခရောက်နေရခြင်း ကိစ္စနှင့်ပတ်သက်ပြီး  သတင်းစာ ရှင်းလင်းပွဲကို ရန်ကုန်မြို့ ၃၆-လမ်းရှိ MJN ရုံးတွင်ပြုလုပ်ခဲ့သည်။

ဧရာဝတီတိုင်းဒေသကြီး မော်လမြိုင်ကျွန်းမြို့နယ်နှင့် ၀ါးခယ်မမြို့နယ်များတွင် လယ်သမားများနေ့စဉ်နှင့်အမျှ ခြိမ်းခြောက်၊ ဖမ်းဆီး၊ ထောင်ချခံ နေရမှု တို့ကြောင့် များစွာဒုက္ခရောက်နေရကြောင်း၊ တောင်သူလယ်သမားများမှာမိမိတို့စားဝတ်နေရေးအတွက် မိမိတို့ပိုင်ဆိုင်ခွင့်ရှိသော လယ်ယာ မြေများပေါ်တွင် ယခုနှစ်မိုးရာသီ (၂၀၁၃)မှ စပါးများကို စိုက်ပျိုးခဲ့ရကြောင်း၊ ထိုလယ်ယာမြေများ သိမ်းပိုက်ယူထားသည့် ငွေရှင်ကြေးရှင်များ၊
ကျေးရွာအုပ်ချုပ်ရေးမှုးနှင့် မြေစာရင်းတို့မှ ပူးပေါင်းပြီး တောင်သူလယ်သမားများကို ပုဒ်မ ၄၄၇/၄၂၇ တို့ဖြင့် ဖမ်းဆီးတရားစွဲထောင်ချခြင်းများကို နေ့စဉ်ရက်ဆက် ပြုလုပ်လျက်ရှိပြီး တစ်ချို့သော မိသားစုများမှာ အိမ်ရှိ လူကုန်ထောင်ချခံရသဖြင့် ကျောင်းတက်နေသော ကလေးများနှင့် အိမ်မွေး တိရစ္ဆာန်များကို အိမ်နီးချင်းများကစောင့်ရှောက်ပေးနေရကြောင်းတို့ကို ရှင်းလင်းပြောကြားခဲ့ကြသည်။

“ကျွန်တော်တို့မြို့နယ်မှာ လယ်သမား ဦးရေ ၁၀၀၀ ကို တရားစွဲတာခံရပါတယ်၊ အဲဒီတရားစွဲတဲ့ထဲမှာ ကလေးတွေရော အသက်ရွယ်ကြီးတဲ့လူတွေရော ပါသွားတယ်၊ ဘယ်လောက်တောင်လဲဆိုအိမ်ရှိ လူကုန်ကိုစွဲသွားတယ်၊ အိမ်မှာခွေးအစာကျွေးမဲ့လူတောင် မကျန်ခဲ့ပါဘူး၊ ကျွန်တော့လယ်ယာမြေကို ၂၀၀၂ ခုနှစ်ကသိမ်းခံရတယ် ဧက ၁၆၇ ဧက၊ ဘာကြောင့်သိမ်းတာလဲဆိုတော့ မြို့နယ်မ.ယ.က ဥက္ကဌ နဲ့ ကျေးရွာ ရ.ယ.က စာရေးက သိမ်းခဲ့တာ တာဝန်မကျေလို့ဆိုပြီးအကြောင်းပြုပြီးသိမ်းတယ်။ သိမ်းတဲ့အချိန်မှာကတည်းကတရားဥပဒေနှင်အညီသိမ်းခဲ့တာမဟုတ်ဘူး၊ ပြီးတော့သူတို့ ဆက်လုပ်ကိုင်နေတယ်၊ သူတို့ကကျွန်တော်တို့မတရားယူခဲ့ပြီး အခုကျွန်တော်တို့ကပြန်တောင်းတော့ ကျွန်တော်တို့ကို တရားပြန်စွဲနေတယ်” ဟု
လယ်သမားရေးလှုပ်ရှားသူတစ်ဦးဖြစ်သူ ဦးဖေခင်မှပြောကြားခဲ့သည်။

” ၈၈ နောက်ပိုင်း န၀တ ကအာဏသိမ်းပိုင်းနောက် မဟာဗျူဟာလမ်းတွေဖောက်တယ် လယ်ယာမြေတွေကိုဖြတ်ပြီးဖောက်ရတယ်၊ အဲဒီလိုလမ်းတွေ ဖောက်ပြီးဘေးနဖူးဝဲယာက လယ်ကွက်တွေဈေးတက်တယ်၊ လမ်းပန်းဆက်သွယ်ရေးကောင်းပြီး ဈေးလဲကောင်းတော့ မတရားသိမ်းယူကြတယ်”ဟု ဦးဝင်းချိုကပြောကြားခဲ့သည်။

ယခုအခါမြန်မာနိုင်ငံ၏ပြည်နယ်နှင့်တိုင်းဒေသကြီးအားလုံးတွင် လယ်ယာမြေပြသာနာများ ဖြစ်ပွားလျက်ရှိပြီး နိုင်ငံတော် အစိုးရပြည်ထောင်စု လွှတ်တော် ပြည်သူ့လွှတ်တော်နှင့် တိုင်းဒေသကြီး အစိုးရများအနေနှင့် လယ်ယာမြေပြသာနာများကို တရားမျှတစွာ ဖြေရှင်းနိုင်မှု မရှိကြောင်း နှင့် ကြန့်ကြာခက်ခဲနေကြောင်းကို နိုင်ငံတော်သမ္မတရုံး၏ထုတ်ပြန်ချက်အရ ၂-လ အတွင်း လယ်ယာမြေအမှု ၅ မှုသာဖြေရှင်းပြီးကြောင်း ဖော်ပြချက်မှ သိရသည်။

တောင်သူလယ်သမားများမှာ မိမိတို့မတရားသိမ်းပိုက်ခံနေရသော လယ်မြေများတွင်ထွန်ယက်စိုက်ပျိုးခြင်းကြောင့်ထောင်ချခံနေရသည်။ လူဦးရေ ၁၀၀၀ ကျော်ခန့်တရားစွဲခံနေရပြီး ၁၀၀ ကျော်ကိုထောင်ချခံနေရပြီဖြစ်ပါသည်။