ရှမ်းပြည်တောင်ပိုင်း တရုတ်ဝယ်လက် ကျွန်းသစ်အ၀ယ်ကြမ်း

ရှမ်းပြည်တောင်ပိုင်း တရုတ်ဝယ်လက် ကျွန်းသစ်အ၀ယ်ကြမ်း

ဒီဇင်ဘာ ၂၃၊ ၂၀၁၃
M-Media
ရတီစိုး

ကချင် တရုတ်နယ်စပ်မှ တရားမဝင်သစ်များသယ်ယူနေသည့် မြင်ကွင်းတခု (ဓါတ်ပုံ အင်တာနက်)

ရှမ်းပြည်တောင်ပိုင်း    ။         ။    ရှမ်းပြည်နယ်တောင်ပိုင်း ကျိုင်းတောင်းမြို့ နှင့်အနီးပတ်ဝန်းကျင်တွင် ကျွန်းသစ်များကို တရုတ်နိုင်ငံသားများ ကိုယ်တိုင် ၀င်ရောက်ကာ ဈေးကောင်းပေးဝယ်ယူလျက် ရှိသည်ဟုသိရပါတယ်။

သစ်အရောင်းအ၀ယ်ပြုလုပ်မှုမှာ ယခင်ကကဲ့သို့ သစ်လုံးအနေဖြင့် မဟုတ်တော့ပဲ သစ်ပင်အလိုက်ကို ဈေးဖြတ်ပြီး ၀ယ်ယူမှုများ ပြုလုပ်လျက်ရှိပြီး ၀ယ်ယူသူများမှာ မြန်မာစကား၊ ရှမ်းစကားလုံးဝ တတ်ကျွမ်းမှု မရှိသည့် တရုတ်လူမျိုးများသာ ဖြစ်နေသည်ဟု ကျိုင်းတောင်းမြို့ခံ အမျိုးသမီးမှ ပြောပါတယ်။

“ကျွန်မတို့ဆီမှာ အခုစီးပွားရေး အရမ်းကောင်းတယ်။ ဗမာစကား၊ ရှမ်းစကားမတတ်တဲ့ တရုတ်နိုင်ငံသားတွေကိုယ်တိုင်ဒီမှာ သစ်တွေကို အရင်လို သစ်လုံးအနေနဲ့တောင်မဟုတ်ပဲ အပင်လိုက်ဈေးဖြတ်ပြီး အလုအယှက်ဝယ်နေကျတယ်။ ရွာသားတွေကို ဆိုင်ကယ် အသစ် ၀ယ်ပေးတာတို့ တစ်ခြားလိုအပ်ချက်တွေဖြည့်ဆည်းပေးတာတို့ လုပ်ပြီး အလုအယက် ၀ယ်နေကျတော့ ဒေသခံတွေထဲမှာ ၀င်ငွေတိုးတက်လာပြီး ရောင်းဝယ် ဖောက်ကားမှုတွေတော်တော်ကောင်းလာတယ်” လို့ ကျိုင်းတောင်းမြို့အနီး ကုန်စုံရောင်းချနေသည့် အမျိုးသမီးတစ်ဦးမှ ပြောပါတယ်။

ဆက်လက်ပြီး အဆိုပါ ဈေးအနီး ဟန်းဆက်နှင့်အပိုပစစည်းများရောင်းချနေသူ ဘွဲ့ရလူငယ်တစ်ယောက်ကတော့ “ဒီလိုစီးပွားဖြစ်တာ ဒေသခံတွေ အတွက်တော့ တစ်ဖက်ကကြည့်ရင် ကောင်းပါတယ်။ ဒါပေမယ့် ဒီလိုရှားပါးသံယံဇာတတွေအစုလိုက်အပြုံလိုက် နိုင်ငံခြားသားတွေ လက်ထဲရောက်သွားတော့ ဆိုးတယ်။ အခုဆို အနည်းဆုံးတစ်ညကို ကားကြီး အစီး-၃၀ စာလောက်ထွက်တယ်ဗျာ။ အရင်အစိုးရလက်ထက်တွေတုန်းကလည်း အကန့်အသတ်မဲ့ အများကြီး ထုတ်ယူသွားခဲ့တယ်။ ဆိုတော့ဒီဟာကနောက်ပိုင်း အကျိုးဆက်တွေကို ဒေသခံတွေနဲ့နိုင်ငံသားအားလုံးခံစားရမှာလေ။ သစ်တော ပြုန်းတီးမှုတွေကြောင့် ဆိုရွားတဲ့ရာသီဥတုတွေလည်း ကြုံလာရမှာပေါ့” ဟု M Media သို့ ထပ်မံ ပြောပြခဲ့ပါတယ်။