သမ္မတဘုရှ် မှ NSA ကို ကြားဖြတ်ထောက်လှမ်း စတင် ခွင့်ပြုခဲ့ပုံကို အမျိုးသား ထောက်လှမ်းရေး ဒါရိုက်တာ ထုတ်ဖော်

ဒီဇင်ဘာ ၂၃၊ ၂၀၁၃
M-Media

– ၉/၁၁ တိုက်ခိုက်မှုနောက်ပိုင်း လျှို့ဝှက်ထောက်လှမ်းမှုများ စတင်ပြုလုပ်ရန် သမ္မတ ဘုရ်ှက အမျိုးသားလုံခြုံရေးအေဂျင်စီ NSA အား မည်ကဲ့သို့ ခွင့်ပြုပေးခဲ့သည်ကို ဖော်ပြထားသည့် စာရွက်စာတမ်းများအား အိုဘာမား၏ အမျိုးသားထောက်လှမ်းရေး ဒါရိုက်တာ ဂျိမ်းကလက်ပါက စနေနေ့က ထုတ်ဖော်လိုက်သည်ဟုသိရသည်။

ထိုကဲ့သို့ ဖွင့်ဟပြောဆိုခြင်းမှာ အကြမ်းဖက်ဝါဒ စောင့်ကြည့်ရေး အစီအစဉ် TSP ၏ တစ်စိတ်တစ်ပိုင်းအဖြစ် အင်တာနက်မှ အချက်အလက်များ ရယူခြင်းများနှင့် ဖုန်းကြားဖြတ်ထောက်လှမ်းခြင်းများအား သမ္မတဘုရှ်၏ ခွင့်ပြုချက်ဖြင့်ပြုလုပ်ခဲ့ကြောင်းကို သမ္မတ အိုဘာမားလက်ထက်တွင် ပထမဆုံးအကြိမ် ပြည်သူအား ချပြခဲ့ခြင်းလည်းဖြစ်သည်။

ကမ္ဘာတစ်ဝှမ်းရှိခေါင်းဆောင်များအပါအ၀င် နိုင်ငံတကာမှ အစိုးရများအပေါ် လျှို့ဝှက် ထောက်လှမ်းမှုများပြုလုပ်ခဲ့မှုများအား NSA ၀န်ထမ်းဟောင်း စနိုးဒင်က ဖွင့်ချခဲ့ပြီးနောက် အမေရိကန်၏ ထိုလုပ်ရပ်အား တစ်ကမ္ဘာလုံးက ရှုတ်ချခဲ့ကြသည်။
Ref: RT