အစ္စရေး ပိတ်ဆို့ထားမှုကြောင့် ယေရှုခရစ် မွေးဖွားရာ ဘက်သလီဟမ်သို့ ခရစ်ယာန် ဘုရားဖူးများ လာရန် အခက်တွေ့နေ

ဒီဇင်ဘာ ၂၅၊ ၂၀၁၃
M-Media

– ပါလက်စတိုင်းပိုင် ဂါဇာကမ်းမြှောင်ဒေသရှိ ဘက်သလီဟမ်အား အစ္စရေးတို့က မတရားသိမ်းပိုက်ထားပြီး ပိတ်ဆို့မှုများရှိနေသော်လည်း  ဂါဇာကမ်းမြှောင်ဒေသရှိ ခရစ်ယာန်များမှာ ခရစ္စမတ်ပွဲတော်အား ခရစ်တော်ဖွားမြင်ရာ ထိုဘက်သလီဟန်တွင် ဆင်နွှဲရန် စီစဉ်နေကြသည်ဟု သိရသည်။

“ဘက်သလီဟမ်ဟာ ကမ္ဘာလှည့်ခရီးသွားတွေ စိတ်ဝင်စားတဲ့ အဓိက နေရာတစ်ခုဖြစ်ပြီး (အစ္စရေးရဲ့) အိမ်ရာ ၂၇ ခုက ၀န်းရံထားပါတယ်။ ပြီးတော့ တံတိုင်းတွေ၊ ခြံစည်းရိုးတွေနဲ့ကာ ရံထားပြီး၊ စစ်ဆေးရေးဂိတ်တွေ ချထားတဲ့အတွက် ခရီးသွားတွေအတွက် အဟန့်အတားဖြစ်စေပါတယ်။ ” ဟု ပါလက်စတိုင်း ခရီးသွာလာရေးဝန်ကြီး ရိုလာမေယာက Albawaba သတင်းဌာနသို့ ပြောကြားခဲ့သည်။ ထို့ပြင် မိမိတို့အနေဖြင့် ကမ္ဘာတစ်ဝှမ်းရှိ ခရီးသွားများကို ဆွဲဆောင်နိုင်ရန်နှင့် ခရီးသွားကဏ္ဍ ဖွံ့ဖြိုးအောင် လုပ်ဆောင်နိုင်ကြောင်း၊ သို့သော်လည်း အစ္စရေး၏ မတရားသိမ်းပိုက်ထားမှုကြောင့် ထိုကဲ့သို့လုပ်ဆောင်ရန် မဖြစ်နိုင်ကြောင်း ရိုလာမေယာက ထည့်သွင်းပြောကြားခဲ့သည်။

ကမ္ဘာ့တစ်ဝှမ်းမှ ခရစ်ယာန်ဘုရားဖူးများမှာ နှစ်စဉ်နှစ်တိုင်း ခရစ္စမတ်ပွဲတော်ကာလအတွင်း ဘက်သလီဟမ်ရှိ ခရစ်တော်မွေးဖွာရာနေရာနှင့် ထိုနေရာဘေးတွင် တည်ဆောက်ထားသည့် သမိုင်းဝင် Nativity ဘုရားကျောင်းသို့ လာရောက်လည်ပတ်လေ့ရှိကြသည်။ သို့သော်လည်း အစ္စရေး၏ ပိတ်ဆို့ထားမှုများကြောင့် များစွာသော ခရစ်ယာန်ဘုရားဖူးတို့မှာ ဘက်သလင်ဟမ်သို့ လာရောက်ရန် အခက်ကြုံနေကြရသည်။

Ref: OnIslam & News Agencies

Photo-AP