ဒီဇင်ဘာ ၂၅၊ ပြည်တွင်းသတင်း စုစည်းမှု

ဒီဇင်ဘာ ၂၅၊ ၂၀၁၃
M-Media

ကားပါမစ်များ တိုင်းရင်းသားခေါင်းဆောင်များကို လက်ဆောင်ပေးခဲ့သည့် နေပြည်တော်က ပြည်ထောင်စုနေ့အခမ်းအနား

– နေပြည်တော်တွင်ကျင်းပသည့် ၆၆-နှစ်မြောက် ပြည်ထောင်စုနေ့ အခမ်းအနားတွင် တိုင်းရင်းသား အဖွဲ့အသီးသီးသို့ ပေးအပ်သည့် ငြိမ်းချမ်းရေးလက်ဆောင် ကားပါမစ်များသည် ၀န်ကြီးဦးအောင်မင်း ကိုယ်တိုင် ပေးအပ်ခဲ့ခြင်း ဖြစ်သည်ဟု တိုင်းရင်းသား ခေါင်းဆောင်များက ပြောကြားခဲ့ကြောင်း ဧရာဝတီ သတင်းဌာနတွင် ဖော်ပြထားသည်။
________________________

မူးယစ်ဆေးဝါး ပူးပေါင်းတိုက်ဖျက်ရေး စာရွက်ပေါ်တွင်သာရှိကြောင်း SSA/RCSS မှ ပြော

– အပစ်အခတ်ရပ်စဲရေး သဘောတူညီချက်နှင့်အညီ မူးယစ်ဆေးဝါး တိုက်ဖျက်ရန်လုပ်ငန်းများသည် လက်တွေ့တွင် လုပ်ဆောင်မှု မရှိပဲ စာရွက်ပေါ်တွင်သာ ရှိနေပြီး နိုင်ငံတော်အစိုးရမှ လိုက်နာဆောင်ရွက်မှု မရှိခြင်းသည် ငြိမ်းချမ်းရေးအတွက် ယုံကြည်မှု တည်ဆောက်ရန် အဟန့်အတား အခက်အခဲများသာ ဖြစ်သည်ဟု SSA, RCSS ရှမ်းပြည်ပြန်လည်ထူထောင်ရေးကောင်စီ၊ ရှမ်းပြည်တပ်မတော် တောင်ပိုင်းမှ ပြောကြားလိုက်ကြောင်း သိရသည်။
________________________

နိုင်ငံတကာလှည့် ကမ္ဘာ့ဖလားဆုကြီး ရန်ကုန်မြို့ကို ရောက်ရှိ

– ကမ္ဘာ့ဘောလုံးလောက၏ အမြင့်မားဆုံးဆုဖြစ်သည့် ကမ္ဘာ့ဖလားဆုကြီးဟာ ယနေ့မှာ မြန်မာနိုင်ငံကို ရောက်ရှိလာပြီး အများပြည်သူတို့ ကြည့်ရှုနိုင်ရန် မနက်ဖြန်မှာ ရန်ကုန်မြို့ သုဝဏ္ဏအားကစားကွင်းမှာ ပြသထားမည်ဖြစ်ပြီး ၎င်း FIFA ကမ္ဘာ့ဖလားဆုကြီးဟာ နိုင်ငံပေါင်း ၅၀ ကျော်သို့ လှည့်လည်ပြသနေခြင်း ဖြစ်ကြောင်း သိရသည်။
________________________

တိုင်းရင်းသားနိုင်ငံရေးပါတီများပေါင်းစု ဖက်ဒရယ်ပြည်ထောင်စုပါတီ မှတ်ပုံတင်ရရှိ

– တိုင်းရင်းသားနိုင်ငံရေးပါတီများ ပေါင်းစုပြီးဖွဲ့စည်းထားသည့် ဖက်ဒရယ် ပြည်ထောင်စုပါတီ (FUP) အား ပါတီမှတ်ပုံတင် ချမှတ်ပေးလိုက်ပြီ ဖြစ်သည့်အတွက် ၂၀၁၅- ရွေးကောက်ပွဲတွင် တိုင်းဒေသကြီးများတွင် တိုင်းရင်းသား လွှတ်တော်အမတ်များ ၀င်ရောက်ယှဉ်ပြိုင်ပြီး အောင်နိုင်ရေးအတွက် ကြိုးစားသွားမည်ဖြစ်ကြောင်း သိရသည်။
________________________