ဒီဇင်ဘာ ၂၆ နိုင်ငံတကာသတင်းများ

ဒီဇင်ဘာ ၂၆၊ ၂၀၁၃
M-Media

ရွေးကောက်ပွဲအားရွှေ့ဆိုင်းရန် ထိုင်းရွေးကောက်ပွဲ ကော်မရှင် အကြံပြု

– ပါလီမန်ဖျက်သိမ်းပေးခဲ့ပြီး ရွေးကောက်ပွဲ ပြုလုပ်ပေးမည်ဟု ကြေညာထားသော်လည်း တိုင်းပြည်အတွင်း မငြိမ်သက်မှုများ ဆက်လက်ဖြစ်ပွားနေသောကြောင့် ဖေဖော်ဝါရီလတွင်ပြုလုပ်မည့် ရွေးကောက်ပွဲအား ရပ်ဆိုင်းထားရန် ထိုင်းရွေးကောက်ပွဲ ကော်မရှင်၏ တာဝန်ရှိသူများက ယနေ့တွင် အကြံပြုပြောကြားလိုက်သည်။

“အခုလက်ရှိမှာဖြစ်နေတဲ့ ပုံစံမျိုးနဲ့ဆိုရင် လွတ်လပ်ပြီး တရားမျှတတဲ့ရွေးကောက်ပွဲမျိုးကို ကျွန်တော်တို့ ကျင်းပလို့ရမှာမဟုတ်ပါဘူး” ဟု ရွေးကောက်ပွဲကော်မရှင်အဖွဲ့ဝင် ပရာဝစ် ရတ်တာနာပီယန်က သတင်းစာရှင်းလင်းပွဲတွင်ပြောကြားခဲ့သည်။

ထိုင်းနိုင်ငံတွင် အစိုးရ ဖြုတ်ချရေးဆန္ဒပြပွဲများဖြစ်ပွားနေသည်မှာ သီတင်းပတ်များစွာ ကြာမြင့်နေပြီဖြစ်ပြီး အနည်းဆုံး လူ ၅ ဦးသေဆုံးခဲ့ကာ ၂၀၀ ကျော်ဒဏ်ရာရရှိခဲ့ကြသည်။

——————————————-

နျူဗုံးထုတ်လုပ်နိုင်မည့် ယူရေနီယံသန့်စင်မှု မူကြမ်း အီရန်ပါလီမန်သို့ အမတ်များတင်သွင်း

– တိုင်းပြည်အတွင်း ပြုလုပ်နေသာ နျူးကလီးယား အစီအစဉ်တွင် ဗုံးတီထွင်နိုင်သည့် ကုန်ကြမ်းများ ထုတ်လုပ်နိုင်သော အဆင့်သို့ရောက်ရှိမည့် ယူရေနီယံသန့်စင်မှု မူကြမ်းတစ်ခုအား အီရန် ပါလီမန်ရှိ ဥပဒေပြု အမတ်များက ယမန်နေ့တွင် တင်သွင်းခဲ့သည်ဟု သိရသည်။ ထိုကဲ့သို့ မူကြမ်းတင်သွင်ခဲ့ခြင်းမှာ ပြီးခဲ့သည့်လက အီရန်နိုင်ငံနှင့် ကမ္ဘာ့အင်အားကြီး ၆ နိုင်ငံတို့ ရရှိခဲ့သည့် သဘောတူညီချက်အား ဆန့်ကျင်နေခြင်းဖြစ်ပြီး ထိုနိုင်ငံများနှင့် ပဋိပက္ခများလည်း တိုက်ရိုက် ဖြစ်ပွားနိုင်ချေရှိနေသည်။
………………………..
ရွေးကောက်ပွဲအတွက် ပါတီမှတ်ပုံတင်သည့် နေရာတွင် ဆန္ဒပြနေသူများကို ထိုင်းရဲ ဖြိုခွင်း

– လာမည့် ဖေဖော်ဝါရီတွင်ပြုလုပ်မည့် ရွေးကောက်ပွဲအတွက် မှတ်ပုံတင်များပြုလုပ်နေသာ နိုင်ငံရေးပါတီများအား ဆန့်ကျင်သောအနေဖြင့် မှတ်ပုံတင်ပြုလုပ်ရာ ဘန်ကောက်မြို့ရှိ ဘောလုံးကွင်း၌ ဆန္ဒပြနေကြသော လူအုပ်အား ထိုင်းရဲတပ်ဖွဲ့က ယနေ့နံနက်ပိုင်းတွင် မျက်ရည်ယိုဗုံးများ အသုံးပြုကာ လူစုခွဲခဲ့သည်ဟု သိရသည်။ သီတင်းပတ်ပေါင်း များစွာကြာ ပြုလုပ်ခဲ့သည့် အစိုးရဆန့်ကျင်ရေး လှုပ်ရှားမှုများကြောင့် ၀န်ကြီးချုပ် ယင်းလပ်ရှင်နာဝပ်ထရာက ပါလီမန်ကို ဖျက်သိမ်းပေးခဲ့ပြီး ရွေးကောက် ပွဲပြုလုပ်ရန် ရက်သတ်မှတ်ပေးခဲ့သော်လည်း အတိုက်အခံများ အနေဖြင့် ကျေနပ်ခြင်း မရှိဘဲ ဆက်လက်ဆန္ဒပြမှုများ ပြုလုပ်နေသည်။
……………………………..
ဘရာဇီးတွင် ရေကြီး မြေပြိုမှုကြောင့် လူ ၃၂ ဦးသေဆုံး၊ အိုအိမ်စွန့်ခွာသူ ၅ သောင်းခန့်ရှိ

– သီတင်းနှစ်ပတ်ကြာ မိုးသည်းထန်စွာရွာသွန်းမှုကြောင့် ဘရားဇီးလ်နိုင်ငံ အရှေ့တောင်ပိုင်းရှိ ပြည်နယ်နှစ်ခုတွင် ရေကြီးမှုနှင့် မြေပြိုမှုများဖြစ်ပွားခဲ့ပြီး အနည်းဆုံး လူ ၃၂ ဦးသေဆုံးခဲ့သည်ဟု တာဝန်ရှိသူများက ယမန်နေ့က သတင်းထုတ်ပြန်ခဲ့သည်။ ထို့ပြင် ထိုရေဘေးဒုက္ခကြောင့် အိုးအိမ်များကို စွန့်ခွာခဲ့ရသူ ၅ သောင်းခန့်ရှိသည်။ ဘရာဇီးသမ္မတ ဒီလ်မာ ရူဆက်ဖ်က ထိုဒေသများသို့ အင်္ဂါနေ့က သွားရောက်ခဲ့ပြီး ပျက်စီးသွားသည့် အိမ်များ၊ လမ်းများနှင့် အဆောက်အဦးများကို ပြန်လည်ဆောက်လုပ်ရာတွင် လိုအပ်သည့်အကူအညီများကို ပေးအပ်ရန် ပြည်နယ်အစိုးရအား မှာကြားခဲ့သည်။