မွတ်စလင်များ ကူညီမှုဖြင့် ပိတ်ရမည့် အခြေအနေမှ လွတ်မြောက်သွားသည့် ဘရက်ဖိုဒ့် ဂျူးဘုရားကျောင်း

ဒီဇင်ဘာ ၂၇ ၊ ၂၀၁၃
M-Media

မြို့ခံမွတ်စ်လင်တို့မှ ကူညီကြောင့် ပိတ်သိမ်းရတော့မည့် အခြေအနေမှ လွတ်ကင်းသွားသည့် ဘရက်ဖို့ဒ် ဂျူးသာသနိက အဆောက်အဦး
တစ်နှစ်ခန့်ရပ်ဆိုင်းခဲ့ရသော ဘရက်ဖို့ဒ်ရှိ ဂျူးဘာသာရေးကျောင်းမှာ ဘာသာယဉ်ကျေးမှု အပြန်အလှန်ပူးပေါင်း ဆောင်ရွက်မှုအားဖြင့် ယခုသော် မျှော်လင့်ချက်ရောင်ခြည် ပြန်လည်သန်းလာပြီဖြစ်သည်။

(ဓာတ်ပုံ) ဘရက်ဖို့ဒ်ဂျူးဘာသာရေးကျောင်းဂန်အတွင်း ဘရက်ဖို့ဒ်ဗလီဝတ်ကျောင်းများကောင်စီအတွင်းရေးမှူး Zulfi Karim နှင့် ဂျူးဘုန်းတော်ကြီး Rudi Leavor တို့အား အတူတွေ့ရစဉ်။

ယမန်နှစ် လက်ရှိအချိန်တုန်းက ဘရက်ဖို့ဒ်တွင် နောက်ဆုံးကျန်ရစ်နေသည့် ဂျူးဘုရားကျောင်း၏ဂေါပကအဖွဲ့သည် အကျဉ်းအကြပ်နှင့် ရင်ဆိုင်ခဲ့ရ၏။ အေဒီ ၇ မှ ၁၃ ရာစုအတွင်း ဒုတိယဆင့်လက်ရာဖြင့် တည်ဆောက်ထားသော ယင်းအဆောက်အဦ၌ ခေါင်မိုးများ ယိုယွင်းနေသည်။ တိုရာဟ်ကျမ်းဂန်များ သိမ်းဆည်ရာ အရှေ့ဖက်နံရံသည် ဆိုးရွားစွာ ပျက်စီးနေသည်။ ယင်းတို့ကိုပြုပြင်ရန် ၀တ်ကျောင်းအသင်းဝင် ၄၅ ဦး၏ နှစ်စဉ်သွင်းဒါနငွေဖြင့်လည်း မလုံလောက်နိုင်။

အသက် ၈၇ နှစ်အရွယ် ဂျူးဘုရားကျောင်း၏အကြီးအမှူး Rudi Leavor သည် သက်တမ်း ၁၃၂ နှစ်ရှိ အဆောက်အဦအား ရောင်းချကာ ၁၀ မိုင်ခန့်ဝေးကွာသည့်နေရာသို့ သွားရောက် စုရုံးဝတ်ပြုကြစေရန် မျှော်လင့်ချက် ကင်းမဲ့စွာ အဆိုပြုခဲ့လေသည်။

၂၀၁၂ ခုနှစ် နိုဝင်ဘာလတွင် မြို့တော်၏တစ်ခုတည်းသော ရှေးရိုးစွဲ ဂျူးဘုရားကျောင်းကို ပိတ်လိုက်ရမည့် အနေအထားသို့ ရောက်ရှိသွား၏။ ၄င်း၌ Minyan မည်သောအရွယ်ရောက်သူ ဂျူးအမျိုးသား ၁၀ ဦးလိုအပ်သည့် မလုပ်မနေရ ဘာသာရေး အခမ်းအနားအတွက် အမျိုးသား ၁၀ ဦးကို ပုံမှန်ရရှိအောင်ပင် မစုရုံးနိုင်ခဲ့ပေ။

၂၀၁၁ ခုနှစ် လူဦးရေစစ်တမ်းအရ မြို့လူဦးရေ ၁၂၉၀၄၁ အနက် ဂျူးလူမျိုး ၂၉၉ ဦးသာရှိနေသည်။ သို့သော် ဂျူးဘုရားကျောင်းမှာ မပိတ်လိုက်ရသည့်အပြင် ဘရက်ဖို့ဒ်ဂျူးဘုရားကျောင်းပြန်လည်မွမ်းမံရေး အနာဂတ်မှာ မြို့ခံ မွတ်စ်လင်မ်လူ့အဖွဲ့အစည်း၏ ကြားဝင်မှုကြောင့် ပိုမိုတောက်ပလာတော့သည်။

အနီးအနားရှိ ဗလီဝတ်ကျောင်းတော်၏ အတွင်းရေးမှူးနှင့်အတူ နာမည်ကြီးဟင်လျာ အရောင်းဆိုင်နှင့်ချည်မျှင်အထည် စက်ရုံပိုင်ရှင်တို့မှ ရံပုံငွေ ထူထောင်ရေးအတွက် ကြိုးပမ်းသည်၌ ဂျူးဘုရားကျောင်း၏အနာဂတ် လုံခြုံသွားခဲ့၏။ ၄င်းအပြင် ဘရက်ဖို့ဒ်မြို့ရှိ အစ္စလာမ်နှင့်ဂျူး ဘာသာဝင်များအကြား ချစ်ကြည်ရင်းနှီးမှု အားကောင်းသွားစေသည်။ ဘရက်ဖို့ဒ်ရှိ သြဇာရှိမွတ်စ်လင်မ်အချို့က Leavor နှင့် ဂျူးတို့ကို လုံလောက်အောင်ကူညီမည်ဟု ဆိုပြီးနောက် ဂျူးဘုရားကျောင်း၏ ဘဏ်စာရင်းအတွင်း ခရစ်စမတ်အမှီ ပထမအသုတ် အနေဖြင့် ပေါင်စတာလင် ၁၀၃၀၀၀ ၀င်ရောက်လာတော့မည်ဖြစ်သည်။

တမဟုတ်ချင်းတိုးတက်လာသော ဤဆက်ဆံရေးမျိုး ဖြစ်လာနိုင်ချေမရှိဟု အများက ထင်မှတ်ခဲ့ကြသည်။ လွှတ်တော်အမတ်တစ်ဦးဖြစ်သူ David Ward က ဂျူးတို့အား စက်ဆုပ်စရာကောင်းသူများ၊ အစ္စရေးအား သွေးခွဲအုပ်ချုပ်သည့် နိုင်ငံအဖြစ် ရှုတ်ချခဲ့စဉ်က သူ၏မွတ်စ်လင်မ် မိတ်ဆွေအများအပြား၏ လူသိရှင်ကြား ထောက်ခံအားပေးမှုကို ရရှိခဲ့သည်။ အနောက်ပိုင်း ဘရက်ဖို့ဒ်၏ ဂုဏ်ထူးဆောင်လွှတ်တော်အမတ် နှင့် အစ္စရေးဆန့်ကျင်ရေးသမား George Galloway သည်လည်း ဂါဇာသို့ ကူညီကယ်ဆယ်ရေးကိစ္စများအတွက် စည်းရုံးထားသူ၊ ထို့ပြင် ယခုနစ်အစောပိုင်း အော့စ်ဖို့ဒ်တက္ကသိုလ်မှ အစ္စရေးကျောင်းသားနှင့်စကားရည်လုပွဲကို ငြင်းဆန်လိုက်သဖြင့် သူ့မဲဆန္ဒရှင်အမြောက်အများတို့၏ ချီးမွှမ်းမှုကို ခံရသူဖြစ်၏။

၁၉၃၇ ခုနှစ်တွင် ဘာလင်မှ ဒုက္ခသည်အဖြစ်ပြောင်းရွှေ့လာသည့် Leavor က ယင်းကဲ့သို့ ဘာသာယဉ်ကျေးမှုအပြန်အလှန် ပူးပေါင်းဆောင်ရွက်ခြင်းကို လှိုက်လှဲစွာ ကြိုဆိုလိုက်သည်။ ဤအပတ် ဘရက်ဖို့ဒ် ဗလီဝတ်ကျောင်းများကောင်စီအတွင်းရေးမှူး Zulfi Karim နှင့်အတူပူးတွဲအင်တာဗျူး၌ သူက
“ အိပ်မက်မက်နေသလိုပါပဲဗျာ ” ဟု ဆိုခဲ့သလို Karim ကလည်း “ ရူဒီဟာ ကျွန်တော့်ရဲ့ ညီနောင်သစ်တစ်ဦးပါ ” ဟု ပြောပါသည်။ Karim သည် ယင်းဂျူးဘုရားကျောင်းလမ်းမှအထက်သို့သွားလျှင် မီတာတစ်ရာကျော်၌တည်ရှိနေသော Central Westgate ဗလီဝတ်ကျောင်းတော်၏ ဘုတ်အဖွဲ့ဝင်ဖြစ်သည်။ “ ကျွန်တော်တို့က မိမိနယ်သားတွေအပေါ် ကူညီကာကွယ်ပေးလိုက်နိုင်တယ်၊ တစ်ချိန်တည်းမှာပဲ ဘရက်ဖို့ဒ်ရဲ့ ယဉ်ကျေးမှုအမွေအနှစ်အစိတ်အပိုင်းတစ်ရပ်ကိုလည်း ထိန်းသိမ်းစောင့်ရှောက်ပေးနိုင်တဲ့အတွက် ကျွန်တော့်အဖို့ ဂုဏ်ယူစရာပါ ” ဟု သူက ဆို၏။

အနီးအနားရှိ ဗလီဝတ်ကျောင်းတော်၏ အတွင်းရေးမှူးမှ ဦးဆောင်၍ံရံပုံငွေထူထောင်ရေးအတွက် ကြိုးပမ်းသည်၌ အနာဂတ် လုံခြုံသွားခဲ့သော ဂျူးဘုရားကျောင်း (ဓာတ်ပုံအညွှန်း)

ယခုသော် ယင်းပုဂ္ဂိုလ်နှစ်ဦး၏ ရင်းနှီးချစ်ခင်မှုမှာ ပြောစရာမလိုလောက်အောင်ပင်။ Leavor မှ အားလပ်ရပ်ခရီးထွက်လေတိုင်း ဘုရားကျောင်း၏သော့များသာမက အချက်ပေးကုဒ်များကိုပင် Karim အား ပေးထားခဲ့လေ့ရှိ၏။ သူတို့မျှော်လင့်ထားသော ရေရှည်တည်တံမည့်အစဉ်အလာကောင်းတစ်ရပ်ကိုလည်း သူတို့မှ စတင်လျှောက်လှမ်းနိုင်ခဲ့ပြီဖြစ်သည်။ oneg shabbat ဟုခေါ်သော သောကြာညဥ့်စာစားပွဲသို့ ဂျူးလူ့အဖွဲ့အစည်းမှ ဒေသခံ မွတ်စ်လင်မ်တို့အား ဖိတ်ကြားသလို အပြန်အလှန်အားဖြင့် မွတ်စ်လင်မ်တို့ကလည်း ရမဿွန်လ၀ါဖြေပွဲသို့ ဂျူးအသိုင်းအ၀ိုင်းကိုလည်းကောင်း၊ ကောက်ရိတ်သိမ်းပွဲတော်ကာလအတွင်း ခရစ်ယာန်တို့ကိုလည်းကောင်း ဖိတ်ကြားကြ၏။ ဂျူးများအတွက် Karim က ဟလာလ်သိုးသားများဖြင့် စီစဉ်ပေးခဲ့သည်။

ဒီဇင်ဘာလဆန်းတွင် ဂျူးဘာသာရေးကျောင်း၌ ရှစ်ရက်တာကျင်းပသော ဂျူးဘာသာရေးအခမ်းအနားသို့ Karim နှင့် မွတ်စ်လင်မ်တို့ တက်ရောက်ခဲ့ကြသည်။ ထိုအချိန်ကျမှ ဂျူးဘုရားကျောင်း တည်ရှိမှုပုံဟန်ကို Karim မှ သိမြင်ခဲ့ကြသည်။ “ ဂျူးအသိုင်းအ၀ိုင်းဟာ သိုသိပ်ကျစ်လစ်စွာ နေခဲ့ကြတယ် ” ဟု သူကပြောပြ၏။ ၂၀၀၁ ခုနှစ် မြို့ထဲတွင် ဖြစ်ပွားခဲ့သော လူမျိုးရေးအဓိကရုဏ်းကတည်းကစပြီး အဆောက်အဦအား ထင်ရှားသည့်အမှတ်အသားမျိုး မပေါ်လွင်စေခဲ့တော့ချေ။ “ ပြဿနာရဲ့အရင်းအမြစ်ဟာ ကျွန်တော်တို့ ဖြစ်သွားမှာကို မလိုလားဘူးလေ။ ဒါကြောင့် ဆယ်နှစ်ကျော်ကြာသည့်တိုင်အောင် ဆိုင်းဘုတ်ကို ဖြုတ်ချထားခဲ့ကြပါတယ် ” ဟု Leavor က ဆိုသည်။ လွန်ခဲ့သော နှစ်အနည်းငယ်က သံပုရာခွံဦးထုပ်ငယ်ဆောင်းထားသည့်အမျိုးသားတစ်ဦးသည် ဂျူးဘုရားကျောင်းမှအထွက် ကားတစ်စီးနှင့်ဖြတ်သန်းသွားသော ပါကစ္စတန်အမျိုးသားနှစ်ဦးမှ တံတွေးထွေးစော်ကားသည့်အဖြစ်မျိုးရှိခဲ့ကြောင်း သူမှ ပြောပြပါသည်။

တိုက်ဆိုင်မှုကြောင့် မွတ်စ်လင်မ်တို့မှ စတင်ကူညီပေးနိုင်ခဲ့ကြောင်း Leavor က ရှင်းပြသည်။ ဂျူးဘုရားကျောင်းနှင့် မဆိုစလောက်သာကွာဝေးသော ဘရက်ဖို့ဒ်ရှိနာမည်ကြီးစားသောက်ဆိုင် Sweet Centre ၏ပိုင်ရှင်ဖြစ်သူ Zulficar Ali က သူ့အား ချဉ်းကပ်ခဲ့သည်။ ယင်းဧရိယာအတွင်း နောက်ထပ်ဟင်းလျာဆိုင်တစ်ခု လာရောက်ဖွင့်လှစ်ရန် ခွင့်ပြုရေးအစီအစဉ်အား ကူညီကန့်ကွက်ပေးရန် Ali မှ Leavor ကို အကူအညီတောင်းသည်။ Leavor လည်း သဘောတူကာ နှစ်ဦးသားပူးပေါင်းကန့်ကွက်နိုင်ခဲ့ကြသည်။ ထို့နောက်ဝယ် Ali သည် ထိုက်တန်သူကိုချီးမြှင့်ဂုဏ်ပြုလေ့ရှိသည့် လူမှုအဖွဲ့အစည်း Carlisle Business Centre နှင့် Leavor အား မိတ်ဆက်ပေးသည်။ ၄င်းတို့မှ ယိုယွင်းနေသည့် ဘုရားကျောင်းအမိုးများကို အရေးပေါ်ပြင်ဆင်နိုင်ရန် ပေါင်စတာလင်ရာပေါင်းများစွာ ပေးအပ်ခဲ့သည့်အပြင် ဒေသခံ လုပ်ငန်းရှင် Khalid Pervais ကလည်း ပေါင်စတာလင် ၁၄၀၀ ကို ထပ်မံလှူဒါန်းခဲ့၏။

ယင်းဘုရားကျောင်းကို ၁၈၈၀ ခုနှစ်တွင် စတင်တည်ထောင်ခဲ့သူ ဂျူးဘုန်းတော်ကြီး Joseph Strauss ၏အဆက်အနွယ်များမှ ဦးစီးလုပ်ကိုင်လာသည့် စက်ရုံရှိကြောင်း၊ မိမိ၏ဖခင်မှာ၁၉၆၀ ခုနှစ်များအတွင်း ပါကစ္စတန်မှပြောင်းရွှေ့အခြေချလာပြီးနောက် ထိုစက်ရုံ၌ အလုပ်ဝင်ရောက်ခဲ့ကြောင်းကို Karim မှ သိရှိသွားခဲ့၏။

သို့ဖြင့် Bradford Council မှ ချပေးသည့် ပေါင်စတာလင် ၂၅၀၀ နှင့်တစ်ကွ အဖက်ဖက်မှ မထင်မှတ်သည့်ရံပုံငွေများ ဒလဟော ၀င်ရောက်လာပါတော့သည်။ ထိုအခါ ဘုရားကျောင်း ပြန်လည်မွမ်းမံရေး စတင်နိုင်ခဲ့သည်။ ရောက်ခဲလှသည့် ယင်းနေရာအား တိုးမြင့်ပြင်ဆင်လျက် ကျောင်းသားအုပ်စုများ၏လေ့လာရေးအတွက် တစ်ပတ်လုံးလုံး တံခါးဖွင့်ပေးထားမည် ဖြစ်သည်။ ၄င်းခြေလှမ်းသည် သဟဇာတ တည်ဆောက်ရေးကို အထောက်အကူပြုလိမ့်မည်ဟု Karim မှ ယုံကြည်ထားသည်။

“ အစ္စလာမ့်ခေါင်းစဉ်အောက်ကနေ Lee Rigby ကို သတ်ဖြတ် လိုက်သူများအပေါ် ကြည့်လိုက်ပါ။ ဒီလူငယ်တွေကို ဒီလောက်အထိ အစွန်းရောက်အောင်၊ ဒီလောက်အထိ အမျက်ထွက်လာအောင်၊ ဒီလောက်အထိ ခါးသည်းခွဲခြားစေအောင် ဘယ်အရာက ဖန်းတီးလိုက်ပါလိမ့် ဆိုတဲ့ မေးခွန်းထွက်လာပါလိမ့်မယ်။ အတူတစ်ကွ ဆုံစည်းစားသောက်ခြင်းဖြင့်ဖြစ်စေ၊ ဂျူးဘုရားကျောင်း သို့မဟုတ် ၀တ်ပြုကျောင်းဂန်တွေ သွားရောက် လည်ပတ်ခြင်းဖြင့်ဖြစ်စေ ဘာသာတရားဆိုင်ရာ အပြန်အလှန်နှီးနှော ဖလှယ်မှုလုပ်သွားခြင်းသည်သာလျှင် တစ်ခုတည်းသောဖြေဆေး ဖြစ်မယ်လို့ ကျွန်တော့်အနေနဲ့ နက်နက်ရှိုင်းရှိုင်း အရှိအတိုင်းကို ခံစားယုံကြည်ပါတယ် ”။

Ref: The Guardian