ပြည်သူတွေရဲ့ အသံကို စုမယ့် ရန်ကုန်မြို့မှာ ပြုလုပ်တဲ့ မြန်မာပြည်သူ့ ဖိုရမ်

ဒီဇင်ဘာ ၂၈၊ ၂၀၁၃
M-Media
သီရိ

ရန်ကုန် ။        ။ မြန်မာပြည်သူ့ဖိုရမ်(Myanmar People Forum) အခမ်းအနားကို ဒီဇင်ဘာလ ၂၈-ရက်နေ့မှ ဒီဇင်ဘာလ ၃၀-ရက်နေ့ထိ နံနက် ၈-နာရီမှ ညနေ ၅-နာရီခွဲအထိ မရမ်းကုန်းမြို့နယ် မင်းဓမ္မလမ်း MCC ခန်းမတွင် ပြုလုပ်ကျင်းပလျက်ရှိပြီး အခမ်းနားကိုအရပ်ဖက်အဖွဲ့စည်း ၁၅၀-ကျော်မှ လူ ၅၀၀-ခန့် တက်ရောက်ခဲ့ကြသည်။

မြန်မာနိုင်ငံသည် အာဆီယံအလှည့်ကျ ဥက္ကဌအဖြစ် တာဝန်ယူမည့် ၂၀၁၄-ခုနှစ်တွင် ပြည်တွင်း လူမှု အခြေပြု အဖွဲ့စည်းများအနေဖြင့် အာဆီယံ လူထု ဖိုရမ်ကိုအောင်မြင်စွာ ကျင်းပနိုင်ရန် လိုအပ်သည်များကို ကြိုတင် ပြင်ဆင်ရန် အတွက် Myanmar Ppeople Forum ကို ဖွဲ့စည်းခဲ့ခြင်း ဖြစ်ပါ သည်။

ဒီဇင်ဘာ ၂၈-ရက်နေ့တွင် အခမ်းနားကို စတင်ဖွင့်လှစ်ခဲ့ပြီး မြန်မာပြည်သူ့ဖိုရမ်လုပ်ငန်းအဖွဲ့ဝင် ဒေါက်တာ သာဥာဏ်မှ” ဒီနေ့ မြန်မာ့ သမိုင်းမှာ မြန်မာပြည်သူ့ ဖိုရမ်ဆိုတဲ့ အုတ်မြစ်ကို ယနေ့ချနိုင်ခဲ့ပါပြီ၊ ဒီနေ့ဟာ သမိုင်းဝင်နေ့လည်းဖြစ်ပါတယ်၊ ယခုကြွရောက်လာသော ဧည့်သည်တော်များက ပြည်သူ့အသံများကို စုစည်းပြီးတော့ ပြည်သူ့ ဘက်တော်သားများအနေနဲ့ ရပ်တည်ပြီးတော့ မြန်မာနိုင်ငံ ဖွံ့ဖြိုး တိုးတက်အောင် ဆောင်ရွက်တဲ့နေရာမှာ တစ်ဖက် တစ်လမ်းကနေပါဝင် ကူညီတဲ့အတွက် ကြွရောက်လာသော ဧည့်သည်တော် များကို ဂုဏ်ပြု ချီးကျူးအပ်ပါတယ်၊ နှစ်စဉ်နှစ်တိုင်းလည်း ဒီနေရာမှာပဲ အမြဲပြုလုပ်ကျင်းပသွားမှာပါ အားလုံးကိုလည်း နှစ်တိုင်းတွေ့ဆုံကြဖို့ ဖိတ်ခေါ်အပ်ပါတယ်” ဟု နှုတ်ခွန်းဆက် စကားပြောကြားခဲ့ပါသည်။

“ဒီနေ့ ပြုလုပ်တဲ့ပွဲမှာ ပြည်သူတွေရဲ့အသံကိုစုလိုက်မယ် သူတို့အတွက် ဘာအရေးကြီးတာလဲ၊ ပညာရေး၊ စီးပွားရေး၊ လူမှုရေး အကုန်ပါမယ်။ လူကုန် ကူးမှုတွေကိုဘယ်လိုကာကွယ်မလဲ၊ ဆင်းရဲနွမ်းပါးမှဲုကို ဘယ်လို ပပျောက်အောင် လုပ်မလဲ စတဲ့ ပြည်သူတွေ ရင်ထဲမှာဖြစ်နေတဲ့ ခံစားချက်တွေ ပြည်သူ့ အသံတွေကို စုစည်းပြီး အစိုးရကို အကြံပြု တင်ပြသွားမယ်။ ပြည်သူတွေယုံကြည်မှုကင်းမဲ့နေတဲ့အစိုးရအနေနှင့် အများကြီးကြိုးစား လုပ်ဆောင် သွားမှာပါ” ဟု ဒေါက်တာသာဥာဏ်မှပြောခဲ့ပါသည်။

ဆက်လက်ပြီး တိုင်းဒေသကြီးနှင့် ပြည်နယ် အသီးသီးမှကြွရောက်လာသော ဧည့်သည်တော်များအား မိတ်ဆက် ပေးခဲ့ပါသည်။ ထို့နောက် မွေးမြူရေး ရေလုပ်ငန်းနှင့် ကျေးလက်ဒေသဖွံ့ဖြိုးရေးဝန်ကြီးဌာန ပြည်ထောင်စုဝန်ကြီး ဦးအုန်းမြင့် “ယနေ့ကျင်းပပြုလုပ်တဲ့ မြန်မာပြည်သူ့ ဖိုရမ်ဟာ ၂၀၁၄ တွင် မြန်မာနိုင်ငံမှ အလှည့်ကျ အာဆီယံ ဥက္ကဌ အဖြစ်ဆောင်ရွက်ရာတွင် ပြုလုပ်ရမည့် အာဆီယံပြည်သူ့ ဖိုရမ်အတွက် များစွာ အထောက်ကူပြုမှာ ဖြစ်ပါတယ်။ အခုပြုလုပ်နေတဲ့ ဖိုရမ်ကြီးမှလည်း နိုင်ငံတော် ဖွံ့ဖြိုးတိုးတက်ရေး အတွက်လည်း လိုအပ်တဲ့ အကြံကောင်းတွေကို ဖော်ထုတ်ပေးနိုင်မယ်လို့ ကျွန်တော် ယုံကြည်ပါတယ်”ဟု အဖွင့် အမှာစကားပြောကြားခဲ့ပါသည်။

ထို့နောက် မြန်မာပြည်သူ့ဖိုရမ်၏ ဦးတည်ချက်နှင့် ရည်ရွယ်ချက်များကို ဦးကျော်လင်းဦးမှ ရှင်းလင်းတင်ပြခဲ့ပါသည်။ ဆက်လက်ပြီး မြန်မာနိုင်ငံရေး အပြောင်းအလဲကို ဒေါက်တာ အောင်ထွန်းသက်၊ ဦးကိုကိုကြီး၊ ဒေါက်တာ ညိုညိုသင်း၊ ဒေါ်ဂျာနန်း နှင့် ဆရာ ဂျော့ခ်ျရှေ တို့မှ ရှုမြင်သုံးသပ် ဦးဆောင် ဆွေးနွေးခဲ့ပါသည်။ ထို့နောက် မြန်မာနိုင်ငံရှိ အရပ်ဘက် လူမှုအဖွဲ့စည်းများ၏ အခန်းကဏ္ဍကို ဒေါက်တာ ကျော်သူ၊ ဒေါ်နီလာမြိုင်၊ ကိုတာ၊ မသီတာ နှင့် ဦးအောင်မျိုးမင်းတို့မှ ဦးဆောင်ဆွေးနွေးခဲ့ပါသည်။

ဒုတိယနေ့ ဒီဇင်ဘာ ၂၉-ရက်နေ့တွင် အလုပ်ရုံဆွေးနွေးပွဲကို ကျင်းပပြုလုပ်မှာ ဖြစ်ပါတယ်။

တတိယနေ့ ဒီဇင်ဘာ ၃၀-ရက်နေ့တွင် အလုပ်ရုံဆွေးနွေးပွဲမှ ဆွေးနွေးချက်များကို ဖိုရမ်ကြေငြာချက် မူကြမ်း အဖြစ် ဆွေးနွေးခြင်း၊ ကြေငြာချက်ကို မူကြမ်းကို အတည်ပြုခြင်း၊ မြန်မာပြည်သူ့ ဖိုရမ်ရှေ့ လုပ်ငန်းစဉ်များကိုဆွေးနွေးပြီး အခမ်းအနားကို ရုပ်သိမ်းမှာဖြစ်ပါတယ်။