လွတ်လပ်ရေးနေ့မှာ ၈၈-မျိုးဆက်ဦးဆောင်သည့် ဆန္ဒထုတ်ဖော်ပွဲ တစ်ရက်နောက်ဆုတ်

ဒီဇင်ဘာ ၃၀၊ ၂၀၁၃
M-Media
A.N.Lay

ဓါတ်ပုံ – လူထုအော်သံ

ရန်ကုန်   ။         ။       လာမည့် ၂၀၁၄-ခု ဇန်န၀ါရီလ ၄-ရက် လွတ်လပ်ရေးနေ့တွင် ၈၈ မျိုးဆက်၊ ငြိမ်းချမ်းရေးနှင့် ပွင့်လင်းလူ့အဖွဲ့အစည်းနှင့် အရပ်ဖက် လူမှုအဖွဲ့အစည်း ၆၀ ပါဝင်သည့် ပုဒ်မ ၁၈ ဥပဒေကို ဖျက်သိမ်းပေးရန် ဆန္ဒထုတ်ဖော်ပွဲကို ဇန်နဝါရီ ၅-ရက်နေ့သို့ ရွှေ့ပြောင်းလိုက်ကြောင်းသိရှိရသည်။

ဇန်နဝါရီ ၅-ရက်နေ့မှာ ဆန္ဒပြဖို့ ကျောက်တံတားရဲစခန်းကို ထပ်တင်ထားပြီး ဇန်နဝါရီ ၁-ရက်နေ့မှာ ခွင့်ပြုချက် ရ/မရ သိရပါမည် ဟုအဆိုပါ ဆန္ဒပြမည့် အဖွဲ့အစည်းထဲမှ ဦးမာကီးက အတည်ပြုပြောကြားခဲ့ကြောင်းသိရသည်။
၎င်းနောက် ဇန်နဝါရီ ၄-ရက်နေ့သည် လွတ်လပ်ရေးနေ့ဖြစ်သည့်အတွက် တစ်နိုင်ငံလုံးတွင် ပျော်ပွဲရွှင်ပွဲများကို ကျင်းပကြမည် ဖြစ်သည့်အတွက် လုံခြုံရေးအရ အခက်အခဲရှိသည့် အတွက် ကျောက်တံတားရဲစခန်းမှ ဇန်နဝါရီ ၃-ရက် သို့မဟုတ် ၅-ရက်နေ့သို့ ရွေ့ပြောင်းပေးရန် တောင်းဆိုမှုကို လက်ခံခဲ့ခြင်းဖြစ်သည်ဟု ပြောကြားခဲ့သည်။

အဆိုပါ ဆန္ဒထုတ်ဖော်ပွဲကို ရန်ကုန်မြို့ မြို့တော်ခန်းမရှေ့ မဟာဗန္ဓုလပန်းခြံဘေးတွင် ၈၈မျိုးဆက်၊ ငြိမ်းချမ်းရေးနှင့် ပွင့်လင်းလူ့အဖွဲ့အစည်း အပါအဝင် အရပ်ဖက်လူမှုအဖွဲ့အစည်းပေါင်း ၆၀ က ဆန္ဒထုတ်ဖော်မည်ဖြစ်ကြောင်းသိရှိရသည်။