ဒီဇင်ဘာ ၃၀၊ ပြည်တွင်းသတင်း စုစည်းမှု

ဒီဇင်ဘာ ၃၀၊ ၂၀၁၃
M-Media

ကရင်နီ ဒုက္ခသည်များ ပြန်လည်ခေါ်ယူမည်

– ထိုင်းနယ်စပ်နှင့် ပြည်တွင်း ဒုက္ခသည်စခန်းများတွင် ရှိနေသော စစ်ဘေးရှောင် ကရင်နီ (ကယား)တိုင်းရင်းသားများကို ပြန်လည်နေရာချထားပေးရန် အိမ်ခြေ ၅၀-ခန့် ဆောက်လုပ်ပေးပြီး ၃-နှစ်အတွက် ထောက်ပံ့ကြေးပေးရန်၊ မိုင်းရှင်းလင်းရန်တွေ လုပ်ဆောင်ပြီးရင် ပြန်လည်ခေါ်ယူရန် ပြင်ဆင် နေကြောင်း ကရင်နီအမျိုးသား တိုးတက်ရေးပါတီ (KNPP)၏ စစ်ရေးချုပ် ဗိုလ်မှူးကြီး ဘုန်းနိုင်က ပြောကြောင်း သိရသည်။
________________________

လေးပွင့်ဆိုင်ဆွေးနွေးရေး နိုင်ငံရေးအကျဉ်းသားဟောင်းများ ထောက်ခံ

– ၂၀၀၈ ဖွဲ့စည်းပုံအခြေခံ ဥပဒေပြင်ဆင်ရန်အတွက် နိုင်ငံတော်သမ္မတ၊ လွှတ်တော်နဲ့ တပ်မတော်အကြီးအကဲတွေနဲ့ တွေ့ဆုံဆွေးနွေးရန် အမျိုးသား ဒီမိုကရေစီအဖွဲ့ချုပ်ဥက္ကဌ ဒေါ်အောင်ဆန်းစုကြည်မှ ကမ်းလှမ်းချက်ကို နိုင်ငံရေးအကျဉ်းသားဟောင်းများအဖွဲ့ (FPPS)က ထောက်ခံကြောင်း ဒီနေ့ ကြေညာချက်တစောင် ထုတ်ပြန်လိုက်ကြောင်း RFA သတင်းမှာ ဖော်ပြထားသည်။
________________________

ကရင်နှစ်သစ်ကူးပွဲတော် ရန်ကုန်တွင် စည်ကားစွာ ကျင်းပရန် စီစဉ်ထား

– ၂၀၁၄-ခု ဇန်န၀ါရီလ ၁-ရက်နေ့မှာ ကျရောက်မှာဖြစ်တဲ့ ကရင်နှစ်သစ်ကူးပွဲတော်ကို မျိုးဆက်သစ် ကရင်လူငယ်များမှ ရိုးရာယဉ်ကျေးမှု များကို ထိန်းသိမ်းနိုင်ရန် ရည်ရွယ်ချက်နဲ့ ရန်ကုန်မြို့မှာ ကရင်နှစ်သစ်ကူးနေ့အထိမ်းအမှတ် အခမ်းအနားများကို ကျင်းပပြုလုပ်သွားမည်ဟု ကရင် နှစ်သစ်ကူးနေ့ ကျင်းပရေးကော်မတီအတွင်းရေးမှူးက ပြောကြောင်း သိရသည်။
________________________

ဖွဲ့စည်းပုံပြင်ရန် အကြံပြုစာ ပြည်ခိုင်ဖြိုးပါတီမှ လွှတ်တော်တင်သွင်းမည်

– ၂၀၀၈ ဖွဲ့စည်းပုံအခြေခံဥပဒေအား ပြင်ဆင်ရန် အကြံပြုစာအား ပြည်ထောင်စုလွှတ်တော် အခြေခံဥပဒေ လေ့လာသုံးသပ်ရေး ကော်မတီထံသို့ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီမှ ဒီဇင်ဘာလ ၃၁-ရက်နေ့တွင် တင်သွင်းမည်ဟု မဇ္ဈိမသတင်းတွင် ဖော်ပြထားသည်။
________________________