လူ နှစ်သောင်းကျော် ပါဝင်သော မွတ်စလင် ညီလာခံ တစ်ခု ကနေဒါတွင် ကျင်းပပြီးစီး

ဒီဇင်ဘာ ၃၁၊ ၂၀၁၃
M-Media

– ကနေဒါမွတ်စလင်များမှ ဦးဆောင်၍ Reviving Islamic Spirit ခေါင်းစဉ်ဖြင့် ညီလာခံတစ်ခုကို ကနေဒါနိုင်ငံ တိုရွန်တိုမြို့တွင် ပြီးခဲ့သည့် သောကြာနေ့မှစ၍ တနင်္ဂနွေနေ့အထိ သုံးရက်တာ ကျင်းပပြုလုပ်ခဲ့သည်ဟု သိရသည်။

ထိုညီလာခံသို့ ကမ္ဘာ့တစ်ဝှမ်းရှိ အစ္စလာမ့် ဓမ္မပညာရှင်များအပါအ၀င် လူ ၂၀၀၀၀ ခန့်တက်ရောက်ခဲ့ကြပြီး၊ ပညာရှင်များက မွတ်စလင်လူ့အဖွဲ့အစည်းတွင်း တစ်ဦးချင်း၊ အသင်းအဖွဲ့နှင့် ပတ်ဝန်းကျင်ဆိုင်ရာ ပြုပြောင်းလဲမှုများ ပြုလုပ်ကြရန် ဦးစားပေး မိန့်ကြားခဲ့ကြသည်။

“မွတ်စလင်ဆိုတာ ရည်မှန်းချက် ကြီးမားတဲ့သူတွေကို ခေါ်တာပါ။ ဘယ်အရာကမှ ဖျက်ဆီးတာကို ခွင့်မပြုပါနဲ့” ဟု ဗြိတိန်မှ မွတ်စလင်ပညာရှင် ရှိခ် ဇာဟီရ် မဟ်မူဒ်က ပြောကြားခဲ့သည်။

ထိုပွဲသို့ မွတ်စလင်အကြောင်းလေ့လာသည့် Gallup Center မှ အမှုဆောင်ဒါရိုက်တာနှင့် အကြီးတန်းဆန်းစစ်လေ့လာသူ ဒါလိုင်း မိုဂါဟဒ်နှင့် Gorgetown တက္ကသိုလ် ဘာသာတရားနှင့် နိုင်ငံတကာ ရေးရာဌာနမှ ထင်ရှားသည့် ပါမောက္ခ ဒေါက်တာ ဂျွန်အက်စပိုစီတို တို့လည်း တက်ရောက်ခဲ့ကြသည်။

ဂျွန်အက်စပိုစီတိုက “မွတ်စလင်တွေဟာ လူ့အဖွဲ့အစည်းရဲ့ အရေးကြီးတဲ့ အင်္ဂါအစိတ်ပိုင်းဖြစ်ပြီး၊ ဒုက္ခပေးနိုင်တဲ့ အစိတ်အပိုင်းတွေ မဟုတ်ပါဘူး။ မွတ်စလင်လူ့အဖွဲ့အစည်းအတွက် တကယ့်စိန်ခေါ်မှုကတော့ သူတို့ရဲ့ ရင်းမြစ်ကောင်းတွေကို မဟာဗျူဟာချမှတ်ပြီး အသုံးချဖို့ပါ” ဟု ပြောကြားခဲ့သည်။

ထိုပွဲတွင် ဒေါက်တာ ဆက်ရက် ဟူစိန် နဆာရ်က ‘Sacred Science and the Environmental Crisis’ ခေါင်းစဉ်ဖြင့် သိပ္ပံနှင့် သဘာဝပတ်ဝန်းကျင်ဆိုင်ရာ ပြဿနာများကြောင်းကို ဆွေးနွေးတင်ပြခဲ့သည်။ ဒေါက်တာ နဆာရ်မှာ အမေရိကန်ပြည်ထောင်စု၊ ၀ါရှင်တန်ဒီစီရှိ ဂျော့ဂ်ျ ၀ါရှင်တန် တက္ကသိုလ် အစ္စလာမ်လေ့လာမှုဌာနတွင် ပါမောက္ခအဖြစ် တာဝန်ထမ်းဆောင်နေသည်။

ထို့ပြင် မွတ်စလင်တို့၏ ရုပ်ပိုင်းဆိုင်ရာ ဖွံ့ဖြိုးတိုးတက်ရေးအတွက်နှင့် အခြားသော နယ်ပယ်ပေါင်းစုံအတွက် ကမ္ဘာတစ်ဝှမ်းရှိ မွတ်စလင်ပညာရှင်များက တင်ပြဆွေးနွေးခဲ့ကြသည်။ ထိုပွဲသို့ အမေရိကန်နိုင်ငံရေးတွင် ထင်ရှားသည့် မွတ်စလင်ခေါင်းဆောင် တစ်ဦးဖြစ်သည့် မဲလ်ကွန်အိက်စ်၏ အကြီးဆုံး သမီးဖြစ်သူ ရှာဘတ်စ်ကလည်း အထူးဧည့်သည်တော်အဖြစ်တက်ရောက်ခဲ့သည်။

“အစ္စလာမ်ရဲ့ သွန်သင်ချက်တွေကို အသုံးချပြီး ကိုယ့်အကျိုးတွက်လုပ်တဲ့ မွတ်စလင်မဖြစ်ရပါဘူး။ အစ္စလာမ်မှာ ကျွန်မတို့ရဲ့ ညီရင်းအကို မောင်ရင်းနှမ စိတ်ဓာတ်ဆိုတာ အခြားအရာတွေနဲ့ ကွဲပြားပါတယ်” ရှာဘတ်စ်က ပြောကြားခဲ့သည်။

ကနေဒါ ကိန်းဂဏန်းတွက်ချက်ရေး အေဂျင်ဆီ၏ စစ်တမ်းအရ အစ္စလာမ်သာသနာမှာ ကနေဒါတွင် ပြန့်ပွားမှုအမြန်သုံး အယူဝါဒဖြစ်ပြီး၊ ကနေဒါလူဦးရေ၏ ၃.၂ ရာခိုင်နှုန်းမှာ အစ္စလာမ်ဘာသာဝင်များဖြစ်ကြသည်။
Ref: OnIslam