ဇန်န၀ါရီ ၂ နိုင်ငံတကာ သတင်းများ

ဇန်န၀ါရီ ၂၊ ၂၀၁၄
M-Media

အီရန်နျူအရေး ပဏာမ သဘောတူညီချက်အား အကောင်အထည်ဖော်တော့မည်

– အီရန်နိုင်ငံ၏ နျူးကလီးယားကိစ္စနှင့်စပ်လျဉ်း၍ ပြီးခဲ့သည့်လက ဂျီနီဗာတွင် ရရှိခဲ့သည့် ပဏာမ သဘောတူညီချက်အား ဇန်န၀ါရီ ၂၀ ရက်နေ့တွင် စတင်အကောင်အထည်ဖော်ရန် အီရန်နှင့် အင်အားကြိး ၆ နိုင်ငံမှ ကျွမ်းကျင်သူများက သတ်မှတ်ခဲ့သည်ဟု အီရန်ကိုယ်စာလှယ်အဖွဲ့ခေါင်းဆောင် ဘအီဒီနီဂျဒ်၏ ပြောကြားမှုအား ကိုးကား၍ အီရန်နိုင်ငံပိုင် သတင်းဌာန IRNA က ယမန်နေ့တွင် ဖော်ပြခဲ့သည်။
Ref: CNY

…………………………….

ငြိမ်းချမ်းရေးဆွေးနွေးရန် သဘောတူထားသော်လည်း တောင်ဆူဒန်ရှိ ပြည်နယ် နှစ်ခုတွင် အရေးပေါ်အခြေအနေ ထုတ်ပြန်ခဲ့ရ

– ပဋိပက္ခများဖြစ်ပွားနေသည့် တောင်ဆူဒန်နိုင်ငံရှိ ပြည်နယ်နှစ်ခုအား ယမန်နေ့က အရေးပေါ်အခြေအနေကြေညာခဲ့သည်ဟု အစိုးရ၏ Twitter စာမျက်နှာမှတစ်ဆင့် သတင်းထုတ်ပြန်ခဲ့သည်။ အစိုးရ စစ်တပ်နှင့် သူပုန်တို့ တိုက်ပွဲဖြစ်ပွားနေသည့် Unity နှင့် Jonglei ပြည်နယ်တို့တွင် ထုတ်ပြန်ခဲ့ခြင်းဖြစ်သည်။ ၃ ပတ်တာကြာမြင့်နေပြီး လူပေါင်း ၁၀၀၀ ကျော်သေဆုံးခဲ့သည့် ပဋိပက္ခများအဆုံးသတ်ရန်အတွက် အီသီယိုးပီယား၌ ငြိမ်ချမ်းရေးဆွေးနွေးပွဲပြုလုပ်ရန် အစိုးရနှင့် အတိုက်အခံ နှစ်ဘက်စလုံးမှ သဘောတူထားသော်လည်း တိုက်ပွဲများ ဆက်လက်ဖြစ်ပွားနေသောကြောင့် ယခုကဲ့သို့ အရေးပေါ်အခြေအနေ ထုတ်ပြန်ခဲ့ရခြင်းဖြစ်သည်။

Ref: Al Jazeera
……………………….

ဘန်ကောက်တွင် ဆန္ဒပြမှုများ ထပ်မံပြုလုပ်သွားရန် အတိုက်အခံခေါင်းဆောင် တိုက်တွန်း

– ယခုလက်ရှိ တိုင်းပြည်အား အုပ်ချုပ်နေသည့် အိမ်စောင့်အစိုးရအား အင်အား ချိနဲ့သွားစေရန်အတွက် လာမည့် ဇန်န၀ါရီ ၁၃ ရက်နေ့တွင် မြို့တော် ဘန်ကောက်၌ ဆန္ဒပြမှုများပြုလုပ်သွားရန် အတိုက်အခံခေါင်းဆောင် ဆူသပ်သောင်ဆူဘန်က ယမန်နေ့တွင် အတိုက်အခံများအား တိုက်တွန်းပြောဆိုခဲ့သည်။

ဆန္ဒပြပွဲများကို နံနက် ၉ နာရီတွင်စတင်ရန်နှင့် တစ်နိုင်ငံလုံးတွင်လည်း ထိုကဲ့သို့ ဆန္ဒပြမှုများပြုလုပ်ရန် သောင်ဆူဘန်က ထည့်သွင်းပြောကြားခဲ့ကြောင်း Nation သတင်းစာကဖော်ပြခဲ့သည်။

ပြီးခဲ့သည့် သီတင်းပတ်များအတွင်း ၀န်ကြီးချုပ် ယင်းလပ်ရှင်နာဝပ်ထရာ ဦးဆောင်သည့် ထိုင်းအစိုးရအား မကျေနပ်သောကြောင့် ဆန္ဒပြမှုများဖြစ်ပွားခဲ့ပြီး၊ အစိုးရက ပါလီမန်အား ဖျက်သိမ်းပေးခဲ့ကာ ရွေးကောက်ပွဲအား လာမည့် ဖေဖော်ဝါရီ ၂ ရက်နေ့တွင် ပြုလုပ်မည်ဟု ကြေညာခဲ့သည်။ သို့သော်လည်း အတိုက်အခံများက ကျေနပ်ခြင်းမရှိဘဲ ယနေ့တွင်လည်း တွေ့ဆုံဆွေးနွေးမှုများ ပြုလုပ်ရန် ရှိနေသည်။
Ref: ဆင်ဟွာ
…………………………….

မုန်တိုင်းကြောင့် သေဆုံးသူများအား မြှုပ်နှံရန် ဖိလစ်ပိုင် အစိုးရက အလျင်အမြန်ဆောင်ရွက်နေ

– တိုင်းဖုန်ဟိုင်ယန်ကြောင့် သေဆုံးသွားခဲ့ သူများအား မြှုပ်နှံရန်အတွက် အလျင်အမြန်ဆောင်ရွက်နေကြောင်း ဖိလစ်ပိုင်အစိုးရက ယနေ့တွင် ပြောကြားခဲ့သည်။ မုန်တိုင်းတိုင်ခတ်ခဲ့ပြီး ၂ လကျော်လာ ခဲ့သော်လည်း မုန်တိုင်းကြောင့် သေဆုံးခဲ့သူ ၁၄၀၀ ခန့်အား သေချာစွာမြှုပ်နှံရခြင်း မရှိသေးပေ။ ထိုကဲ့သို့ သေချာစွာမြှုပ်နှံရခြင်း မရှိသေးသောကြောင့် အပုပ်နံ့များ ထွက်ပေါ်နေပြီး ကျန်းမာရေးအား ထိခိုက်စေနိုင်သည်ဟု ဒေသခံများက တိုင်းကြားမှုများ ပြုလုပ်ထားသည်။

Ref: ဆင်ဟွာ