ကမ္ဘာသိ မြန်မာ့သမိုင်းပညာရှင် ဇေယျကျော်ထင် ဗိုလ်မှူးဘရှင်၏ (၉၉)နှစ်မြောက် မွေးနေ့ အခမ်းအနား

ဇန်နဝါရီ ၆၊ ၂၀၁၄
M-Media
A.N.Lay

ရန်ကုန်   ။          ။       ကမ္ဘာသိမြန်မာ့သမိုင်းပညာရှင် ဇေယျကျော်ထင် ဗိုလ်မှူးဘရှင်၏ (၉၉) နှစ်မြောက် မွေးနေ့အထိမ်းအမှတ် အခမ်းအနားကို ရန်ကုန်မြို့ ဗဟန်းမြို့နယ် တော်ဝန်နှင်းဆီခန်းမ၌ ဇန်န၀ါရီလ ၄-ရက်နေ့ နေ့လည် ၃-နာရီ အချိန်တွင် ပြုလုပ်ခဲ့သည်။

ဗိုလ်မှူးဘရှင်၏အကြောင်းကို NLD ၏ နာယက ဦးတင်ဦးကမှ ပြောရာတွင် “ကျွန်တော်တို့ဆရာကြီး ဦးဘရှင် စာပေတွေဟောပြောတဲ့နေရာမှာလည်း အတုယူစရာတွေ အများကြီးလည်း ရအောင် နားလည်လွယ်အောင် ရယ်စရာတွေနဲ့ပြောလေ့ရှိပါတယ်။ ဗုဒ္ဓဘာသာ အကြောင်းကိုလည်း တော်တော်သိ တော်တော်တက်သည့်အတွက် ကျွန်တော့်စိတ်ထဲမှာတောင် သူ့ကို အစ္စလာမ်ဘာသာဝင်လို့တောင် မထင်မိဘဲ ဗုဒ္ဓဘာသာဝင် တစ်ဦးလို့တောင် ထင်မိပါတယ်။ နောက်အစ္စလာမ်ဘာသာ မေတ္တာကို အဓိကထားတာပါ။ ကျွန်တော်တို့ အတူတကွ နေထိုင်လာတဲ့ တပ်ထဲမှာလည်း အစ္စလာမ်ဘာသာဝင်တွေအများကြီးရှိသလို လွတ်လပ်ရေးဖခင် တစ်ဦးဖြစ်သည့် ဗိုလ်ချူပ် အောင်ဆန်းတို့ကို တရားစီရင်သည့် ဦးစည်သူဟာလည်း အစ္စလာမ်ဘာသာဝင်တစ်ဦးဖြစ်ပါတယ်”လို့ ပြောကြားခဲ့ပါသည်။

“ဆရာကြီး ဗိုလ်မှူးဘရှင် အကြာင်းကိုပြောမယ်ဆိုရင် သူရဲ့စေတနာတွေကို ပြန်ပြီးအမှတ်ရမိပါတယ်။ ဆရာဟာ ပါဋိလိုတွေလည်းရတော့ ကျွန်တော်တို့ တော်တော့်ကိုအံသြမိပါတယ်။ ရေးသည့်အခါမှာလည်း ဆရာကြီးဟာ စနစ်တကျရေးလေ့ရှိပါတယ်။ ဒါကြောင့် ပညာရှင်ဟာ ကိုယ့်တက်ရုံနဲ့မပြီးဘူး။ ပညာတွေကိုဖြန့်ဝေပေးရတယ်။ ဖြန့်ဝေတဲ့နေရာမှာလည်း ဒီအတိုင်းဖြန့်ဝေလို့မရဘူး။ စေတနာပါ ပါဝင်အောင် ဖြန့်ဝေပေးမှရတယ်လို့ ဆရာကြီးက ကျွန်တော်တို့ကို အမြဲပြောပြီးဆုံးမလေ့ ရှိပါတယ်။ နှမြောစရာက ဆရာကြီးက ငယ်ငယ်ရွယ်ရွယ် နဲ့ဆုံးသွားတာပါပဲ။ ဆရာကြီးသာ နောက်ထပ်နှစ်အနည်းငယ်လောက် အသက်ရှင်နေအုံးမယ်ဆိုရင် ကျွန်တော်တို့ သမိုင်းပညာရှင်တွေ အတွက် စာပေသမားတွေအတွက် ဧကန်မလွဲ အများကြီး အကျိူးဖြစ်ထွန်းစေမှာပါ။ ဆရာကြီး အရမ်းတော်သည့် လူတစ်ယောက်ပါဟု” သမိုင်းပညာရှင် ဒေါက်တာ တိုးလှမှ ပြောကြားခဲ့ပါသည်။

အဆိုပါ အခမ်းအနားတွင် ဦးတင်ဦးလေး မှ ကျေးဇူးတင်စကားပြောကြားခဲ့ပြီးနောက် ကြွရောက်လာသည့် ဧည့်သည်တော်များကို မုန့်များဖြင့် တည်ခင်း ကျွေးမွေးခဲ့ပြီး အခမ်းအနားကို ညနေ ၅ နာရီအချိန်တွင် ရုပ်သိမ်းခဲ့သည်။

ဗိုလ်မှူးဘရှင်သည် အစ္စလာမ်သာသနာရေးရာကောင်စီတွင် အာန်ဆွာရီ သင်တန်းများကို တိုင်းချစ်ပြည်ချစ်စိတ် ရှိအောင် သာသနာ ဗဟုသုတ ကျယ်ကျယ်ပြန့်ပြန့်သိရှိအောင်တိုင်းကျိုးပြည်ကျိုးသာသနာ အကျိူးကျေပွန်စွာ ထမ်းဆောင်နိုင်စေအောင် အစ္စလာမ်သာသနာရေးကောင်စီ ဖွံဖြိုးတိုးတက် ကြံခိုင်စေရန် ရည်ရွယ်လျက် မြန်မာပြည်ဒေသအနှံတွင် သင်တန်းများကို အမှတ်စဉ် (၁) မှ အမှတ်စဉ် (၂၈) အထိ ကိုယ်တိုင်ကိုယ်ကျ
ဦးဆောင်ပါဝင်ပို့ချခဲ့သည်။ ခုတိုင် အစ္စလာမ်သာသနာရေးရာကောင်စီသည် အန်စွာရီ သင်တန်းများကို စဉ်ဆက် မပြတ်ဖွင့်လှစ်ပို့ချလျက် ရှိနေပေ သည်။ ဗိုလ်မှူးဘရှင်၏ အထင်ကရ လုပ်ဆောင်ချက်တစ်ရပ်မှာ ကျမ်းမြတ်ကုရ်အာန် နှစ် ၁၄၀၀-ပြည့်ကို ဦးစီးဦးဆောင်ကျင်းပခဲ့ခြင်းဖြစ်သည်။

ဗိုလ်မှူးဘရှင်သည် မြန်မာနိုင်ငံ သုတေသနအသင်းအမှုဆောင် ကော်မတီ (၁၉၆၅-၆၉) မြန်မာစာကော်မရှင် အဖွဲ့ဝင်၊ ရန်ကုန်တက္ကသိုလ် သမိုင်းဘွဲ့လွန် သင်တန်းများတွင် အထူးကထိက၊ မြန်မာနိုင်ငံ အစ္စလာမ်သာသနာရေးကောင်စီ ဌာနချူပ် အထွေထွေ အတွင်းရေးမှူးအဖြစ် ဆောင်ရွက် ခဲ့သည်။ ၁၉၇၀ ခုနှစ် ဇန်နဝါရီလ ၇-ရက် ညနေ ၅း ၅၀ အချိန်တွင် နှလုံးရောဂါဖြင့် ရန်ကုန်မြို့၌ ကွယ်လွန်ခဲ့ပါသည်။ ကွယ်လွန်ချိန်၌
ဇနီးဒေါ်ခင်မေကြီး (သတ္တဗေဒကထိက) နှင့် သား ၁-ဦး ၊ သမီး ၄-ဦး ကျန်ရစ်ခဲ့သည်။