နိုင်ငံရေးကိစ္စအလို့ငှာ ဘာသာသာသနာအား အလွဲသုံးစားမပြုရ ငြိမ်းချမ်းရေးဆွေးနွေးပွဲ

ဇန်နဝါရီ ၆၊ ၂၀၁၄
M-Media
A.N.Lay

ရန်ကုန် ။ ။ နိုင်ငံရေးကိစ္စအလို့ငှာ ဘာသာသနာအား အလွဲသုံးစားမပြုရခေါင်းစဉ်ဖြင့် ဆွေးနွေးပွဲတစ်ရပ်ကို ရန်ကုန်မြို့ မြောက်ဥက္ကလာပ မြို့နယ် သုဓမ္မာလမ်းမကြီးရှိ ရွှေအိမ်တော်ခန်းမ၌ ပြုလုပ်ဆွေးနွေးခဲ့ရာ လူ ၁၀၀-ကျော် တက်ရောက်ခဲ့သည်။

အဆိုပါ ဆွေးနွေးပွဲတွင် သီတဂှုဗုဒ္ဓတက္ကသိုလ် ကထိကဆရာတော် အရှင်တိက္ခသာရ ( B.A., M.A) က စတင်ဆွေးနွေးခဲ့ပြီး၊ ဆွေးနွေးမှုတွင် ” လူအားလုံးဟာ ဘာသာတရားနဲ့ပက်သက်လာရင် ဘယ်သူမှ မခံကြဘူး။ ဘာသာတရားနဲ့ပက်သက်ရင် အသိပညာတွေခေါင်းပါးနေတဲ့အတွက်ကြောင့် သူများအသုံးချခံနေကြရတာပါ။ အဓိကကတော့ အသိဥာဏ်ရှိကြဖို့ပါ။ အသိဥာဏ်တွေတိုးတက်လာပြီဆိုရင် ဘယ်သူကမှ အသုံးချလို့မရတော့သလို ဘယ်သူကမှလည်း ပဋိပက္ခဖြစ်အောင် မဖန်တီးနိုင်တော့ပါဘူး။ ဒါကြောင့် ဘာသာဝင်အသီးသီးက ပုဂ္ဂိုလ်များ တို့တတွေ ယုံကြည်၍ ကိုးကွယ်ထားကြတဲ့ဘုရားသခင်၊ ဘုရားရှင်တို့ရဲ့ဂုဏ်ကို အလွဲသုံးစားမပြုကြပါနဲ့။ တခြားဘာသာတွေကို မေတ္တာမထားကြပါနဲ့လို့ဘယ်ဘုရားသခင်ကမှ မဟောတာ ဘာသာဝင်အားလုံးလည်းသိပါတယ်။ ငါ့ဘာသာလျှင်ကောင်းတယ်၊ သူ့ဘာသာလျှင် ကောင်းတယ်ဆိုတဲ့ ဘာသာတရားနဲ့ လူမျိုးခွဲခြားရေးစကားတွေကို မပြောကြပါနဲ့၊ နိုင်ငံရေးကိစ္စအလို့ငှာ ဘာသာသနာကိုလည်း အလွဲသုံးစားမပြု ကြပါနဲ့”ဟု သြ၀ါဒ မြွက်ကြားခဲ့သည်။

“နိုင်ငံရေးသည် တကယ်တော့ ယုတ်ညံ့တာမဟုတ်ပါဘူး။ နိုင်ငံရေးကို ယုတ်ညံအောင် လုပ်နေတဲ့ လူတွေကြောင့်သာ ယုတ်ညံနေရခြင်းဖြစ်ပါတယ်။ နိုင်ငံရေးအလို့ငှာ ဘာသာသာသနာကို အလွဲသုံးစားမပြုကြရသလို၊ ဘာသာရေးကိစ္စ အလို့ငှာ နိုင်ငံရေးကိုလည်း အလွဲသုံးစားမပြုကြရပါဘူး။ အစ္စလာမ်တွေထဲမှာလည်း ထွန်းတောက်ခဲ့သည့် မြန်မာ့သူရဲ့ကောင်းတွေရှိသလို။ ကျွန်တော်တို့ဟာ ဘာသာ သာမတူပေမဲ့၊ နိုင်ငံသားခြင်းတော့ တူကြပါတယ်။ ကိုယ်နဲ့အတူ ကိုယ့်ရန်သူလို့ မတွက်ကြဘဲ၊ ကိုယ်နဲ့မတူ ကိုယ့်ဥာဏ်ကိုကူမယ့် သူတွေလို့သတ်မှတ်ကြပါ။ ဘာကြောင့်လဲဆိုတော့ ဘာသာသာသနာဟာ အင်မတန်မှ ထိလွယ်ရှလွယ်တဲ့အတွက် အကောင်းဆုံးစနစ် ဖြစ်နေလို့ပါ။ ဒါကြောင့် နိုင်ငံရေးကိစ္စအလို့ငှာ ဘာသာသာသနာကို အလွဲသုံးစားမပြုကြပါနဲ့ဟု” အလ်ဟဂ်ျ ဦးအေးလွင် မှ ၎င်း၏ သဘောထားကို ဆွေးနွေးခဲ့သည်။

အဆိုပါ ဆွေးနွေးမှုတွင် ခရစ်ယာန်ဘာသာနှင့် ဟိန္ဒူဘာသာတို့မှ ဆွေးနွေးခဲ့ပြီးနောက် တက်ရောက်လာသည့် ပရိသတ်များထဲမှလည်း သိရှိလိုသည်များကို ဆွေးနွေးခဲ့ပြီးနောက် အခမ်းအနားကို ၅ နာရီအချိန်တွင် ရုပ်သိမ်းခဲ့ပါသည်။

၎င်း ငြိမ်းချမ်းရေးဆွေးနွေးပွဲအား Peace Alliance၊ ဒို့အမွေ ပညာရေးကူညီမှုအသင်း၊ ဗုဒ္ဓဘာသာလူငယ်စုစည်းမှုအသင်း(နာရေး)တို့ ပူးပေါင်း ဆောင်ရွက်ခြင်းဖြစ်ကြောင်းလည်း သိရသည်။