ဆီးရီယားရှိ ဓာတုလက်နက်ဖျက်သိမ်းရေး ပထမအဆင့် လုပ်ငန်းများအား ယမန်နေ့က စတင်လုပ်ဆောင်

ဇန်န၀ါရီ ၈၊ ၂၀၁၄
M-Media

ပြည်တွင်းရှိ တိုက်ပွဲများနှင့် နည်းပညာပိုင်းဆိုင်ရာ ပြဿနာများကြောင့် ကြန့်ကြာနေခဲ့ရသည့် ဆီးရီးယားရှိ ဓာတုလက်နက်များဖျက်သိမ်းရေး လုပ်ငန်းများကို ယမန်နေ့က စတင်ခဲ့သည်ဟုသိရသည်။

နိုင်ငံအတွင်းရှိ ဓာတုလက်နက်များ ပြည်ပသို့ပို့ကာ ဖျက်ဆီးရေးလုပ်ငန်းများ ၏ ပထမအဆင့်အဖြစ်၊ ဓာတုလက်နက်များအား Latakia ဆိပ်ကမ်းမှ နေ၍ ဒိန်းမတ်နိုင်ငံပိုင် ကုန်တင်သင်္ဘောပေါ်သို့ ယမန်နေ့က တင်ဆောင်ပေးခဲ့ သည်။

ပြည်တွင်းစစ်ဖြစ်ပေါ်လာပြီးနောက်ပိုင်း နိုင်ငံအတွင်းရှိ ဓာတုလက်နက် ဖျက်သိမ်းရေး သဘောတူညီချက်ကို ရုရှားနိုင်ငံ၏ အဆိုပြုချက်မှတစ်ဆင့် အာဆတ်အစိုးရက လက်ခံခဲ့ပြီး ဓာတုလက်နက်များအား နိုင်ငံအတွင်းမှ ရှင်းလင်းရေးကို ပြီးခဲ့သည့်နှစ် ဒီဇင်ဘာ ၃၁-ရက်နေ့ နောက်ဆုံးထားကာ သတ်မှတ်ခဲ့သော်လည်း အခက်အခဲများကြောင့် ယမန်နေ့တွင်မှ စတင် ပြုလုပ်နိုင်ခဲ့သည်။

အဆိုပါ ဓာတုလက်နက်ဖျက်သိမ်းရေး လုပ်ငန်းများကို ကုလသမဂ္ဂနှင့် ဓာတုလက်နက် တားဆီးရေးအဖွဲ့ OPCW တို့ ပူးပေါင်းလုပ်ဆောင်နေခြင်း ဖြစ်သည်။

Ref : Aljazeera