ဇန်န၀ါရီ ၈၊ ပြည်တွင်းသတင်း စုစည်းမှု

ဇန်န၀ါရီ ၈၊ ၂၀၁၄
M-Media

ယခုနှစ်အတွင်း အခြေခံဥပဒေပြင်ရန် အရေးကြီးကြောင်း ဒေါ်စုပြောကြား

– ၂၀၁၅ ရွေးကောက်ပွဲမတိုင်မီ ယခု ၂၀၁၄ ခုနှစ်မှာပင် ဖွဲ့စည်းပုံအခြေခံဥပဒေ ပြင်ဆင်နိုင်ရေး ပြီးမြောက်မှသာ ၂၀၁၅ တွင် အသီးအပွင့် ခံစားရမှာဖြစ်ကြောင်း NLD အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်က ဖလမ်းမြို့ လူထုဟောပြောပွဲမှာ ပြောကြားခဲ့ကြောင်း RFA မှာ ဖော်ပြထားပါသည်။
________________________

အာဆီယံ ကျေးလက်ဖွံ့ဖြိုးရေးနှင့် ဆင်းရဲမှုလျော့ချရေးဖိုရမ် မိတ်ဖက်အဖွဲ့များ အပြီးသတ်ရွေးချယ်မည်

– အာဆီယံ ကျေးလက်ဖွံ့ဖြိုးရေးနှင့် ဆင်းရဲမှုလျော့ချရေးဖိုရမ် မိတ်ဖက်အဖွဲ့အစည်းများ ဖွဲ့စည်းရန်အတွက် NGO, CSO များ ရွေးချယ်ခြင်းကို ဇန်န၀ါရီလ ၁၄-ရက်နေ့တွင် အပြီးသတ်ရွေးချယ်မည်ဖြစ်ကြောင်း ဇန်န၀ါရီလ ၇-ရက်နေက MPC ၌ ပြုလုပ်သော အစည်းအဝေး၌ ပြည်ထောင်စုဝန်ကြီး ဦးစိုးသိန်းက ပြောခဲ့ကြောင်း သိရသည်။
________________________

တီးတိန်မြို့ ဇိုနွမ်းဇန် မူလွန်ကျောင်းဖွင့်ပွဲ ဒေါ်အောင်ဆန်းစုကြည် တက်ရောက်ဖွင့်လှစ်

– ချင်းပြည်နယ်၊ တီးတိန်မြို့နယ် ဇိုနွမ်းဇန်ကျေးရွာ၌ ဆရာတော် အရှင်ဆန္ဒာဓိက လှူဒါန်းသည့် မူလတန်းလွန်ကျောင်းဆောင်ဖွင့်ပွဲသို့ ဒေါ်အောင်ဆန်းစုကြည် တက်ရောက်၍ ဖွင့်လှစ်ပေးခဲ့ကြောင်း သိရသည်။
________________________

ရှစ်လေးလုံး ၂၅-နှစ် နောက်ဆက်တွဲ သတင်းစာရှင်းလင်းပွဲ

ရှစ်လေးလုံးအား ဖြတ်သန်းခဲ့သည့် လွှတ်တော်ပြင်ပ ဒီမိုကရေစီ အင်အားစုများ စုဝေးမည့် ပွဲနှင့် ပတ်သက်သည့် သတင်းစာရှင်းလင်းပွဲကို မနက်ဖြန် နေ့လည် ၂-နာရီမှာ ၈၈ မျိုးဆက် ပွင့်လင်းလူ့အဖွဲ့အစည်းရုံးမှာ ပြုလုပ်မည်ဖြစ်ကြောင်း သိရသည်။
________________________

ကျားဖြူပါတီ ညီလာခံ မူဆယ်တွင် ကျင်းပ

ရှမ်းတိုင်းရင်းသား ဒီမိုကရက်တစ်ပါတီ (ကျားဖြူပါတီ)၏ တတိယအကြိမ်မြောက် စုံညီ ညီလာခံကို ရှမ်းပြည်နယ် မူဆယ်မြို့တွင် ဇန်န၀ါရီ ၇-ရက်မှ ၉-ရက်နေ့အထိ ၃-ရက်ကြာ ကျင်းပနေပြီး ၂၀၁၅ ရွေးကောက်ပွဲကို ကျားဖြူပါတီက ၀င်ရောက်ယှဉ်ပြိုင်မှာဖြစ်ကြောင်းနှင့် သဘောထားကြေညာချက်ကိုလည်း ထုတ်ပြန်မည် ဖြစ်ကြောင်း သိရသည်။
________________________