နိုင်ငံတော်သမ္မတရုံး ၀က်ဆိုဒ်တွင် မသန်စွမ်းသူများ သတင်းအား စကားလုံးအသုံးအနှုန်း မှားယွင်းဖော်ပြ

ဇန်န၀ါရီ ၁၀၊ ၂၀၁၄
M-Media
မောင်လူငယ်

နိုင်ငံတော်သမ္မတရုံး ၀ဘ်ဆိုက်တွင် ဖော်ပြခဲ့သော သတင်း

နိုင်ငံတော်မှ ပြင်ဆင်သုံးနှုန်းနေသည့် မသန်စွမ်းဆိုသည့် အသုံးအနှုန်းအား နိုင်ငံတော်သမ္မတရုံး၏ ၀ဘ်ဆိုက်တွင်ပင် မသန်မစွမ်းဟု ဖော်ပြခဲ့ခြင်း ကြောင့် မသန်စွမ်းသူများမှ စိတ်မကောင်းဝမ်းနည်း ဖြစ်ခဲ့ကြကြောင်းသိရပါတယ်။

ပြီးခဲ့တဲ့ ဇန်န၀ါရီ ၉-ရက်နေ့က မသန်စွမ်းသူများ၏ အားကစားပြိုင်ပွဲအတွက် အားကစားသမားများအား ဂုဏ်ပြုလှူဒါန်းမှု အခမ်းအနားသတင်းအား နိုင်ငံတော်သမ္မတရုံး ၀က်ဆိုဒ်တွင် မသန်မစွမ်းဆိုသော အသုံးအနှုန်း ခေါင်းစဉ်အမှားဖြင့် သတင်းတင်ခဲ့ကြောင်း သိရပါတယ်။

ထို မသန်မစွမ်းဟူသောအသုံးအနှုန်းသည် ယခု လက်ရှိ မသန်စွမ်းသူများအားလုံး မနှစ်သက်ကြကြောင်း၊ အဆိုပါ သတင်းကို ဖော်ပြပြီး နာရီပိုင်း အတွင်း ပြန်လည် ပြင်ဆင်သွားကြောင်း သိရပါတယ်။
ပြီးခဲ့တဲ့နှစ် ဒီဇင်ဘာ ၂၁ ရက်နေ့က ဆီးဂိမ်းလ်ပြိုင်ပွဲ ပိတ်ပွဲအခမ်းအနားတွင် ဒုတိယသမ္မတ ဦးဥာဏ်ထွန်း မိန့်ခွန်းပြောရာတွင်လည်း မသန်မစွမ်း ဆိုသည့် အသုံးအနှုန်းကို သုံးခဲ့သဖြင့် မသန်စွမ်းသူများအားလုံး ၀မ်းနည်းပြီး မကျေမနပ် ဖြစ်ခဲ့ကြောင့် သိရပါတယ်။

နိုင်ငံတော်မှ ပြင်ဆင်သုံးနှုန်းနေသည့် မသန်စွမ်းဆိုသည့် အသုံးအနှုန်းအား နိုင်ငံတော်သမ္မတရုံး၏ ၀ဘ်ဆိုက်တွင်ပင် မသန်မစွမ်းဟု သုံးစွဲမှုသည် မသန်စွမ်းသူများအပေါ် အလေးထားမှုမရှိကြောင်း ဖော်ပြနေသည်ဟု သုံးသပ်လိုက်ရပါတယ်။