ဇန်န၀ါရီ ၁၄၊ ပြည်တွင်းသတင်း စုစည်းမှု

ဇန်န၀ါရီ ၁၄၊ ၂၀၁၄
M-Media

ကာကွယ်ရေးအသုံးစရိတ် ကန်ဒေါ်လာ ၂.၃ ဘီလျံ ကာကွယ်ရေးဝန်ကြီး တောင်းခံ

– ၂၀၁၄-၁၅ ဘဏ္ဍာရေးနှစ်အတွက် တိုင်းပြည်၏ စီးပွားရေးအခြေအနေကို ငဲ့ကွက်သောအားဖြင့် ကာကွယ်ရေးအသုံးစရိတ်အဖြစ် အမေရိကန်ဒေါ်လာ ၂.၃ ဘီလျံကို ကာကွယ်ရေးဝန်ကြီး ဒုတိယဗိုလ်ချုပ်ကြီးဝေလွင်က ယနေ့ပြုလုပ်တဲ့ ပြည်ထောင်စု လွှတ်တော် အစည်းအဝေးတွင် တောင်းခံလိုက် ကြောင်း သိရသည်။
________________________

ပုဒ်မ ၁၈ ပြင်ဆင်ရန် လွှတ်တော်တွင်း ဆွေးနွေး

– ဥပဒေပုဒ်မ ၁၈အရ ငြိမ်းချမ်းစွာစုဝေးခွင့်နှင့် စီတန်းလှည့်လည်ခွင့်ဆိုင်ရာ ခွင့်ပြုမိန့်တောင်းခံခြင်းစသည့် ဒီမိုကရေစီစနစ်နှင့် မကိုက်ညီသည့် ဥပဒေများ ဖျက်သိမ်းပေးရန် တောင်းဆိုနေကြသည့်အလျောက် ပုဒ်မ ၁၈ ကို ပြင်ဆင်ရန် လွှတ်တော်အတွင်းမှလည်း ဆွေးနွေးနေကြောင်း သိရသည်။
________________________

အမျိုးသမီးနှင့် လူငယ် ကိုယ်စားလှယ်လောင်းတွေ ဦးစားပေးရွေးချယ်မယ့် NLD

– ၂၀၁၅-ခု ရွေးကောက်ပွဲအတွက် ကိုယ်စားလှယ်လောင်းများရွေးချယ်ရာတွင် အရည်အချင်းကို အဓိကထားပြီး အမျိုးသားအမျိုးသမီး အရည်အချင်း တူနေရင် အမျိုးသမီးကို ဦးစားပေးရွေးချယ်မှာဖြစ်သည့်နည်းတူ လူကြီးလူငယ် အရည်အချင်းတူနေပါက လူငယ်ကို ဦးစားပေး ရွေးချယ်မည်ဟု ဒီနေ့ပြုလုပ်တဲံ ပြည်ထောင်စုလွှတ်တော်အပြီး ပြုလုပ်တဲ့ သတင်းစာရှင်းလင်းပွဲမှာ ဒေါ်အောင်ဆန်းစုကြည်က ပြောကြားလိုက်ကြောင်း သိရသည်။
________________________

အရှေ့တောင်အာရှ မသန်စွမ်းသူများ အားကစားပြိုင်ပွဲ ဖွင့်လှစ်

၇-ကြိမ်မြောက် အရှေ့တောင်အာရှ မသန်စွမ်းအားကစားပြိုင်ပွဲကို မြန်မာနိုင်ငံက အိမ်ရှင်အဖြစ် လက်ခံကျင်းပခြင်းဖြစ်ပြီး ယနေ့ညနေပိုင်းက နေပြည်တော် ၀ဏ္ဏသိဒ္ဓိ အားကစားကွင်းတွင် ဖွင့်ပွဲ ပြုလုပ်ခဲ့ရာ သမ္မတဦးသိန်းစိန်တက်ရောက်ခဲ့ပြီး တက်ရောက်အားပေးသူ ၁၀၀၀၀ ၀န်းကျင် ရှိကြောင်း သိရသည်။
________________________