နိုင်ငံတကာမှ ကွန်ပျူတာများအား ရေဒီယိုနည်းပညာသုံး၍ NSA က ထောက်လှမ်းခဲ့ဟု နယူးယောက်တိုင်းမ် ဖွင့်ချ

ဇန်န၀ါရီ ၁၅၊ ၂၀၁၄
M-Media

– တရုတ်စစ်တပ်၊ ဥရောပ ကုန်သွယ်မှုအဖွဲ့များနှင့် မဟာမိတ်နိုင်ငံတစ်ချို့၏ အသင်းအဖွဲ့များတွင် အသုံးပြုသည့် ကွန်ပျူတာ ၁ သိန်းနီးပါးတွင် အမေရိကန်က အချက်အလက်များ ခိုးယူနိုင်သည့် ချိစ်ပြားငယ်တစ်ခု ထည့်သွင်းကာ လျှို့ဝှက်ထောက်လှမ်းရေးလုပ်ငန်းများကို လုပ်ဆောင်ခဲ့သည်ဟု နယူးယောက်တိုင်းမ် သတင်းစာက ယမန်နေ့တွင်ရေးသားဖော်ပြခဲ့သည်။

အမျိုးသား လုံခြုံရေးအေဂျင်စီ NSA ၏ မှတ်တမ်းများကို ကိုးကား၍ဖော်ပြခဲ့ခြင်းဖြစ်ပြီး လုံးခြုံရေးအရ အင်တာနက် ချိတ်ဆက်အသုံးပြုခြင်းမရှိသည့် ကွန်ပျူတာများမှ ရုပ်ဖျက်ထားသော အချက်အလက်များကို ရရှိနိုင်ရန်အတွက် NSA က ရေဒီယိုလှိုင်းနည်းပညာကို အသုံးပြုသည့် ဆော့ဖ်ဝဲတစ်ခုကို သုံးစွဲခဲ့သည်ဟု ထိုမှတ်တမ်းများတွင် အမေရိကန် အစိုးရ အရာရှိများနှင့် ကွန်ပျူတာ ကျွမ်းကျင်သူများက မှတ်တမ်းတင်ထားသည်။

ထိုကဲ့သို့ နည်းပညာအသုံးပြုထားသော ဆားကစ်ဘုတ် အငယ်စားတစ်ခုကို ကွန်ပျူတာတွင် တပ်ဆင်ထားခြင်း သို့မဟုတ် USB ဖြင့် ချိတ်ဆက် ထားခြင်းဖြင့် အင်တာနက်ချိတ်ဆက်မထားသော ကွန်ပျူတာများသို့ ထိုးဖောက်ဝင်ရောက်နိုင်ခြင်း၊ ရုပ်ဖျက်ထားသော အချက်အလက်များအား ရယူနိုင်ခြင်းနှင့် ဗိုင်းရပ်စ်နှိမ်နင်းသည့် ဆော့ဖ်ဝဲများကို ကျော်ဖြတ်နိုင်ခြင်း စသည်တို့ကိုလုပ်ဆောင်နိုင်သည်ဟု သိရသည်။

၂၀၀၈-ခုနှစ်က စတင်ခဲ့သည့် ထိုထောက်လှမ်းရေး အစီအစဉ်အား NSA မှ “active defence” ဟု အမည်ပေးထားပြီး ရုရှားနှင့် တရုတ်စစ်တပ်များ၊ ဥရောပယူနီယံရှိ ကုန်သွယ်ရေး အဖွဲ့အစည်းများနှင့် ဆော်ဒီအာရေဗျ၊ အိန္ဒိယနှင့် ပါကစ္စတန်နိုင်ငံများအပါအ၀င် အမေရိကန်၏ မဟာမိတ် နိုင်ငံများအား ထောက်လှမ်ခဲ့ခြင်းဖြစ်သည်။

သို့သော်လည်း ထိုစနစ်အား အမေရိကန်နိုင်ငံအတွင်း အသုံးမပြုဟု NSA ပြောရေးဆိုခွင့်ရှိသူ တစ်ဦးက ပြောကြားခဲ့သည်။ တရုတ်နိုင်ငံမှ ကွန်ပျူတာ ကျွမ်းကျင်သူများကလည်း အမေရိကန် ကုမ္ပဏီများနှင့် အဖွဲ့အစည်းများ၏ ကွန်ပျူတာများတွင် ထိုစနစ်အား ထည့်သွင်းကာ ထောက်လှမ်းမှုများ ပြုလုပ်ခဲ့ဖူးပြီး အမေရိကန်က ထိုလုပ်ရပ်များအား ရှုတ်ချခဲ့ဖူးသည်။

Ref : Aljazeera