ချယ်ဆီးကွင်းလယ်လူ ဟဇာ့ဒ်မှာ ကမ္ဘာ့အကောင်းဆုံး ဘောလုံးသမား ဖြစ်လာနိုင်ဟု မော်ရင်ဟိုပြော

ဇန်န၀ါရီ ၁၅၊ ၂၀၁၄
M-Media

– အသင်းရှိ ရင့်ကျက်လာသော အလယ်တန်းကစားသမား ဟဇာ့ဒ်မှာ ကမ္ဘာ့အကောင်းဆုံး ကစားသမားတစ်ယောက် ဖြစ်နိုင်သည့် အရည်အချင်းများ အားလုံးရှိနေသည်ဟု ချယ်ဆီးနည်းပြ မော်ရင်ဟိုက ပြောကြားလိုက်သည်။

ဘယ်လ်ဂျီယံကွင်းလယ်လူ ဟဇာ့ဒ်မှာ ယခုအချိန်အထိ အသင်းအတွက် ၁၁-ဂိုးသွင်းယူပေးထားပြီး ပရီးမီးယားလိဂ်သို့ ရောက်ရှိလာသည့် ၂- နှစ်တာ အတွင်း အဆင့်တစ်ခုသို့ ရောက်ရှိခဲ့သည်ဟု မော်ရင်ဟိုက မှတ်ယူနေသည်။

“အေဒင်(ဟဇာ့ဒ်)ဟာ ကမ္ဘာ့အကောင်းဆုံး ဘောလုံးသမား တစ်ယောက် ဖြစ်လာနိုင်ပါတယ်။ ပါရမီနဲ့ လက်တွေ့ဖျော်ဖြေမှုအကြားနဲ့၊ တစ်ပွဲကောင်း ခြေစွမ်းနဲ့ အမြဲတမ်းအစွမ်းပြနိုင်မှုတို့အကြား ကွာဟမှုတွေဘယ်လောက်ရှိလဲဆိုတာ သူသိလာပြီး၊ အဲဒီကွာဟချက်တွေကို ကျဉ်းမြောင်းသွားအောင် ဘယ်လိုလုပ်နိုင်မလဲဆိုတာလဲ သူနားလည်လာပါပြီ” ဟု မော်ရင်ဟိုက လန်ဒန်ရှိ သတင်းစာတစ်စောင်သို့ ပြောကြားခဲ့သည်။

Ref : Goal