လူ့ဘောင်သစ်ဒီမိုကရက်တစ် ပါတီဝင်များ စည်းလုံးမှုကို အထူးလိုလား

ဇန်န၀ါရီ ၁၈၊၂၀၁၄
M-Media
သီရိ

ရန်ကုန် ။       ။        လူ့ဘောင်သစ်ဒီမိုကရစ်တစ်ပါတီ ၏ သမိုင်းဆိုင်ရာတင်းစာရှင်းလင်းပွဲကို ရန်ကုန်မြို့ တော်ဝင်နှင်းဆီ ခန်းမ၌ ယနေ့ နံနက် ၁၀-နာရီ တွင် ပြုလုပ်ခဲ့သည်။

အဆိုပါ ရှင်းလင်းပွဲသို့ နိုင်ငံရေးအကျဉ်းသားဟောင်းများ၊ လူ့ဘောင်သစ်ဒီမိုကရက်တစ်ပါတီမှ အဖွဲ့ဝင်များ တက်ရောက် ဆွေးနွေးခဲ့သည်။

လူ့ဘောင်သစ်ဒီမိုကရက်တစ်ပါတီသည် ၁၉၈၈ တပ်မတော်မှ အာဏာသိမ်းပြီးနောက်တွင် ဖွဲ့စည်းခဲ့သော ဗ.က.သ ၏ တာဝန်ပေးချက်အရ ဖွဲ့စည်း ခဲ့သော အဖွဲ့စည်းတစ်ခု ဖြစ်ပြီး ပြည်ထောင်စုရွေးကောက်ပွဲကော်မရှင်သို့ ထိုင်းနိုင်ငံ မဲဆောက်မြို့ အခြေစိုက် ဦးအောင်ဇော်မိုး ဦးဆောင် ပါဝင်သည့် အဖွဲ့မှ လူ့ဘောင်သစ်ဒီမိုကရက်တစ်ပါတီ အမည်ဖြင့် ပါတီမှတ်ပုံတင်ခွင့်လျှောက်ထားခဲ့ခြင်းဖြစ်သည်။

ပထမအကြိမ်ညီလာခံဗဟိုကော်မတီဝင်များ၊ ရဲဘော်အသစ်များ ပါဝင်သောအုပ်စု လူ့ဘောင်သစ်ဒီမိုကရက်တစ်ပါတီ နှင့် ဦးဇေယျ ဦးဆောင်သော လူ့ဘောင်ဒီမိုကရက်တစ်ပါတီ တို့သည် တစ်စုတစ်ဖွဲ့တည်းပေါင်းစည်းကာ တရားဝင်မှတ်ပုံတင်နိုင်ရေးကို ကြိုးပမ်းနေသောကာလ ဖြစ်သောကြောင့် ဦးအောင်ဇော်မိုး ပါဝင်သောအဖွဲ့ ပါတီမှတ်ပုံတင်ခွင့်ကို ကန့်ကွက်ကြောင်း ပြည်ထောင်စုရွေးကောက်ပွဲ ကော်မရှင်သို့ ကန့်ကွက်လွှာ ပေးပို့ထား ကြောင်းသိရသည်။

“ဒီအဖွဲ့ဟာ ဒီမိုကရေစီကို ကိုယ်စားပြုတဲ့ အဖွဲ့စည်းတစ်ရပ်ပါ၊ တစ်ချိန်မှာ မြန်မာ့မြေပေါ်မှာ ကောင်းစွာရပ်တည်နိုင်ရမယ်၊ ပေါင်းစည်းရေးကိုပဲ ကျွန်တော်တို့လိုလားတာပါ။ ပေါင်းစည်းမှုကိုမပြုလုပ်နိုင်ဘူးဆိုရင်တော့ ဒီနာမည်ကိုလုံးဝမသုံးကြပါနဲ့” ဟု ဥက္ကဌဟောင်းတစ်ဦးဖြစ်သူ ဦးမိုးသီးဇွန် မှ ပြောကြားခဲ့သည်။

ပါတီညီလာခံမှ ဥက္ကဌတစ်ဦးဖြစ်သူ ဦးအောင်ဇေယျမှ “ဗ.က.သ ရဲ့ ဆုံးဖြတ်ချက်နဲ့ ပေါ်ပေါက်လာတဲ့ နိုင်ငံရေးပါတီ တစ်ခုပါ။ ပါတီမူဝါဒတွေကို လွဲဖယ်အောင်ပျောက်ပျက်အောင် ပြုလုပ်နေတာကို လက်မခံနိုင်ပါဘူး၊ သူတို့တွေကို ကျွန်တော်တို့ အဆုံးထိ ညှိခဲ့ပါတယ်။ သူတို့ဘက်က လုံးဝ လက်မခံခဲ့ပါဘူး” ဟုပြောကြားခဲ့ပါသည်။

လူ့ဘောင်သစ်ဒီမိုကရက်တစ်ပါတီရဲဘော်ဟောင်းများသည် အဖွဲ့ပေါင်းစည်းရေး၊ ပါတီတစ်ခုတည်းဖြစ်ရေး၊ ပြန်လည်စုစည်းရေးကို အထူးလိုလား လျက်ရှိနေကြပြီး ၎င်းတို့ဘက်မှ ယနေ့အထိ ပေါင်းစည်းရေးကို မျှော်လင့်လျှက်ရှိနေကြောင်းကိုလည်း သိရှိရသည်။