ကိုးမားရောဂါ ခံစားနေရသည့် ရှူးမိတ်ကာ ပြန်လည်ကောင်းမွန်လာရန် အလားလာ အနည်းငယ်သာရှိနေ

ဇန်န၀ါရီ ၂၂၊ ၂၀၁၄
M-Media

– နှင်းလျှောစီးရာမှ မတော်တဆ ဖြစ်ခဲ့ပြီး ဆေးကုသမှု ခံနေရသည့် ဖော်မြူလာဝမ်း ကားမောင်း ချန်ပီယံဟောင်း ဂျာမနီနိုင်ငံသား မိုက်ကယ် ရှူးမိတ်ကာ၏ အခြေအနေမှာ ပြည်လည် ကောင်းမွန်လာနိုင်ဖွယ် မရှိဟု သိရသည်။

အသက် ၄၅ နှစ်အရွယ်ရှိ ရှူးမိတ်ကာမှာ ဒီဇင်ဘာ ၂၉ ရက်နေ့က ပြင်သစ်နိုင်ငံ အဲလ်ပ်စ် တောင်တန်းရှိ Meribel အပန်းဖြေ စခန်းတွင် နှင်းလျှော စီးရာမှ ပြုတ်ကျခဲ့ကာ ခေါင်းအား ကျောက်တုံးနှင့် ထိခိုက်မိသောကြောင့် ဦးနှောက် အစိတ်အပိုင်း တစ်ချို့ ဆိုးဝါးစွာ ပျက်စီးသွားခဲ့ပြီး သတိလစ် မေ့မြောမှု (ကိုးမား) ရောဂါ ခံစားနေခဲ့ရသည်။

ထိုကဲ့သို့ ဦနှောက်ပျက်စီးမှုမှာ နှစ်ပါတ်ခန့် အကြာတွင် အခြေအနေ ကောင်းမွန်လေ့ ရှိသော်လည်း ယခု သုံးပတ်ကျော် ကြာမြင့်လာခဲ့သည် အထိ ရှူးမိတ်ကာ၏ အခြေအနေမှာ တိုးတက် ကောင်းမွန်လာခြင်း မရှိသောကြောင့် ကိုးမားရောဂါကို ကြာရှည်စွာ ခံစားရဖွယ် ရှိနေသည်။

ရှူးမိတ်ကာ၏ မိသားစုကမူ ၎င်းတို့အနေဖြင့် မျှော်လင့်ချက် များကို စွန်လွှတ်သွားမည် မဟုတ်ဘဲ ဆက်လက် ကုသသွားမည် ဖြစ်ကြောင်း ရှူးမိတ်ကာနှင့် ၎င်းတို့အား နှစ်သိမ့် အားပေးသည့် ပရိတ်သတ် များကို ကျေးဇူးတင်ကြောင်း ပြောကြားခဲ့သည်။

Ref : Mirror