ကစားသမားဘ၀တွင် အမှားများ လုပ်ခဲ့မိသည့် အတွက် နောင်တရကြောင်း ရော်နယ်ဒိုဆို

ဇန်န၀ါရီ ၂၂၊ ၂၀၁၄
M-Media

– မိမိ၏ ကစားသမား သက်တမ်း အစောပိုင်း ကာလတွင် ပေးခဲ့မိသည့် မှတ်ချက်များ အတွက် နောင်တရမိပြီး၊ ကစားသမား ဘ၀တွင် အမှားတစ်ချို့ ပြုလုပ် မိခဲ့သည်ဟု ရီးယဲလ် မက်ဒရစ် အသင်း၏ တိုက်စစ်မှူး ခရစ္စတီယာနို ရော်နယ်ဒိုက ၀န်ခံ ပြောကြားခဲ့သည်။

“တစ်ခါက ပွဲအပြီးမှာ ကျွန်တော် အရမ်း ဒေါသထွက်ခဲ့ ပါတယ်။ ဘာ့ကြောင့်လဲ ဆိုတော့ ကျွန်တော် ဂိုးမသွင်းနိုင် လို့ပါ။ ကျွန်တော်ဟာ အရမ်း ယှဉ်ပြိုင်လိုစိတ် ရှိပြီး အရှုံးဆိုတာကို မုန်းပါတယ်။ ဒါကြောင့် အသင်းရှုံးနိမ့်တဲ့ အခါမှာ တစ်စုံတရာကို ပြောဆိုပြီး ဆိုးဆိုးဝါးဝါး ပြုမူတတ်တာဟာ သံသယ ဖြစ်စရာ မလိုပါဘူး” ဟု France Football ဘောလုံး စာစောင်နှင့် အင်တာဗျူးတွင် ရော်နယ်ဒိုက ပြောကြားခဲ့သည်။

ထို့ပြင် ဖီဖာ၏ ကမ္ဘာ့ အကောင်းဆုံး ဘောလုံးသမားဆု Ballon d’Or အား ပူပူနွေးနွေး ရရှိထားသည့် ရော်နယ်ဒိုက မိမိ၏ ကျော်ကြားမှု၊ ကြွယ်ဝမှုနှင့် ငယ်ရွယ်မှု တို့ကြောင့် ပြိင်ဘက်အသင်း ပရိတ်သတ်များ၏ လှောင်ပြောင်မှုကို ခံရကြောင်း၊ မိမိမှာ လူသားတစ်ဦး ဖြစ်သည့်အတွက် အမှားများကို ကျူးလွန်ပြီး များသောအားဖြင့် ဒေါသနှင့် ပွဲအရှုံးများကြောင့် ဖြစ်ကြောင်း ထည့်သွင်း ပြောကြား ခဲ့သည်။

၂၀၁၃-ခုနှစ်တွင် ကလပ်အသင်းနှင့် နိုင်ငံအသင်းတို့တွင် အောင်မြင်မှုများ မရခဲ့သော်လည်း အသင်းတွင် ပြသခဲ့သော ခြေစွမ်းနှင့် ဂိုးပေါင်းများစွာ သွင်းယူ နိုင်မှုကြောင့် ရော်နယ်ဒိုမှာ Ballon d’Or ဆုကို နှစ်ကြိမ်မြောက် ရရှိခဲ့ပြီး ဘာစီလိုနာ တိုက်စစ်မှူး မက်ဆီ၏ လေးနှစ် ဆက်တိုက် လွှမ်းမိုးမှုအား အဆုံးသတ်နိုင် ခဲ့သည်။

Ref : Goal