မလေးရှားတွင် မြန်မာပြည်မှ တင်သွင်းသည့် မှတ်ပုံတင် မထားသော ဆေးဝါးများ ဖမ်းဆီး

ဇန်နဝါရီ ၂၄၊ ၂၀၁၄
M-Media

–  နိုင်ငံတစ်ဝှမ်း မလေးရှား ကျန်းမာရေးဌာနမှ ပြုလုပ်ခဲ့သော စစ်ဆင်ရေးများတွင် ဆေးဝါးများအား တရားမ၀င်ရောင်းဝယ်သော မြန်မာလုပ်ငန်းရှင်များကို ဖမ်းဆီးမိခဲ့ပြီး တရားမ၀င် ဆေးဝါး ၁၀ တန်ခန့်ကိုလည်း သိမ်းဆည်းခဲ့သည်ဟု မလေးရှားအာဏာပိုင်းများက သတင်းထုတ်ပြန်ခဲ့သည်။

ထိုကဲ့သို့ စစ်ဆင်ရေးများပြုလုပ်ရန် ကျန်းမာရေးဌာနမှ မြန်မာလုပ်ငန်းရှင်များအား တစ်လကျော်ကြာ စုံစမ်း စစ်ဆေးမှုများပြုလုပ်ခဲ့ပြီး၊ Bangsar နှင့် Persiaran Syed Putra ဒေသများရှိ ဂိုထောင် သုံးခုနှင့် ဘန်ဂလိုနှစ်ခု စုစုပေါင်း ၅ ခုအား ရှာဖွေရန် သတ်မှတ်ခဲ့ခြင်းဖြစ်သည်ဟု ကျန်းမာရေး(ဆေးဝါး) ဌာန၏ ဒုတိယဒါရိုက်တာ ဆရက်ဒ် ဖက်ဇ်လီ ဆိုင်ယာလွတ်ဒီန်းက ပြောကြားခဲ့သည်။

ဖမ်းဆီးရမိသောဆေးဝါးများတွင် ကာမအားတိုးဆေး အပါအ၀င် မလေးရှား ရင်းဂစ် ၂.၁ သန်းတန်ဖိုးရှိ အကိုက်အခဲပျောက်ဆေး၊ ပဋိဇီဝဆေးဝါးများ၊ ဓာတ်မတည့်၍ ဖြစ်တတ်သော ရောဂါများအား သက်သာဆေသည့်ဆေးဝါးများ၊ အစာအိမ်ဆေးများ၊ စိတ်ငြိမ်ဆေးများနှင့် သန္ဓေတားဆေးများ ပါဝင်ပြီး မြန်မာနှင့် အိန္ဒိယ နိုင်ငံတို့မှ ထုတ်လုပ်သည့် ဆေးဝါးများဖြစ်ကြသည်။

ုထို့ပြင် ကျန်းမာရေးနှင့် ဆေးဝါးဌာနမှ ယမန်နေ့တွင် ပြုလုပ်ခဲ့သည့် အဆိုပါ စစ်ဆင်ရေးတွင် Lebuh Pudu ရှိ မြန်မာအသုံးအဆောင်များရောင်းသည့် ဆိုင်တစ်ခုမှ မြန်မာနိုင်ငံသား လေးဦးကိုလည်း ဖမ်းဆီးထားသည်ဟု သိရသည်။

ဖမ်းဆီးရမိခဲ့သော အဆိုပါဆေးဝါးများမှာ မလေးရှားကျန်းမာရေး ဌာနသို့ တရားဝင် မှတ်ပုံတင်ထားခြင်းမရှိဘဲ၊ အချို့မှာ အဆိပ်သင့်နိုင်ပြီး အစားအသောက် အက်ဥပဒေနှင့် ညီညွတ်ခြင်း မရှိဟု တာဝန်ရှိသူများကဆိုသည်။

“ဒီဆေးတွေကို အစားအသောက်ပုံစံမျိုးနဲ့ ကုန်းလမ်း၊ ရေးလမ်းကနေ တရားမ၀င် တင်သွင်းလာပြီး ဒီမှာရှိတဲ့ မြန်မာနိုင်ငံသားတွေကို ရောင်းချခဲ့တယ်လို့ ကျွန်တော်တို့ ယုံကြည်ပါတယ်။ အဲဒီဆေးဝါးတွေဟာ မှတ်ပုံတင်ထားတဲ့ ဆေးတွေထက် နှစ်ဆလောက် ဈေးသက်သာတဲ့ အတွက်ကြောင့် တော်တော်လေး ရောင်းအားကောင်းပါတယ်။ ပြီးတော့ ဒီမှာရှိတဲ့ နိုင်ငံခြားသားတွေကလည်း အဲဒီဆေးတွေကိုပဲ ရွေးချယ် အသုံးပြုကြပါတယ်” ဟု ဆိုင်ယာလွတ်ဒီန်းက ဆိုသည်။

ထို့ပြင် ထို့ကဲ့သို့ ဥပဒေမဲ့ဆေးဝါးများ ရောင်းချမှုများက ဆေးဝါး ကဏ္ဍမှရရှိသည့် အခွန်ငွေများအား ဆုံးရှုံးစေသောကြောင့် တိုင်းပြည်၏ စီပွားရေးကို ထိခိုက်ကြောင်း၊ ပြည်သူများအနေဖြင့် တရားဝင် မှတ်ပုံတင်ထားသော ဆေးဝါးများအား ၀ယ်ယူသုံးစွဲရန်အတွက် တိုက်တွန်းပါကြောင်း ၎င်းက ထည့်သွင်းပြောကြားခဲ့သည်။

Lebuh Pudu တွင်ဖွင့်လှစ်ထားသော မြန်မာအသုံးအဆောင်များရောင်းသည့် အဆိုပါဆိုင်၏ သက်တမ်းမှာ ၁၀ နှစ်ကျော်ရှိနေပြီဖြစ်ပြီး တရားမ၀င်ဆေးဝါးများ ရောင်းချမှုမှ ရရှိငွေမှာ တစ်နေ့လျှင် အနည်းဆုံး ရင်းဂစ် ၅၀၀၀ ခန့်ရှိသည်ဟု ကျန်းမာရေးဌာန အရာရှိက ပြောကြားခဲ့သည်။

Ref: The Star

Photo-Bernama