နေးမာ၏ အပြောင်းအရွှေ့တွင် မိဘများအား သန်း ၄၀ ပေးခဲ့ရသည်ဟု ဘာကာဝန်ခံ

ဇန်န၀ါရီ ၂၅၊ ၂၀၁၄
M-Media

နေးမာ၏ အပြောင်းအရွှေ့တွင် မိဘများအား သန်း ၄၀ ပေးခဲ့ရသည်ဟု ဘာကာဝန်ခံ၊ အရှုပ်အရှင်းများဖြစ်နေချိန်တွင် ပထမဆုံး ၀န်ခံခြင်းလည်းဖြစ်

– ဘရာဇီးကလပ်ဆန်းတို့စ် အသင်းမှ တိုက်စစ်မှူး နေးမာအား ယူရို ၅၇.၁ သန်းဖြင့် ခေါ်ယူခဲ့ရာတွင် သန်း ၄၀ မှာ နေးမာ၏ မိဘများကို ပေးချခဲ့ရခြင်း ဖြစ်သည်ဟု ဘာစီလိုနာ ဥက္ကဌသစ် ဘာမူတိုက ယမန်နေ့တွင်ပြောကြားလိုက်သည်။

ကြာသာပတေးနေ့က ဥက္ကဌ ရာထူးကို စတင်ရယူခဲ့ပြီးနောက်ပိုင်း ပြုလုပ်ခဲ့သည့် ပထမဆုံး သတင်းစာ ရှင်းလင်းပွဲတွင် ပြောကြားခဲ့ခြင်း ဖြစ်ပြီး၊ နေးမာ၏ အပြောင်းအရွှေ့ အရှုပ်အရှင်း အကြောင်းကို ပထမဆုံး ၀န်ခံလိုက်ခြင်းလည်းဖြစ်သည်။ ထို့ပြင် ထိုကိစ္စကို ကိုင်တွယ်နေသည့် ရှေ့နေဖြစ်သူ Felipe Izquierdo ကလည်း ထိုအရှုပ်အရှင်းတွင် ဘာမူတိုနှင့် အသင်း၏ စီးပွားရေးဆိုင်ရာ ဒုတိယဥက္ကဌ ဂျာဗီယာဖောက်လည်း ပါဝင် ပက်သက်သည်ဟု ပြောဆိုထားသည်။ “ကျွန်တော့်အနေနဲ့ ကိစ္စတစ်ခုကို ရှင်းရှင်းလင်းလင်း ဖြစ်ချင်ပါတယ်။ နေးမာရဲ့ ပြောင်းရွှေ့ကြေးဟာ ယူရို ၅၇.၁ သန်း ဖြစ်ပါတယ်။ ကျွန်တော်တို့ လိမ်ညာထားတာ မရှိဘူးဆိုတာကို အာမခံပါတယ်။ ကျွန်တော်တို့ ဆောင်ရွက်ထားတဲ့ စာချုပ်တွေအပေါ် ကျွန်တော်တို့ အပြည့်အ၀ တာဝန်ယူပါတယ်” ဟု ဘာမူတိုက နျူးကမ့်တွင်ပြုလုပ်သည့် သတင်းစာ ရှင်းလင်းပွဲတွင် သတင်းထောက်များအား ပြောကြားခဲ့သည်။

နေးမာအား ခေါ်ယူရာတွင် ယူရို ၅၇.၁ သန်းသုံးစွဲခဲ့သည့်ဟု ဘာစီလိုနာအသင်းက ထုတ်ပြန်ခဲ့ပြီး နောက်ပိုင်းတွင် ဆန်းတို့စ်အသင်းက မိမိတို့အနေဖြင့် ပြောင်းရွှေ့ကြေး အနည်းငယ်သာ ရရှိခဲ့သည်ဟု ကြေညာခဲ့သည်။ ထို့ကြောင့် ဘာစီလိုနာ ပရိတ်သတ်တစ်ဦးက အပြောင်းအရွှေ့ကိစ္စနှင့် ပက်သက်၍ မသမာမှုများ ရှိနေသည်ဟု စပိန်တရားရုံးအား တိုင်ကြားခဲ့သောကြောင့် လက်ရှိတွင် တရားရုံးက ထိုအပြောင်းအရွှေ့ကိစ္စအား ကြားနား စစ်ဆေးလျက် ရှိနေသည်။

Ref : Goal