သြတေးလျအိုးပင်း တင်းနစ်ပြိုင်ပွဲတွင် လီနာဗိုလ်စွဲ၊ မိမိအလိုချင်ဆုံး ဖလားတစ်ခုဖြစ်သည်ဟု ပြောကြား

ဇန်န၀ါရီ ၂၆၊ ၂၀၁၄
M-Media

– သြစေလးလျနိုင်ငံ Melbourne Park တွင် ကျင်းပပြုလုပ်ခဲ့သည့် သြစတေးလျအိုးပင်း တင်းနစ်ပြိုင်ပွဲတွင် တရုတ်တင်းနစ်မယ် လီနာက အနိုင်ရ ဗိုလ်စွဲခဲ့သည်ဟု သိရသည်။

ယမန်နေ့ ညနေက ကစားခဲ့သည့် ဗိုလ်လုပွဲတွင် လီနာမှာ စလိုဗက်ကီးယား တင်းနစ်မယ် စီဘူလ်ကိုဗာအား ၇-၆(၇-၃) ၆-၀ ဖြင့် အနိုင်ကစားနိုင်ခဲ့ကာ ဗိုလ်စွဲခဲ့ခြင်း ဖြစ်သည်။

၂၀၁၁ နှင့် ၂၀၁၂ ပြိုင်ပွဲများတွင် ဗိုလ်ပွဲသို့တက်ရောက်နိုင်ခဲ့ပြီးမှ ကင်မ်ကလိုက်စကားနှင့် အဇာရန်ကာတို့ကို ရှုံးနိမ့်ခဲ့ပြီး ဒုတိယဆုသာ ရရှိခဲ့သည့် လီနာ အတွက် ယခုဆုဖလားမှာ ဒုတိယမြောက် ဂရန်းစလင်း ဆုဖလားဖြစ်ပြီး၊ ပြိုင်ပွဲသက်တမ်းတစ်လျှောက် အသက်အကြီးဆုံး ချန်ပီယံလည်း ဖြစ်လာခဲ့သည်။

ထိုပြိုင်တွင် ဗိုလ်စွဲရန် ရေပန်းအစားဆုံးဖြစ်ခဲ့သည့် လီနာက “အနည်းဆုံးတော့ ကျွန်မ လုပ်နိုင်ခဲ့ပါတယ်။ အရင်နှစ်ကြိမ်တုန်းကလိုမဟုတ်ဘဲ အဆင့်တစ်ခုကို တက်နိုင်ခဲ့တယ်လို့ ကျွန်မခံစားရပါတယ်။ ကျွန်မကိုယ်ကျွန်မ အရမ်းဂုဏ်ယူမိပါတယ်။ ဒီဖလားကို ကျွန်မနှစ်သက်ပြီး ကျွန်မလိုချင်တဲ့ ဆုဖလားပါပဲ” ဟု ပွဲအပြီးတွင်ပြောကြားခဲ့သည်။

Ref : Skysports