စင်္ကာပူထုတ် ဟာလလ် တံဆိပ်ဖြင့် ဝက်သားထုပ်ပုံများ ဆိုရှယ် မီဒီယာတွင် ပြန့်နှံ ၊ လုပ်ကြံသတင်း ဖြစ်ကြောင်းသိရ

ဇန်နဝါရီ ၂၇၊ ၂၀၁၄
M-Media

PHOTO: NTUC

– စင်ကာပူနိုင်ငံ NTUC FairPrice ကုမ္ပဏီမှ ထုတ်လုပ်သော ၀က်သားထုပ်များတွင် ဟာလာလ်တံဆိပ်ကပ်ထားသည့် ဓာတ်ပုံတစ်ပုံမှာ မကြာသေးခင်က Facebook စာမျက်နှာတွင် ပေါ်ထွက်လာခဲ့ပြီး ထိုဓာတ်ပုံမှာ လုပ်ကြံထားသော ဓာတ်ပုံဖြစ်သည်ဟု သိရသည်။

ထိုဓာတ်ပုံမှာ ၂၀၀၇ ခုနှစ်မှ စတင်ကာ အင်တာနက် စာမျက်နှာများတွင် ပေါ်ထွက် လာခဲ့ခြင်းဖြစ်ပြီး နောက်ပိုင်းတွင် ပျောက်ကွယ်သွားခဲ့ပြီး ၆ နှစ်ကြာမှ ပြန်လည် ထွက်ပေါ်လာခဲ့ခြင်းဖြစ်သည်။

ထိုကိစ္စနှင့် ပတ်သက်၍ FairPrice ၏ စီအီးအိုဖြစ်သူ Seah Kian Peng ကမူ ထိုကဲ့သို့ လုပ်ကြံမှုမှာ ဆိုးရွားသော ဘာသာရေးဆိုင်ရာ ဂယက်ရိုက်မှု တစ်ခုဖြစ်လာကြောင်း၊ တမင်အကွက်ချ ဖန်းတီးမှုဖြစ်ပြီး ရဲတပ်ဖွဲ့ကိုလည်း တိုင်ကြားထားကြောင်း ပြောကြားခဲ့သည်။

ထို့ပြင် ၎င်းတို့ကုမ္ပဏီမှ ဖြန့်ချီသော ၀က်သားအထုပ်များတွင် စင်ကာပူအစ္စလာမ်ဘာသာရေးကောင်စီ(MUIS) က ထုတ်ပေးသော ဟာလာလ်တံဆိပ် ကပ်ထားမှုများမရှိကြောင်း၊ FairPrice ၏ အစားအသောက်များတွက် အဟာရနှင့် ထုတ်လုပ်မှုဆိုင်ရာ အချက်အလက်များအား ဂရုတစိုက်ဆောင်ရွက်ပြီး၊ အစားအသောက် များပေါ်တွင် ရိုက်နှိပ်ထားသော အချက်အလက်များမှာ တိကျ၍ အသိအမှတ်ပြုထားသော အချက်အလက်များဖြစ်ကြောင်း Kian Peng က ထည့်သွင်းပြောကြားခဲ့သည်။

ဆက်လက်၍ မလိုအပ်သော ရှုပ်ထွေးမှုများအား ရှောင်ရှားရန် အတွက် ထိုလုပ်ကြံထားသည့် ပုံများကို ဆက်လက်ဖြန့်ဖြူးမှုများ မပြုလုပ်ရန်ကိုလည်း ပြည်သူများအား မေတ္တာရပ်ခံခဲ့ပြီး၊ စုံစမ်းမေးမြန်းလိုပါက ကုမ္ပဏီအား ဖုန်းဖြင့်ဖြစ်စေ၊ ကုမ္ပဏီ၏ ၀ဘ်ဆိုဒ်တွင်ဖြစ်စေ မေးမြန်းနိုင်ကြောင်း အသိပေးပြောကြားခဲ့သည်။
Ref: CNA