နိုင်ငံ၏ ဖွံ့ဖြိုးတိုးတက်ရေးလုပ်ငန်းစဉ်တွင် အစိုးရနှင့် ပူးပေါင်းလုပ်ဆောင်ရန် မိတ်ဖက်နိုင်ငံများအား သမ္မတဦးသိန်းစိန်တိုက်တွန်း

ဇန်န၀ါရီ ၂၈၊ ၂၀၁၄
M-Media

– နိုင်ငံ၏ အနာဂတ် ဖွံ့ဖြိုးတိုးတက်ရေး လုပ်ငန်းများတွင် မိမိတို့အစိုးရနှင့် လက်တွဲလုပ်ဆောင်သွားရန် နိုင်ငံတော် သမ္မတ ဦးသိန်းစိန်က ဖွံ့ဖြိုးမှု မိတ်ဖက်နိုင်ငံများအား ယမန်နေ့က တိုက်တွန်းခဲ့သည်ဟု သိရသည်။

နေပြည်တော်တွင် “တိုးတက်မှုအရှိန်မြှင့်ရေး အားလုံးပါဝင်ပူးပေါင်းမြှင့်တင်ပေး” (Accelerating Actions for Progress through Enhancing Inclusive Coordination) ခေါင်းစဉ်ဖြင့် ပြုလုပ်ခဲ့သည့် ဒုတိယအကြိမ် မြန်မာနိုင်ငံ ဖွံ့ဖြိုးတိုးတက်မှု ပူးပေါင်းဆောင်ရွက်ရေးဖိုရမ်၏ အဖွင့်မိန့်ခွန်း တွင် ထိုကဲ့သို့ ပြောကြားခဲ့ခြင်း ဖြစ်သည်။

ထို့ပြင် ၂၀၁၄-၁၅ ဘဏ္ဍာရေးနှစ်တွင် မြန်မာနိုင်ငံ၏ GDP အား ၉.၁ ရာခိုင်နှုန်း မြင့်တက်စေရန် လျာထားထားသည်ဟု ပြောကြားခဲ့ပြီး စနစ်ကျသော စီမံခန့်ခွဲရေး၊ နိုင်ငံတကာမှ အကူအညီများ၊ ချေးငွေများ၊ နည်းပညာပိုင်းဆိုင်ရာထောက်ပံ့မှုများနှင့် နိုင်ငံ၏ သတ်မှတ်ထားသော ဖွံ့ဖြိုးမှုနှုန်းအား အောင်မြင်စေရန် အလို့ငှာ ပြည်တွင်း၊ ပြည်ပ ရင်းနှီးမြှုပ်နှံမှုများ စသည်တို့ကို အကျိုးရှိရှိအသုံးချရေုးကိုလည်း တိုက်တွန်းပြောဆိုသွားခဲ့သည်။

နိုင်ငံဖွံ့ဖြိုး တိုးတက်ရေး အတွက် ငါးနှစ်စီမံကိန်း သတ်မှတ်ထားပြီး၊ ထိုသတ်မှတ်ချက်က ဖွံ့ဖြိုးမှု မိတ်ဖတ်နိုင်ငံများအား ကူညီနိုင်လိ့မ်မည်ဟု ယုံကြည် ကြောင်း၊ နိုင်ငံ၏ ပြုပြင်ပြောင်းလဲရေးလုပ်ငန်းစဉ်များတွင် ထိုနိုင်ငံများမှ အားပေးကူညီမှုများ၊ အစိုးရနှင့် ပူးပေါင်းဆောင်ရွက်မှုများကို ပြုလုပ်ခြင်းဖြင့် နိုင်ငံ၏ ဖွံ့ဖြိုးမှု အစီအစဉ်ကို ပို၍ အကျိုးသက်ရောက်စေကြောင်း၊ မိမိတို့အစိုးရအနေဖြင့် နိုင်ငံရေးပြုပြင်ပြောင်းလဲမှု၊ စီးပွားရေး ပြုပြင်ပြောင်းလဲမှု၊ ပြည်သူ့ရေးရာ စီမံခန့်ခွဲမှုနှင့် ပုဂ္ဂလိက ကဏ္ဍပြုပြင်ပြောင်းလဲရေး ဟူသည့် အဆင့်လေးဆင့်ဖြင့် နိုင်ငံ ဖွံ့ဖြိုးတိုးတက်ရေး လုပ်ငန်းများကို လုပ်ဆောင် နေကြောင်း၊ မြန်မာနိုင်ငံ၏ ပြုပြင်ပြောင်းလဲရေးနှင့် ဖွံ့ဖြိုးတိုးတက်ရေးလုပ်ငန်းများတွင် ပါဝင်ကူညီပေးနေသည့် မိတ်ဖတ်နိုင်ငံများ၊ ကမ္ဘာ့အသင်းအဖွဲ့ အသီးသီးအား ကျေးဇူးတင်ပါကြောင်း သမ္မတ ဦးသိန်းစိန်က ထည့်သွင်း ပြောကြားခဲ့သည်။

Ref : Xinhua