မောင်တောမြို့ ဒူချီရာတန်းကျေးရွာ ရိုဟင်ဂျာမွတ်စလင် အိမ်များ မီးရှို့ခံနေရ

ဇန်န၀ါရီ ၂၈၊ ၂၀၁၄
ထွန်းတောက်
M-Media

မောင်တော ။ ။ ရခိုင်ပြည်နယ်၊ မောင်တောမြို့၊ ဒူချီရာတန်းမှ ရိုဟင်ဂျာအိမ်များအား မီးရှို့ခံနေရကြောင်း သိရပါတယ်။

ယနေ့ည ၈း၃၀-နာရီခန့်က ဒူချီရာတန်းရှိ အိမ်များမီးရှို့ခံနေရပြီး ည ၁၀း၃၀-နာရီခန့်အထိ အိမ် ၅-လုံး မီးရှို့ခံခဲ့ရပြီး နောက်ထပ်လည်း မီးတောက်များ မြင်နေရဆဲဖြစ်တာကြောင့် မီးများ ဆက်လက် လောင်ကျွမ်းနေကြောင်း သိရသော်လည်း အိမ်ခြေ မည်မျှ မီးရှို့ခံရကြောင်း အတည်မပြုနိုင်သေးကြောင်း ဒေသခံတစ်ဦးမှ ပြောပါတယ်။

၎င်း မီးရှို့ခံရသည့် အိမ် ၅-အိမ်မှာ ဆက်တိုက်လောင်ကျွမ်းခြင်း မဟုတ်ဘဲ တစ်အိမ်ပြီးမှ တစ်အိမ် ရှို့ခံရခြင်းဖြစ်ကြောင်းလည်း သိရပါတယ်။

မီးလောင်နေသည့်အတွက် ဒေသခံလူများ စိုးရိမ်ထိတ်လန့်နေကြကြောင်း၊ မောင်တောမြို့နယ် ပြည်နယ် လွှတ်တော်ကိုယ်စားလှယ် ဦးအောင်မျိုးမင်းက ရခိုင်ပြည်နယ် ၀န်ကြီးချုပ်နှင့် ဒေသဆိုင်ရာ အာဏာပိုင်များကို အကြောင်းကြားထားပြီး လက်ရှိအခြေအနေမှာ ပြည်နယ်လွှတ်တော်ကိုယ်စားလှယ်၊ မြို့နယ် အုပ်ချုပ်ရေးမှူးနှင့် မောင်တောအခြေစိုက် ရဲမှူးချုပ်ပါ ရောက်ရှိပြီး ယခုအရေးကိစ္စကို ဆက်သွယ်ဆောင်ရွက်နေတယ်လို့ ဦးရွှေမောင်မှ အတည်ပြု ပြောကြားပါတယ်။

ဒူချီရာတန်းသည် အိမ်ခြေ ၄၀၀ ခန့်ရှိသည့် ရွာငယ် ၇-ရွာ ပေါင်းစုထားသည့် ဒူချီရာတန်းကျေးရွာအုပ်စု ဖြစ်ပြီး ယခု ဖြစ်နေသည်မှာ အရှေ့ရွာ၊ အလယ်ရွာနှင့် အနောက်ရွာတို့တွင် ဖြစ်နေတယ်လို့လည်း သိရပါတယ်။

မောင်တောမှာ ဇန်နဝါရီ ၉ရက်နေ့နဲ့ ၁၃ရက်နေ့တွေမှာ ဒူချီရာတန်းကျေးရွာက ဒေသခံ မွတ်ဆလင် အနည်းဆုံး ၄ဝကျော်ကို အစိုးရလုံခြုံရေးတပ်ဖွဲ့တွေနဲ့ ရခိုင်လူမျိုးတွေ တိုက်ခိုက်သတ်ဖြတ်ခဲ့တယ်လို့ ကုလသမဂ္ဂ မှ သတင်းထုတ်ပြန်ခဲ့ပြီး အေပီ သတင်းဌာနနှင့် နိုင်ငံတကာ သတင်းဌာများမှာ ခေါင်းကြီးပိုင်းသတင်းအဖြစ် ဖော်ခဲ့ပြခဲ့ကြတယ်။