ပိုင်ဆိုင်မှု အငြင်းပွားနေသည့် ပိုင်နက်အတွက် ရုရှားနှင့် ဂျပန်တို့ ဆွေးနွေး

ဇန်နဝါရီ ၃၁ ၊ ၂၀၁၄
M-Media

တိုကျို။ ။ နှစ်နိုင်ငံ အငြင်းပွားနေသည့် ပိုက်နက်ကိစ္စနှင့် စီးပွားရေးဆိုင်ရာအပြန်အလှန်ပူးပေါင်းဆောင်ရွက်ရေးအတွက် ရုရှားနှင့် ဂျပန်နိုင်ငံမှ တာဝန်ရှိသူများမှာ ရုရှားနိုင်ငံ ဆိုချီမြို့၌ ဇန်န၀ါရီ ၃၁ ရက် (ယနေ့တွင်) ဆွေးနွေးမှုများပြုလုပ်ခဲ့ပြီး၊ ဂျပန်ဝန်ကြီးချုပ် ရှင်ဇိုအာဘေးနှင့် ရုရှားသမ္မတ ဗလာဒီမာပူတင်တို့ တွေ့ဆုံရန်ကိုလည်း စီစဉ်ခဲ့သည်ဟု သိရသည်။

ဂျပန် လက်ထောက်နိုင်ငံခြားရေးဝန်ကြီး ရှင်ဆူကီ ဆူဂီယာမာနှင့် ရုရှား လက်ထောက်နိုင်ငံခြားရေးဝန်ကြီး အီဂေါ် မော်ဂူလို့ဗ်တို့ ပါဝင်ခဲ့သည့် ထိုဆွေးနွေးပွဲတွင် ဂျပန်နိုင်ငံမြောက်ပိုင်း ဟိုကိုင်းဒိုးပြည်နယ် အတွင်းရှိ ကျွန်းစုတစ်ခု ပိုင်ဆိုင်နှင့်ပက်သက်ပြီး ဆွေးနွေးခဲ့ကြသည်။ ထိုကျွန်းစုအတွက် ဂျပန်နှင့် ရုရှားတို့မှာ ဒုတိယကမ္ဘာစစ်ပြီးကတည်းက အငြင်းပွားနေခဲ့ခြင်းဖြစ်သည်။

“နိုင်ငံမြောက်ဘက်က ပိုင်နက်ကိစ္စနဲ့ ငြိမ်းချမ်းစွာအဆုံးသတ်နိုင်ဖို့အတွက် ကျွန်တော်တို့ ပွင့်ပွင့်လင်းလင်း ဆွေးနွေးချင်ပါတယ်” ဟု ဆွေးနွေးပွဲတွင် ဆူဂီယာမာက ပြောကြားခဲ့ကြောင်း ဂျပန်မီဒီယာများက ဖော်ပြခဲ့ကြသည်။

ရုရှားလက်ထောက်နိုင်ငံခြားရေးဝန်ကြီး မော်ဂူလို့ဗ်ကလည်း နှစ်ပေါင်းများစွာကြာနေပြီဖြစ်သည့် အဆိုပါ ပိုင်ဆိုင်မှုကိစ္စအား ဆွေးနွေးရန် ဆန္ဒရှိနေသည်ဟု ပြောကြားခဲ့သည်။

ထို့ပြင် နှစ်နိုင်ငံ အပြင်အလှန်စီးပွားရေး ပူးပေါင်းဆောင်ရွက်မှုနှင့် ယဉ်ကျေးမှုဖလှယ်ရေးကိစ္စရပ်တို့ကိုလည်း ဆွေးနွေးခဲ့ကြသည်။ ဂျပန်ဝန်ကြီးချုပ်ရှင်ဇိုအားအေးနှင့် ရုရှားသမ္မတ ပူတင်ကတို့တွေ့ဆုံရန်ကိုလည်း စီစဉ်ခဲ့ပြီး၊ ပူတင်နှင့်မတွေ့ဆုံမည် အာဘေးမှာ ဆိုချီ၌ ကျင်းပမည့် ဆောင်းရာသီအိုလံပစ် ဖွင့်ပွဲအခမ်းအနားသို့ တက်ရောက်မည်ဖြစ်သည်။ ရုရှားသမ္မတ ပူတင်မှယ ယခုနှစ်အတွင် ဂျပန်နိုင်ငံသို့ လာရောက်လည်ပတ်ရန်ရှိနေသည်။

Ref: ဆင်ဟွာ