ကျောက်တံတားမြို့နယ်ရှိ မွတ်စ်လင်မ် ကုသိုလ်ဖြစ်ဆေးရုံ

ရန်ကုန်မြို့ ကျောက်တံတားမြို့နယ် ဘားလမ်း (မဟာဗန္ဓုလ ပန်းခြံလမ်း)တွင် တည်ရှိသော မွတ်စ်လင် ကုသိုလ်ဖြစ်ဆေးရုံ စတင်တည်ထောင်ခဲ့ပုံနှင့် လက်ရှိအခြေအနေများမှာ အောက်ပါအတိုင်း ဖြစ်ပါသည်။

လွန်ခဲ့သည့် ၇၂ နှစ်ကျော်ခန့်က မွတ်စ်လင်ဘာသာဝင်များထဲတွင် တိုးတက်သည့် အတွေးအမြင်ရှိသော လူငယ်အုပ်စုတစ်ခုသည် လွတ်လပ်မှုကို ပြင်းပြစွာ လိုလားခဲ့ကြပါသည်။ သို့သော် သူတို့၏ ကိုးကွယ်ယုံကြည်မှု၊ လူမျိုး၊ အဆင့်အတန်းကြောင့် အရည်အချင်းမီ ဆေးကုသမှုကို မရရှိနိုင်ကြဘဲ ခွဲခြားဆက်ဆံ ခံနေကြရသည်ဟု ခံစားခဲ့ကြရသည်။ လမ်းသစ်ထွင်လိုသည့် လူငယ်များသည် ၎င်းတို့၏ လူမှုအသိုင်းအဝိုင်း အတွင်းတွင် နားလည်မှုရှိသော လူကြီးအချို့ကို ချဉ်းကပ်ကာ စတင်စည်းရုံးခဲ့ကြသည်။ လူကြီးများသည် တစ်ခုတည်းသော ရည်ရွယ်ချက်နှင့်အတူ အလေးအနက်ထား ကြိုးပမ်းကြရန် လူငယ်တို့၏ အတွေးအမြင်တို့ကို လက်ခံခဲ့ကြသည်။ သူတို့၏ ကိုယ်ကျိုးမဖက်သော စွမ်းဆောင်မှုများကြောင့် သင့်တော်ရုံမျှသော ဆေးကုခန်းလေးတစ်ခုကို အကောင်အထည်ဖော်ကာ ၁၉၃၇ ခုနှစ် ဇန်နဝါရီလ ၅ ရက်နေ့တွင် တရားဝင် ဖွင့်လှစ်နိုင်ခဲ့ကြပါသည်။ စနစ်ကျသော စီမံခန့်ခွဲမှုများသည် ကုသိုလ်ဖြစ်စေရုံသာမက တိုးတက်အောင်မြင်ပြီး တဖြည်းဖြည်း ကျယ်ပြန့်လာခဲ့ပါသည်။ အလ္လာအရှင်မြတ်၏ ကျေးဇူးတော်၊ စေတနာရှင် ပြည်သူများ တစ်ဦးချင်းနှင့် အဖွဲ့အစည်းများ၊ အစိုးရနှင့် အစိုးရမဟုတ်သော အဖွဲ့အစည်းများ၊ ပြည်တွင်း/ပြည်ပ အလှူရှင်များ၏ ကူညီပံ့ပိုးမှုများကြောင့် သာမန်ဆေးခန်းလေးမှသည် တိုးတက်ခေတ်မီသော ဆေးရုံကြီးအဖြစ် ထူထောင်နိုင်ခဲ့ကြပါသည်။ အဆောက်အဦးကြီး ၃ ခုကို မိုးပျံတံတားများထိုးကာ ပေါင်းကူးဆက်သွယ်စေပြီး မကျန်းမာသော လူနာများအား လူမျိုး၊ ဘာသာ မရွေး ဆေးကုသပေးနိုင်ခဲ့ပါသည်။

မွတ်စ်လင် ကုသိုလ်ဖြစ်ဆေးရုံတွင် ခုတင် ၁၃၀ ဖြင့် အတွင်းလူနာများကို လက်ခံကုသပေးနေပြီး အရေးပေါ်လိုအပ်လာပါက ခုတင်အပိုများ ထည့်သွင်းနိုင်ကြောင်းလည်း သိရပါသည်။ ယခုအခါ အထွေထွေဆေးခန်း၊ သားဖွားနှင့် မီးယပ်၊ မျက်စိနှင့် ခွဲစိတ်ကုသမှုဆိုင်ရာ ဌာနခွဲများကိုလည်း ဖွင့်လှစ်ကုသပေးလျက်ရှိသည်။ ထို့အပြင် ဆေးဘက်ဆိုင်ရာ စမ်းသပ်စစ်ဆေးမှုများအတွက် ဓာတ်ခွဲခန်း၊ X-Ray၊ USG၊ ECG စသည့် ခေတ်ပေါ်စက်ပစ္စည်းများအပြင် သွေးလှူဘဏ်ကိုလည်း ဖွင့်လှစ်နိုင်ကြောင်း သိရပါသည်။ ထိုဌာနများက ပြင်ပလူနာ ပျမ်းမျှ ၄၀၀ ခန့်ကို နေ့စဉ်ကုသပေးနေပါသည်။ ပြင်ပမှ အထူးကုဆရာဝန်များနှင့် စမ်းသပ်ကုသမှုကို ခံယူရန်လိုအပ်သော လူနာများအတွက် ကုန်ကျစရိတ်ကို မွတ်စ်လင်ဆေးရုံက ထောက်ပံ့ကူညီပေးပါသည်။ မွတ်စ်လင်ဆေးရုံတွင် ကုသပေးနေသော မျက်စိအထူးကုဆရာဝန်အချို့မှာ နိုင်ငံတဝှမ်း ကျော်ကြားကြသူများ ဖြစ်သောကြောင့် အနယ်နယ်အရပ်ရပ်မှ လူနာများ လာရောက်ဆေးကုသမှု ခံယူကြကြောင်း သိရပါသည်။

မွတ်စ်လင် ကုသိုလ်ဖြစ်ဆေးရုံသည် ရန်ကုန်မြို့လယ်ခေါင်တွင် တည်ရှိသောကြောင့် လူအများ ဝင်ထွက်သွားလာရန် အထူးလွယ်ကူလှပါသည်။ ဤဆေးရုံမှာ ဂိုဏ်းဂဏစွဲ မရှိဘဲ၊ လူသားအကျိုးဆောင် စေတနာဆေးရုံတစ်ရုံအဖြစ်၊ ဆင်းရဲသော လူသားတိုင်းအတွက် ဖွင့်လှစ်ထားခြင်း ဖြစ်ပါသည်။ အခြားသော မည်သည့်အသင်းအဖွဲ့နှင့်မျှ တွဲဖက်ထားခြင်းမရှိ၊ လွတ်လပ်စွာ ကူညီလည်ပတ်နေသော ဆေးရုံတစ်ရုံသာ ဖြစ်သည်။ ဆေးရုံ၏ စီမံခန့်ခွဲရေးအတွက် အောက်ပါအတိုင်း ဖွဲ့စည်းထားပါသည်။

၁   ဥက္ကဋ္ဌ                                    ၁ ဦး
၂   ဒု ဥက္ကဋ္ဌ                                 ၂ ဦး
၃   ဘဏ္ဍာထိန်း                            ၁ ဦး
၎   အတွင်းရေးမှူး                         ၁ ဦး
၅   တွဲဖက် အတွင်းရေးမှူး               ၁ ဦး
၆   ကော်မတီ အဖွဲ့ဝင်များ                ၉ ဦး

စီမံခန့်ခွဲရေးကော်မတီကို သက်တမ်းအလိုက် အသင်းဝင်များက ရွေးချယ်တင်မြှောက်ပေးခြင်းဖြစ်ပြီး အားလုံး စေတနာ့ဝန်ထမ်း အကျိုးဆောင်များသာ ဖြစ်ကြသည်။

၂၀၀၈ ခုနှစ်တွင် နာဂစ်လေမုန်တိုင်း ဘေးဒုက္ခကျရောက်စဉ်ကလည်း မွတ်စ်လင်ကုသိုလ်ဖြစ်ဆေးရုံက ဆရာဝန်နှင့် သူနာပြုများ ပါဝင်သော အရေးပေါ် လေဘေးကယ်ဆယ်ရေးအဖွဲ့ကို ဖွဲ့စည်းစေခဲ့ပြီး၊ လေဘေးသင့် ဒေသများသို့ ဆေးဘက်ဆိုင်ရာ အကူအညီများ ပေးပို့ကူညီခဲ့ကြသည်။

အစိုးရက ကူညီထောက်ပံ့ရေးကာလ ပြီးဆုံးကြောင်း ကြေညာချက်ထုတ်ပြန်သည်အထိ ထိုအဖွဲ့သည် လေဘေးသင့်ဒေသတွင် ဆေးခန်းဖွင့် ကူညီကုသပေးသည့်အပြင်၊ ကွင်းဆင်းဆောင်ရွက်ချက်များကို ကူညီဆောင်ရွက်ခဲ့ကြသည်။ ထိုအဖွဲ့ကို ပြန်လည်ခေါ်ယူပြီး ဒုက္ခသည် လူနာများအား ရန်ကုန်သို့ ပို့ဆောင်စေကာ အတွင်းလူနာအဖြစ် ကုသပေးခဲ့သည်။

မွတ်စ်လင် ကုသိုလ်ဖြစ်ဆေးရုံတွင် တာဝန်ထမ်းဆောင်နေကြသော ဆရာဝန်နှင့် ဝန်ထမ်းအင်အားစာရင်းမှာ အောက်ပါအတိုင်း ဖြစ်ပါသည်။

၁    အထွေထွေကု ဆရာဝန် (M.O.’s Physician)    ၂ ဦး
၂    သားဖွားနှင့် မီးယပ် အထူးကု (O.G)                 ၂ ဦး
၃    ခွဲစိတ် အထူးကု (Surgeons)                          ၄ ဦး
၎    မျက်စိ အထူးကု (Eyes Specialist)                ၁ ဦး
၅    အရိုး အထူးကု (Bone Specialist)                  ၁ ဦး
၆    ရင်ဘတ် အထူးကု (Chest Specialist)            ၁ ဦး
၇    စိတ်ရောဂါ အထူးကု (Psychiatrist)                ၁ ဦး
၈    G.P                                                        — ဦး
၉    ရုံးဝန်ထမ်း၊ သူနာပြုနှင့် ဆေးရုံဝန်ထမ်းများ        — ဦး

မွတ်စ်လင် ကုသိုလ်ဖြစ်ဆေးရုံ၏ အဓိက ရည်မှန်းချက်နှင့် ပန်းတိုင်မှာ ဘာသာ၊ အယူဝါဒ၊ အသွေးအရောင် ခွဲခြားမှုမရှိစေဘဲ ဆင်းရဲသားများအား လိုအပ်သော ဆေးကုသမှုကို ကူညီပေးရန် ဖြစ်သည်။     ။

Credit- http://www.citizenofburma.org