“ကျောင်းတွေမှာ စာမေးပွဲအောင်ဖို့ပဲ လုပ်နေကြတာ အားကစားကို လှည့်ကို မကြည့်ကြဘူး” ဟု လွှတ်တော်အမတ် ဦးခိုင်မောင်ရည် ပြော

ဖေဖော်ဝါရီ ၁၊ ၂၀၁၄
M-Media
ချမ်းငြိမ်းအေး

ရန်ကုန်။ ။ မြန်မာနိုင်ငံတွင် အားကစားလောကကို ဖွံ့ဖြိုးတိုးတက်အောင် လုပ်ဆောင်သွားရန် လိုအပ်ကြောင်း ပြည်သူ့ လွှတ်တော် အားကစား၊ ယဉ်ကျေးမှုနှင့် ပြည်သူ့ ဆက်ဆံရေး ဖွံ့ဖြိုးတိုးတက်မှုကော်မတီ အဖွဲ့ဝင် ဦးခိုင်မောင်ရည် က ပြောကြားခဲ့ပါသည်။

“ယခုခေတ်ကြီးထဲမှာ မူလတန်း၊ အလယ်တန်း၊ အထက်တန်း ကျောင်းတွေက စာတွေကိုပဲ ဖိသင်နေတယ်။ ၁၀ တန်းဆိုရင် အဆိုးဆုံးပဲ ကျောင်းသား စာမေးပွဲအောင်ဖို့ပဲ လုပ်နေကြတာ အားကစားကို လှည့်ကိုမကြည့်ကြဘူး။ အားကစားမလုပ်တော့ ကျန်းမာရေး ထိခိုက်တာပေါ့။ ကျောင်းတွေမှာ အားကစားကို ပညာရေးနှင့် ပူးတွဲပေးထားသင့်ပါတယ်။ အခုရေပန်းစားနေတဲ့ FC Club တွေက မြန်မာလို့ပြောပြီး ကပ္ပလီ တွေပါနေတယ်။ အဲဒါမဖြစ်သင့်ပါဘူး။ မူလတန်းကတည်းကနေ လေ့ကျင့်ပေးပြီး ချန်ပီယံလေးတွေ ဖြစ်အောင် ပြုစုပျိုးထောင်ပေးသင့်ပါတယ်။ အခု ၂၈-ကြိမ်မြောက် SEA GAME လူရွေးပွဲလုပ်တော့မယ်။ ကျွန်တော်ပြောချင်တာက လူရွေးတဲ့အခါမှာ တကယ်တော်တဲ့ လူတွေကိုပဲ အားကစားဌာနကနေ ရွေးပေးဖို့ပဲ လိုအပ်ပါတယ်” ဟု ဦးခိုင်မောင်ရည် ကပြောကြားခဲ့ပါသည်။

ဆက်လက်ပြီး အားကစားကွင်းတွေကို ဆောက်လုပ်ရန် လိုအပ်နေကြောင်း၊ ပျက်ဆီးနေတဲ့ အားကစားရုံတွေကို ပြင်ဆင်ပေးရန်လိုအပ်ကြောင်း၊ အားကစားကွင်းတွေ ဆောက်လုပ်ပြီး နိုင်ငံတကာကို ဖိတ်ခေါ်၍ ယှဉ်ပြိုင်ကစားသင့်ကြောင်း၊ ပညာသင်ကျောင်းတွေကနေ ထူးချွန်တဲ့ ကစားသမားတွေကို မွေးထုတ်ပေးသင့်ကြောင်း၊ ပညာရေးနှင့် ကျန်းမာရေးကိုပေါင်းပြီး ကလေးတွေကို လေ့ကျင့်ပေးစေလိုကြောင်း ၎င်းက ပြောကြားခဲ့ပါသည်။

မြန်မာနိုင်ငံမှ ထူးချွန်သော အားကစားသမားကောင်းများ မွေးထုတ်ပေးရေး၊ အားကစားအဆောက်အအုံများတည်ဆောက်ပေးရေး တို့ကို ပြုလုပ်ပေးရန် အထူးလိုအပ်နေကြောင်း ၎င်းအနေနှင့် အကြံပြု ပြောကြားခဲ့ပါသည်။