ကောက်ကျစ်မှုနှင့် ပြစ်ဒဏ်ရှောင် မူဟန်ပုံစံများ

ဖေဖော်ဝါရီ ၁ ၊ ၂၀၁၄
M-Media

ရိုဟင်ဂျာမွတ်စ်လင်မ်များအပေါ် ထပ်မံနှိပ်စက်မှုများ မကျူးလွန်မီ ကုလသမဂ္ဂကြီးကြပ်သော စုံစမ်းစစ်ဆေးရေးတစ်ရပ် လိုအပ်နေပါပြီ။

အကြမ်းဖက်တိုက်ခိုက်မှုများကို ခံစားနေရဆဲ မြန်မာနိုင်ငံမှ လူနည်းစုဝင် ရိုဟင်ဂျာမွတ်စ်လင်မ်များ (ရိုက်တာသတင်းဓာတ်ပုံ)

များမကြာသေးမီက မြန်မာနိုင်ငံရှိ အဖိနှိပ်ခံ လူနည်းစုဝင် ရိုဟင်ဂျာတို့အပေါ် ဆိုးဆိုးဝါးဝါးတိုက်ခိုက်မှု တစ်ရပ်ဖြစ်ခဲ့ကြောင်း နောက်ထပ် သတင်းတစ်ရပ် ထွက်လာခဲ့သည်။ ဤတစ်ကြိမ်မှာ ဘင်္ဂလားဒေ့ရှ် နယ်စပ်အနီး ရခိုင်ပြည်နယ်မှ ဒုချီရာတန်းကျေးရွာတွင် ဖြစ်ပွားခဲ့၏။ ၎င်းမှာ အဓိကအားဖြင့် ရိုဟင်ဂျာ အများစုနှင့် တစ်ကွ ပြည်တွင်းနေ မွတ်စ်လင်မ်များ အပေါ် ဗုဒ္ဓဘာသာဝင်အုပ်စုများ၏ ၁၈ လအတွင်း ကျူးလွန်လာခဲ့သော အကြမ်းဖက်ဖြစ်စဉ်များ အနက် နောက်ဆုံးဖြစ်ပါသည်။

ထိုသတင်းနှင့်အတူ ကြမ်းကြုတ်ရက်စက်စွာ ထိုးခုတ် လှီးဖြတ်ပုံထွက်ပေါ်လာပြီး မရှေးမနှောင်းမှာပင် ကျွန်ုပ်သည် ယုံကြည်ကိုးစားလောက်သည့် NGO များနှင့်ညှိနှိုင်းတိုင်ပင်၍ မျက်မြင် သက်သေအချို့နှင့် အင်တာဗျူး ပြုလုပ်ခဲ့ပါသည်။ ဒေသခံရခိုင်လူမျိုး အာဏာပိုင် အားကိုးဖြင့် ဆက်တိုက် ကျူးလွန်မှုမျိုး အတိုင်း ရိုဟင်ဂျာ အမျုိုးသမီး ၈ ဦးကို အဓမ္မခေါ်ဆောင်သတ်ဖြတ်လိုက်ခြင်း၏နောက်တွင် ရွာသားများမှ ရဲဝန်ထမ်းတစ်ဦးအား လက်စားချေ သတ်ဖြတ်လိုက်ကြသည်ဟု ဆိုသည်။

မုဒိန်းမှု၊ လူသတ်မှု၊ ရုပ်ပျက် ဆင်းပျက် အလောင်းဖျက်မှုများရှိကြောင်း ရိုဟင်ဂျာမီဒီယာမှ သတင်းဖော်ပြချက်များကို အလွတ်တန်းစောင့်ကြည့်သူ အသီးသီးမှ လက်ခံခြင်းသော် လည်းကောင်း၊ ငြင်းပယ်ခြင်းနှင့် စာရင်းမသွင်းခြင်းသော် လည်းကောင်း ရှိနေကြ၏။ သို့တစေ လူတို့အား ကြိုးများဖြင့် ချည်နှောင်၍ နှိပ်စက် ညှင်းပန်းခံရသည့် အကြောင်း ကျွန်ုပ်ကို အတည်ပြုပေးနိုင်သည့် အခိုင်အမာ သတင်းအရင်းအမြစ်လည်း ရှိနေပြန်ပါသည်။

ဤစာရေးသားနေစဉ်မှာတော့ ၎င်းရွာထဲမှ ဖြစ်စဉ် အတိအကျကို ရှင်းလင်းစွာ မသိရသေးချေ။ သို့သော် များမကြာမီ ပြည့်စုံသော အချက်အလက်များ ပေါ်ထွက်လာ လိမ့်မည်ဟု မျှော်လင့်ရပေသည်။ မရေရာမှုများရှိနေလင့် ကစား သေချာစွာ ရရှိလိုက်သည့် အချက်တစ်ချက်မှာ ကျွန်ုပ်နှင့်တွေ့ဆုံပြောကြား သူများသည် ၎င်းတို့မျက်မှောက်မှာပင် ဒုချီရာတန်း တိုက်ခိုက်မှုအတွင်း လုံထိန်းနှင့် စစ်သားများ ဗြောင်ကျကျ ပါဝင်ခဲ့ကြောင်း ဖော်ထုတ်မှုဖြစ်ပါသည်။

လူ့အခွင့်အရေးကို အသိအမှတ်ပြုထားသူများမည်သူမဆို ဤအဆိုအပေါ် အလေးထားအပ်ပေသည်။ ဤအချက်က ရည်ရွယ်ချက်ရှိရှိ ရက်စက် သတ်ဖြတ်မှု အတွင်း နိုင်ငံ့လုံခြုံရေး အင်အားစုများ ပါဝင်နေခြင်းဖြစ်စဉ်အား ဖျောက်ဖျက်သော နောက်ထပ် ဥပမာတစ်ရပ်ကို တင်ပြနိုင်စေမည်ဖြစ်သည်။

မရပ်တန့်သည့် အကြမ်းဖက်မှု
——————————
၂၀၁၂ ဇွန် နှင့် အောက်တိုဘာလတွင် ဖြစ်ပွားခဲ့သော လူမျိုးရေးအကြမ်းဖက်မှုနှစ်ရပ်က လူပေါင်းရာ ဂဏန်းကို သေဆုံးစေခဲ့သည်၊ အခင်းဖြစ်နေရာများမှာ မီးလောင်ပြင်ဖြစ်၍ လူပေါင်း တစ်သိန်းလေးသောင်းကျော်အား အိုးမဲ့အိမ်မဲ့ ဖြစ်သွားစေခဲ့သည်။ အဓိက ဓားစာခံများမှာ ရိုဟင်ဂျာများ ဖြစ်ကြသည်။ လူ့အခွင့်အရေးစောင့်ကြည့်မှု အဖွဲ့အဆိုအရ မျိုးသုဉ်းရှင်းလင်းခြင်း၏အစိတ်အပိုင်း တစ်ရပ်ဖြစ်သော လူသားချင်း စာနာထောက်ထားမှုမဲ့ ဒုစရိုက်မှုများ အမှန်ရှိနေကြောင်း၊ ညှင်းဆဲစော်ကားမှုများ အတွက် အဓိကတာဝန်ရှိသည့် စီမံ ဦးဆောင်သူများမှာ ဒေသခံနိုင်ငံရေးနှင့် ဘာသာရေး အဖွဲ့အစည်းများ ဖြစ်ကြကြောင်း၊ အချို့သော အဆိုးရွားဆုံး ရက်စက်မှုများ၌ လုံခြုံရေးတပ်သားတို့မှ မဖွယ်မရာ ပါဝင် ကျူးလွန်ခဲ့သည်ကိုလည်း တွေ့ရကြောင်း သိရပါသည်။

၂၀၁၃ ခုနှစ် မတ်လတွင် မြန်မာနိုင်ငံ အလယ်ပိုင်း မိတ္ထီလာမြို့၌ ရွှေဆိုင်အငြင်းပွားမှုမှစတင်ကာ ဆူပူသောင်းကျန်းမှု တစ်ရပ်ဖြစ်ပွားခဲ့သည်။ ၎င်းက လူမျိုးရေးအကြမ်းဖက်မှုသို့ ဦးတည်သွားပြီး လူရမ်းကားအုပ်စုတို့မှ မွတ်စ်လင်မ်တို့အား တိုက်ခိုက်ခဲ့ကြသည်။ ဗလီဝတ်ကျောင်းများ၊ ဈေးဆိုင်များ၊ မွတ်စ်လင်မ်ရပ်ဝန်းများ မီးလောင်တိုက် သွင်းခံခဲ့ရသည်။ အစ္စလာမ်ဘာသာရေး စာသင်ကျောင်းတစ်ခုမှ ကျောင်းသားများ အရှင်လတ်လတ် မီးရှို့သတ်ဖြတ်ခံရသည်။ မွတ်စ်လင်မ်များမှာ မျက်စေ့ရှေ့မှောက်၌ ရက်စက်ကြမ်းကြုတ်စွာ တိုက်ခိုက်ခံနေရပါသော်လည်း ရဲများက မည်သည့် ၀င်ရောက်တားမြစ်မှု မရှိခဲ့။ ၎င်းနောက်ရှေ့ဆက်၍ အခြားဒေသများတွင် မွတ်စ်လင်မ်တို့၏ အိုးအိမ်စည်းစိမ်များ မီးရှို့ဖျက်ဆီးခံရသည်။ လူနည်းစုဘာသာဝင်များမှာ ဗမာအာဏာပိုင်များရှေ့မှောက်၌မှာပင် ပြောင်ပြောင်တင်းတင်း စော်ကားခံကြရသည်။ မကောင်းမှုဒုစရိုက်များ၌ ပါဝင်နေသည့် အထောက်အထားရှိနေသော်လည်း အစိုးရသည် လုံခြုံရေးတပ်ဖွဲ့ဝင်တစ်ဦးတစ်ယောက်ကိုမျှ အရေးယူခြင်း မရှိသေးချေ။

ဒုချီရာတန်းဖြစ်စဉ်တွင်လည်း အလားတူ ပုံဟန်မျိုးဖြင့် ရှေ့ဆက်ခဲ့ကြောင်း တွေ့ရသည်။ ဤအဆင့်တွင်တော့ တိုက်ဆိုင်မှုအဖြစ် အလွယ်တကူ ထမင်းရည်လျှာပူလွှဲလိုက်၍ မရတော့ပါ။ အကြမ်းဖက်ဖြစ်စဉ် မပေါ်ပေါက်မီလေးတင် မောင်းတောမြို့အနီးတစ်ဝိုက်သို့ မွတ်စ်လင်မ်ဆန့်ကျင်ရေးအစွန်းရောက် ၉၆၉ ဂိုဏ်းမှ ဘုန်းတော်ကြီးများ ရောက်ရှိလာပြီး လူမျိုးရေးအမုန်းတရားများကို လှုံ့ဆော်ခဲ့ကြသည်။ ၎င်းတို့က ရိုဟင်ဂျာမှန်သမျှ အမြစ်လှန်ရှင်းလင်းလိုက်ရန် အသံချဲ့စက်များဖြင့် ပြောဆိုတွန်းအားပေးခဲ့ကြောင်း Associated Press – အေပီသတင်းဌာနမှ ဖော်ပြခဲ့သည်။

၉၆၉ ဂိုဏ်းသားတို့ရောက်ရှိခဲ့ကြသည့် နိုင်ငံတစ်ဝှမ်း မြို့ရွာများတွင် မွတ်စ်လင်မ်ဆန့်ကျင်ရေးတိုက်ခိုက်မှုများ ဆက်တိုက်ဖြစ်ပွားခဲ့သည်မှာ မှတ်တမ်းတင်အထောက်အထားများက ဆိုနေပါသည်။ ဖြစ်တည်နေသောတင်းမာမှုများအား အရှိန်မြှင့်တင်နေခြင်းဖြစ်သည်ကို သံသယ၀င်စရာပင် မလိုတော့ချေ။ လားရှိုး၊ သံတွဲ နှင့် မိတ္ထီလာဖြစ်စဉ်များတွင် အကြမ်းဖက်မှုမပွင့်အံမီ ဤကဲ့သို့ပင် အတိအကျ ဖြစ်ခဲ့သည်။ မွတ်စ်လင်မ်တို့သည် ဆော်ဒီ၏လက်အောက်ခံဖြစ်ကာ မြို့ရွာများကို ဒုက္ခပေးကြလိမ့်မည် ဟူသော စွပ်စွဲချက်ပါ လက်ကမ်းစာစောင်များကို ဗုဒ္ဓဘာသာဝင်အကြီးအကဲတို့အကြား ဖြန့်ချိခဲ့ကြသည်။

၂၀၁၂ ခုနှစ် အောက်တိုဘာလ ရခိုင်ပြည်နယ်အကြမ်းဖက်မှုမတိုင်မီကလည်း ဗုဒ္ဓဘာသာဝင်အုပ်စုများမှ မွတ်စ်လင်မ်တို့အား မျိုးဖြုတ်ရှင်းလင်းရေးအတွက် ပြောင်ပြောင်တင်းတင်း လှုံ့ဆော်ခဲ့ကြပေသည်။

ကောက်ကျစ်၍ (အခြားဘာသာတရားများကို)လက်မခံနိုင်သော အစိုးရ
——————————————————————–
အာဏာပိုင်အစိုးရသည် နိုင်ငံတကာပြစ်တင်ဝေဖန်မှုကိုမျက်ကွယ်ပြုကာ ကြမ်းကြုတ်ရက်စက်မှုများနှင့် ချိတ်ဆက်နေကြသော လုံခြုံရေးတပ်ဖွဲ့ဝင်များ နှင့် ဗုဒ္ဓဘာသာဘုန်းတော်ကြီးတို့အား အခိုင်အမာ အကာအကွယ်ပေးထားကြသည့်အပြင် ၎င်းတို့၏ရှေ့ဆက်သောင်းကျန်းမှုများအား ကောက်ကျစ်စွာ ခွင့်ပြုလျက်ရှိနေ၏။ ဘာသာရေးဆိုင်ရာ အမုန်းတရားဖော်ဆောင်မှုကို ခွင့်မပြုသည့်ဥပဒေရှိနေပါသော်လည်း  အာဏာပိုင်အစိုးရသည် ၉၆၉ ဂိုဏ်း၏ သောင်းကျန်းချက်များကို လိုအပ်ချက်နှင့်အညီ ထိန်းသိမ်းရပ်ဆိုင်းစေခြင်း အလျဉ်းမပြုယုံသာမက၊ မွတ်စ်လင်မ်ဆန့်ကျင်ရေးမှိုင်းတိုက်အုပ်စု၏ဘာသာရေးခေါင်းဆောင် အရှင် ၀ီရသူမှ တစ်စထက်တစ်စ ထိုးဆွနေခြင်းကိုပင်လျှင် ခွင့်ပြုထားပါသည်။ ထိန်းသိမ်းရပ်ဆိုင်းစေခြင်းပြုလုပ်ရမည့်အစား သမ္မတဖြစ်သူကိုယ်တိုင်ကပင် ၎င်းမီဒီယာစတား ဘုန်းတော်ကြီးကို လူသိရှင်ကြား အားပေးထောက်ခံထား၏။

ဒုချီရာတန်းဖြစ်စဉ်သတင်းပွင့်အံလာရာဝယ် ယခင်လက်စွဲပုံဟန်အတိုင်း စုပြုံသတ်ဖြတ်မှု လုံးဝမရှိကြောင်း နေပြည်တော်မှ တင်းမာလှစွာဖြင့် အကြောက်အကန်ငြင်းဆိုချက် ထုတ်ပြန်ခဲ့သည်။ သမ္မတဦးသိန်းစိန်၏ပြောခွင့်ရပုဂ္ဂိုလ် မှူးဇော်က မွတ်စ်လင်မ်များစွာ အနိုင်ကျင့်သတ်ဖြတ်ခံရသည် ဟူသော အေပီ၏သတင်းကို ပြင်းပြင်းထန်ထန် ပယ်ချခဲ့ပြီး ပဋိပက္ခမီးမွှေးနေသည့် သတင်းမှားဖြစ်သည်ဟုပင် ကြေငြာမောင်းခတ်ခဲ့ပေသည်။

ပြန်ကြားရေးဝန်ကြီး ဦးရဲထွဋ် က “သတ်ဖြတ်ခြင်းနှင့်ပတ်သက်သော မည်သည့်သတင်းအချက်အလက်ကိုမျှ ကျွန်ုပ်တို့ မရရှိခဲ့ပါ” ဟု သတင်းဌာနများသို့ ပြောဆိုခဲ့သည်။ ၎င်းနောက်တွင် ယင်းအကြမ်းဖက်သတင်းများမှာ “ ရဲအရာရှိတစ်ဦးအား သတ်ဖြတ်လိုက်သည့်သတင်းကို ဖုံးလို၍ ရိုဟင်ဂျာများက လုပ်ကြံကြိုးပမ်းချက်ဖြစ်မည် ” ဟု ပြောကြားပြန်ပါသည်။

ထိုစကားများကို ဖတ်ရှုခြင်းဖြင့် ထိုသို့လျှပ်တစ်ပြက်တုန့်ပြန်ချက်များမှာ ယင်းကောက်ကျစ်ယုတ်မာမှုအတွင်း အာဏာပိုင်အစိုးရပိုင်းကပူးပေါင်းပါဝင်နေသည်ဟူသော သံသယအား ချေဖျက်ရန် မလွယ်ကူတော့ကြောင်း ၎င်းတို့မှ ခံစားနေသိရှိနေခြင်းကို မြင်သာသွားစေပါသည်။

ယင်းသို့ပြင်းထန်စွာထုတ်ဖော်ပြောကြားခြင်းမှာ ယခင်အစိုးရဟောင်း၏ထုတ်ပြန်ကြေငြာချက်များနည်းတူ ရိုဟင်ဂျာဆန့်ကျင်ရေးအပေါ် အားပေးအားမြှောက်ပြုချက်များကို အထင်းသားပေါ်လွင်နေပေသည်။ ဇွန်လက ပထမဆုံး ရိုဟင်ဂျာဆန့်ကျင်ရေးအကြမ်းဖက်မှုဖြစ်ပွားစဉ်ကာလအတွင်း “ ရိုဟင်ဂျာအကြမ်းဖက်သမားတို့သည် နယ်စပ်ကို ဖြတ်ကျော်ပြီး ရခိုင်ပြည်နယ်ထဲသို့ ၀င်ရောက်လာပြီ၊ ကျွန်ုပ်တို့မှ ဆုံးခန်းတိုင်သည်အထိ အမြစ်လှန်ချေမှုန်းသွားမည်။ တရားမျှတမှု ဆိုသည့် စကားကို အလျဉ်းမကြားချင်၊ ဆုံးမသွန်သင်မည့် မည်သည့်သူတော်ကောင်းကိုမျှ အလိုမရှိ ” ဟူ၍ အဓိပ္ပာယ်ထွက်စကားများကို မှူးဇော်က သူ၏ဖေ့စ်ဘွတ်စာမျက်နှာပေါ် ရေးတင်ထုတ်ပြန်ခဲ့သည်။ သူ့ပရိသတ်၏မှတ်ချက်များက သူ့အား အမျက်ထွက်စေသည်ဖြစ်၍ ၄င်းတို့အား နောင်တွင် သူကိုယ်တိုင်မှ ဖယ်ရှားခဲ့လေသည်။

ယခုနောက်ဆုံးဖြစ်ရပ်အပေါ် “ရိုဟင်ဂျာတို့၏ကြံစည်မှု” ဟူသော ရဲထွဋ်၏ တွန်းအားပေးစကားက နိုင်ငံပိုင်သတင်းစာ မြန်မာ့အလင်းတွင် “  ရခိုင်ပြည်နယ်၌်ဖြစ်ပွားသည့် အကြမ်းဖက်မှုသတင်းမှာ အေပီ နှင့် ဧရာဝတီသတင်းဌာနတို့မှ လုပ်ကြံတင်ပြချက်ဖြစ်ကြောင်း ” ခေါင်းစဉ်တပ်၍ သတင်းအဖြစ် ရုပ်လုံးပေါ်လာခဲ့ပါသည်။

ယင်းမှတ်တမ်းအပေါင်းက ထိုသို့သောအမူအကျင့်သည် – နိုင်ငံတွင်း ဘာသာရေးအကြမ်းဖက်မှုများနှင့် ပါဝင်ပတ်သက်မှု မရှိကြောင်း၊ မိမိတို့မှာ ငြိမ်းချမ်းရေးလုပ်ငန်းစဉ်များကိုသာ ကြားနေ၍ ဖော်ဆောင်နေကြောင်း ဟူသော နေပြည်တော်၏အဆိုနှင့်ဆန့်ကျင်နေခြင်းက ထင်ရှားပေါ်လွင်လာပါသည်။

တာဝန်ယူရှင်းလင်းရန် လိုပေပြီ
———————————
အထက်ပါဖြစ်စဉ်လမ်းကြောင်းများကို အနုစိတ်သုံးသပ်ကြည့်သည့်အခါ လွန်ခဲ့သော တစ်နှစ်ခွဲကျော်ကာလတစ်လျှောက် ထင်ရှားများပြားလှသော မွတ်စ်လင်ဆန့်ကျင်ရေးစော်ကားချက်များမှာ လူအချို့မှ ကြိုးကိုင်ထားသော မြန်မာနိုင်ငံပြုပြင်ပြောင်းလဲရေးအစိုးရ၏ အတွင်းလှိုက်ထုတ်ကုန်တစ်ရပ် ဖြစ်ကောင်းဖြစ်ပေမည်။ အကြောင်းမှာ အာဏာပိုင်အစိုးရသည် မိမိတို့မှ ထိန်းချုပ်ရပ်တန့်စေလိုသည်ဟုဆိုထားသော ပြစ်မှုဆက်လက်ကျူးလွန်မှုများကို ထင်ထင်ရှားရှားအရေးမစိုက်ခြင်း သို့တည်းမဟုတ် သွယ်ဝိုက်အားဖြင့် အလိုတူအလိုပါဖြစ်နေခြင်းအား ထိုအချက်များက ညွှန်ပြနေသောကြောင့်ဖြစ်သည်။

ရိုဟင်ဂျာလူမျိုးပပျောက်ရေး ရှေ့ဆက်နေခြင်းနှင့်ပတ်သက်၍လည်း အလားတူပင်တွေ့ရ၏။ ရိုဟင်ဂျာတို့မှာ အပြင်းထန်ဆုံး မျုိုးဖြုတ်သုတ်သင်မှုအန္တရာယ်ကို ရင်ဆိုင်နေရကြောင်း၊ ၎င်းမှာ နိုင်ငံတော်မူဝါဒအရ သာမန် အပရိက အစိတ်အပိုင်းတစ်ခု မဟုတ်ကြောင်း ကျွမ်းကျင်သူများမှ ညီညွတ်စွာသုံးသပ်ထားကြပါသည်။ ဤသည်မှာ လူနည်းစုဝင်တို့အား ကာလရှည်တစ်လျှောက်လုံး အလေးမထားမှုကို မဖုံးနိုင်မဖိနိုင်အောင် သိမြင်နားလည်သွားစေလေသည်။

နေပြည်တော်ကော်မရှင်၏အမြင်များအပေါ် စိတ်ချယုံကြည်နိုင်ရန် ခက်ခဲလွန်းရကား ဤပြဿနာများအတွက် လိုအပ်ချက်ကို အရိုးစင်းဆုံးဆိုရပါလျှင် –  ကုလသမဂ္ဂ၏အာဏာကုန်လွှဲအပ်ခံရသည့် အပြည့်အ၀စုံစမ်းစစ်ဆေးရေးအဖွဲ့အား အရေးပေါ်စေလွှတ်ရန် အချိန်တန်နေလေပြီ။

အချုပ်အားဖြင့် ကျွန်ုပ်၏အမြင်အရ မေးခွန်းတစ်ခုကိုသာ အပြတ်သားဆုံးမေးမြန်းလိုပါသည်။

“ မြန်မာနိုင်ငံ၏ နိုင်ငံတကာအသိုင်းအ၀ိုင်းမိတ်ဆွေသစ်များသည် မတွေးရက်စရာ ဆိုးသွမ်းရက်စက်သည့် ဒုစရိုက်ဖြစ်အင်များ ပိုမိုမဖြစ်ပွားလာမီ အလျဉ်မီ ဖိအားပေးရဲသောသတ္တိ ရှိကြပါမည်လော ? ”။

xxxxxxxxxxxxxxxxxxxxxxxxxxxx

အလ်ဂျဇီးရား တွင် ဖော်ပြသော ဆောင်းပါးရှင် – Emanuel Stoakes ၏  Patterns of impunity and deceit in Myanmar  ဆောင်းပါးကို  မြင့်မိုရ်မောင်မောင် ဆီလျော်အောင် ဘာသာပြန်ဆိုပါသည်။

**  ဆောင်းပါးရှင် Emanuel Stoakes သည် အလွတ်တန်း ဂျာနယ်လစ် တစ်ဦးဖြစ်သည့် အပြင်၊ လူ့အခွင့်အရေးနှင့် ပဋိပက္ခများဆိုင်ရာ အဓိက သုတေသီတစ်ဦးလည်း ဖြစ်သည်။ သူ၏ လက်ရာများကို အများအားဖြင့် Al Jazeera ၊ The Guardian ၊ The Daily Telegraph ၊ The Independent ၊ The New Statesman နှင့် Souciant Magazine တို့တွင် တွေ့ကြရပါမည်။ ဤဆောင်းပါးမှာ အလ်ဂျဇီးရား၏အယ်ဒီတာအာဘော် မဟုတ်ပါ၊ စာရေးသူ၏ကိုယ်ပိုင်အမြင်များသာဖြစ်သည်။ သူ့အား Twitter: @EmanuelStoakes မှ ဆက်သွယ်နိုင်ပါသည်  **

——————————————————

** M-Media ၏ မူပိုင် သတင်း/ဆောင်းပါးများ၊ ဘာသာပြန် များကို အွန်လိုင်းမီဒီယာများတွင် မည်သူမဆို လွတ်လပ်စွာကူးယူဖော်ပြနိုင်ပါသည်။ ကူးယူဖော်ပြသူများအနေဖြင့် M-Media မူရင်းလင့်ခ်ကို ထည့်ပေးဖို့ မေတ္တာရပ်ခံအပ်ပါသည်။

M-Media ၏ ခွင့်ပြုချက်မရှိဘဲ စီးပွားဖြစ် ထုတ်ဝေသော Print Media များတွင် ထည့်သွင်းဖော်ပြခြင်းများ လုံးဝ ခွင့်မပြုပါ။
ဆက်သွယ်ရန် [email protected]