ကမ္ဘာ့ဟီဂျဘ်နေ့အား ကမ္ဘာတစ်ဝှမ်းတွင် ကျင်းပခဲ့

ဖေဖော်ဝါရီ ၁၊ ၂၀၁၄
M-Media

ဖေဖော်ဝါရီ ၁ ရက်နေ့ ကျရောက်သည့် ကမ္ဘာ့ဟီဂျဘ်နေ့ကို ဂုဏ်ပြုသောအားဖြင့် ကမ္ဘာတစ်ဝှမ်းရှိ အစ္စလာမ်ဘာသာဝင်များက ဟီဂျဘ်နှင့် ပက်သက်သည့်ပြပွဲများ အခမ်းအနားများကို ကျင်းပပြုလုပ်ခဲ့ကြသည်ဟု သိရသည်။

တက္ကသိုလ်ကျောင်းများ၊ အထက်တန်းကျောင်းများ ဗလီဝတ်ကျောင်းတော်များတွင် ပြုလုပ်ကြသည့် ထိုအခမ်းအနားများတွင် အစ္စလာမ်က သတ်မှတ်ထားသည့် အမျိုးသမီးများ ဟီဂျဘ် ၀တ်ဆင်ခြင်းအပေါ် အထင်အမြင် လွဲများမှုများအား ရှင်းလင်းခြင်းများနှင့် အစ္စလာမ်ဘာသာဝင် မဟုတ်သည့် အမျိုးသမီးများကို တစ်ရက်တာ ဟိဂျဘ်စမ်းသပ် ၀တ်ဆင်စေခြင်းတို့လည်း ပါဝင်သည်။

ကနေဒါနိုင်ငံ အလ်ဘာတာပြည်နယ် Fort McMurray မြို့ရှိ ဈေးဝယ်စင်တာတစ်ခုတွင် ယနေ့၌ ဟိဂျဘ်နှင့်ပက်သက်သည့် ပြပွဲတစ်ခုပြုလုပ်ခဲ့ပြီး မွတ်စလင် မဟုတ်သူ အများအပြားတက်ရောက်ခဲ့ကြသည်။

ပါကစ္စတန်နိုင်ငံတွင်လည်း ကမ္ဘာ့ ဟိဂျဘ်နေ့ကို ဂုဏ်ပြုသောအားဖြင့် ချီတက် လမ်းလျှောက်မှု တစ်ခုပြုလုပ်ခဲ့ကြသည်။ အစ္စလာမ်ဘာသာဝင် အမျိုးသမီး များစွာပါဝင်ခဲ့သည့် အဆိုပါချီတက် လမ်းလျှောက်မှုအတွင်း “ဟီဂျဘ်သည် ကျွန်ုပ်၏ အခွင့်အရေး၊ ကျွန်ုပ်၏ ဂုဏ်သိက္ခာ” ဟု အဓိပ္ပါယ်ရသည့် စာတမ်းများကို ကိုင်ဆောင်ချီတက်ခဲ့ကြခြင်းဖြစ်သည်။

နိုက်ဂျီးရီးယားနိုင်ငံတွင်လည်း အစ္စလာမ်ဘာသာဝင် ကျောင်းသူများမှာ ကမ္ဘာ့ဟီဂျဘ်နေ့အား ဂုဏ်ပြုသည့်လှုပ်ရှားမှုများကို ပြုလုပ်ခဲ့ကြသည်။

“ဒီနှစ် ကမ္ဘာ့ဟီဂျဘ်နေ့ကို ဂုဏ်ပြုတဲ့အနေနဲ့ ကမ္ဘာတစ်ဝှမ်းမှာ အခမ်းအနားတွေပြုလုပ်သလို ကျွန်မတိုလည်း ပြုလုပ်တာပါ။ ဟီဂျဘ်ဝတ်ဆင်ခြင်းဟာ ဂုဏ်သိက္ခာပါ၊ လေးစားမှုပါ။ ပြီးတော့ ဟီဂျဘ်ဟာ အမျိုးသမီးထုအတွင်းမှာ စိမ့်ဝင်ပျံ့နှံ့နေတဲ့ မကောင်းမှုတွေကို ကာကွယ်ပေးတဲ့ ဒိုင်းတစ်ခုပါပဲ” ဟု နိုက်ဂျီးရီးယား မွတ်စလင်ကျောင်းသားများအသင်း၏ အကြီးအကဲ ဟာဂျီယာ ဟက်ဖ်ဆာ ဘဒ်ရူက ပြောကြားခဲ့သည်။

ကမ္ဘာ့ဟီဂျဘ်နေ့ကို ယမန်နှစ် ဖေဖော်ဝါရီလ ၁ ရက်နေ့က စတင်ကျင်းပခဲ့ခြင်းဖြစ်ပြီး ယခုနှစ်တွင် ၂ နှစ်မြောက်ဖြစ်လာခဲ့ကာ ကမ္ဘာ့နိုင်ငံပေါင်း ၁၁၆ နိုင်ငံတွင် ကျင်းပလျက်ရှိနေသည်ဟု သိရသည်။

Ref: Saudi Gazette