အစ္စရေး လုပ်ငန်းကုမ္ပဏီ နှစ်ခု၏ ရင်းနှီးမြှုပ်နှံမှုကို နော်ဝေရှိ ကမ္ဘာ့ အကြီးဆုံးငွေကြေး ရံပုံငွေ အဖွဲ မှ အမည်ပျက်စာရင်းသွင်း

ဖေဖော်ဝါရိ ၂၊ ၂၀၁၄
M-Media

နော်ဝေနိုင်ငံရှိ ကမ္ဘာ့အကြီးဆုံးငွေကြေးရံပုံငွေအဖွဲ့မှ အစ္စရေးလုပ်ငန်းစုနှစ်ခုအား အမည်ပျက် စာရင်းသွင်းလိုက်သည်။ ၄င်းတို့က East al-Quds ခေါ် ဂျေရုစလင်အတွင်း တရားမ၀င် အခြေချသူများအတွက် ဆောက်လုပ်ရေးလုပ်ငန်းများ ဆောင်ရွက်ပေးနေခြင်းကြောင့် ဖြစ်၏။

နော်ဝေ ဘဏ္ဍာရေးဝန်ကြီးဌာနသည် ကြာသပတေးနေ့တွင် ဆုံးဖြတ်ချက်ကို ကြေငြာပြီး ၄င်းတို့အား အမည်နှင့်တစ်ကွ ဖော်ပြခဲ့သည်။ အဆိုပါကုမ္ပဏီများမှာ အစ္စရေး အမျိုးသားပိုင် မြေယာရောင်းဝယ်လုပ်ငန်းစုဖြစ်သော Africa Israel Investments နှင့် ၎င်း၏ လက်အောက်ခံဆောက်လုပ်ရေး လုပ်ငန်း Danya Cerbus တို့ဖြစ်ကြသည်။

သိမ်းယူထားသော East al-Quds တွင် တရားမ၀င်အခြေချသူများအတွက် တည်ဆောက်ရေးလုပ်ငန်း ဆောင်ရွက်ပေးခြင်းမှာ လူတစ်ဦးချင်းစီ၏ ကိုယ်ပိုင်အခွင့်အရေးကို ပြင်းပြင်းထန်ထန် ချိုးဖောက်ရာရောက်သောကြောင့် ငွေကြေး ရံပုံငွေအဖွဲ့ကြီးက ယင်းလုပ်ငန်းစုတို့အား ပြစ်တင်ရှုတ်ချခဲ့သည်။

ယင်းလုပ်ငန်းစုများအတွင်း ရင်းနှီးမြှုပ်နှံမှုကို နော်ဝေ အစိုးရပင်စင်ရံပုံငွေ အဖွဲ့အစည်းမှ ယမန်နှစ် သြဂုတ်လ၌ ပြန်လည်သုံးသပ်ရာမှ ယခုအခါ သုံးနှစ်ပိတ်ပင်လိုက်သည်။

၎င်းသည် တရားမ၀င်အခြေချသူများကို ငွေကြေးထောက်ပံ့နေသော အစ္စရေးပိုင် ဘဏ်သုံးခုမှ ခွဲဝေရောင်းချနေကြောင်း နယ်သာလန်၏ အကြီးဆုံး ပင်စင်ပစ္စည်းပိုင်ဆိုင်မှုစီမံသူများမှ ပြောဆိုပြီး ရက်သတ္တပတ်များစွာအကြာတွင် ထိုကြေငြာချက် ထွက်ရှိလာသည်။

ဒီဇင်ဘာလက ရိုမေးနီးယားကလည်း သိမ်းပိုက်ထားသော အနောက်ဖက်ကမ်းခြေဒေသ၌ အစ္စရေးတို့၏ တရားမ၀င်အခြေချမှု အတွက် အလုပ်လုပ်ကိုင်ပေးခြင်း မပြုရန် မိမိ၏နိုင်ငံသားများအား တားမြစ်ခဲ့သည်။

သိမ်းပိုက်ခံ ပါလက်စတိုင်း ပိုင်နက်အတွင်း အစ္စရေးတို့၏ အင်အားသုံး ၀င်ရောက်အခြေချမှု နှင့် နယ်ချဲ့မှုများမှာ အပြည်ပြည်ဆိုင်ရာဥပဒေအရ တရားမ၀င်ချေ။

မကြာသေးမီက အခြေစိုက်တည်ဆောက်ရေးလုပ်ငန်းသစ်များကို မထုတ်ပြန်ရန် ဥရောပသမဂ္ဂသည် တဲလ် အဗစ်သို့ ပြောကြားပြီး၊ နယ်ချဲ့အခြေချနေမှုသည် ပါလက်စတိုင်း အာဏာပိုင်နှင့် အစ္စရေးတို့အကြား ငြိမ်းချမ်းရေးဆွေးနွေးမှု လုပ်ငန်းစဉ်အား အကြီးအကျယ် ထိခိုက်နစ်နာအောင် တွန်းပို့ခြင်း ဖြစ်ကြောင်း သတိပေးခဲ့သည်။

ဥရောပသမဂ္ဂအဖွဲ့ဝင်နိုင်ငံများသည် အစ္စရေးအစိုးရမှ အခြေစိုက်ရပ်ဝန်းအတွင်း အဆောက်အဦးသစ်များဆောက်လုပ်သည်ကို သိရလေတိုင်း ပြစ်တင်ရှုတ်ချလေ့ရှိသည်။ သို့သော် ပြစ်တင်မှုများက နိုင်ငံရေးအရ အသံထွက်ရုံမျှသာဖြစ်ပြီး ၎င်းအပေါ် အစ္စရေးအစိုးရသည် မည်သည့်အခါမျှ ကရုမစိုက်ခဲ့ပေ။

၁၉၆၇ ခုနှစ်တွင် ပါလက်စတိုင်းပိုင်နက်များဖြစ်သော အနောက်ဖက်ကမ်းခြေဒေသ နှင့် အရှေ့ဂျေရုဆလင်အား အစ္စရေးတို့မှ ကျူးကျော် သိမ်းပိုက်ခဲ့စဉ်က စ၍ ၀င်ရောက် အခြေချသည့်နေရာပေါင်း ၁၂၀ အထက်တွင် အစ္စရေးလူမျိုး သန်းတစ်ဝက်ကျော် နေထိုင်နေကြသည်။

ထိုဒေသများမှာ ၁၉၆၇ ခုနှစ်စစ်ပွဲကျမှ အစ္စရေးတို့၏သိမ်းပိုက်မှုကို ခံရသည့်အတွက် သိမ်းပိုက်ခံနယ်မြေများအပေါ် အခိုင်အမာတည်ဆောက်ခြင်းကို တားမြစ်ထားသော ဂျီနီဗာပဋိညာဉ်အရ ကုလသမဂ္ဂ နှင့် နိုင်ငံအများစုက အစ္စရေးတို့၏ ကျူးကျော်အခြေချမှုကို တရားမ၀င်လုပ်ရပ်အဖြစ် သတ်မှတ်ကြပါသည်။
Ref: Presstv