ကြာမြင့်စွာ လှုပ်ရှားနေသည့် မီးတောင်တစ်ခု အင်ဒိုနီးရှားတွင် ပေါက်ကွဲ၊ အနည်းဆုံး လူ ၁၄ ဦးသေဆုံး

ဖေဖော်ရီ ၃၊ ၂၀၁၄
M-Media

– ပြီးခဲ့သည့် စက်တင်ဘာလကတည်းက လှုပ်ရှားနေသည့် အင်ဒိုနီးရှားရှိ မီးတောင်တစ်ခုမှာ ယမန်နေ့က ကြီးမားသော ပေါက်ကွဲမှုဖြစ်ပွားခဲ့ပြီး ထိုမီးတောင်မှထွက်သော ပြာပူများ၊ ချော်ရည်များကြောင့် အနည်းဆုံး လူ ၁၄ ဦးသေဆုံးခဲ့သည်ဟု သိရသည်။

ဆူမားတြားပြည်နယ်ရှိ Sinabung မီးတောင်ဖြစ်ပြီး သေဆုံးသူများထဲတွင် ပြည်တွင်း ဂျာနယ်လစ် တစ်ဦး၊ မီးတောင်လှုပ်ရှားမှုကို အနီးကပ် သွားရောက်လေ့လာသည့် အထက်တန်းကျောင်းသားလေးဦးနှင့် ဆရာတစ်ဦးတို့ ပါဝင်ကြသည်ဟု အမျိုးသား သဘာဝဘေး အန္တရာယ် ကာကွယ်စောင့်ရှောက်ရေး အကြီးအကဲ Sutopo Purwo Nugroho က ပြောကြားခဲ့သည်။ ထို့ပြင်အခြားသော လူသေအလောင်း သုံးခုကိုလည်း ဒေသခံများက တွေ့ရှိခဲ့ကြသည်။

မီးတောင်လှုပ်ရှားမှုများကြောင့် ယခင်က ဘေးလွတ်ရာသို့ ပြောင်းရွှေ့ ထားကြသူများကို သောကြာနေ့က ပြန်လည်နေရာ ချထားပေးခဲ့ပြီးနောက် စနေနေ့က မီးတောင်ပေါက်ကွဲမှုဖြစ်ပွားခဲ့ခြင်းဖြစ်ပြီး မီးတောင် ပတ်ဝန်းကျင်ရှိ ရွာများ၊ လယ်များနှင့် သစ်ပင်များမှာ ပြာများဖြင့် ဖုံးလွှမ်းနေကြောင်း အင်ဒိုနီးရှား ရုပ်သံက ထုတ်လွှင့် ပြသသွားခဲ့သည်။

အင်ဒိုနီးရှားနိုင်ငံရှိ မီးရှင်တောင် ၁၃၀ တွင် ပါအ၀င်ဖြစ်သော Sinabung မီးတောင်မှာ ယခုအချိန်အထိ ချော်ရည်များ၊ ပြာများ မှုတ်ထုတ်လျက်ရှိနေပြီး မီတာ ၂၀၀၀ အမြင့်ထိရောက်ရှိသည်ဟုဆိုသည်။

မီးတောင် ပေါက်မှုကြောင့် သေဆုံးသူများမှာ မြင့်တက်လာနိုင်ဖွယ်ရှိပြီး၊ ဒေသခံများ ပြောင်းရွှေ့မှုများကို ပြည်လည် လုပ်ဆောင်နေကြောင်း၊ ချော်ရည်များ၊ ပြာပူများလောင်ကျွမ်းမှုကြောင့် ဒဏ်ရာ ရသူများရှိနေပြီး ကယ်ဆယ်ရေး လုပ်ငန်းများကို လုပ်ဆောင်နေကြောင်း တာဝန်ရှိသူများက ပြောကြားခဲ့သည်။

Ref: aljazeera