ထိုင်းအာဏာပိုင်တွေက ဘုန်းတော်ကြီး တစ်ပါးကို အစိုးရဆန့်ကျင် ဆန္ဒပြမှုတွေ အတွက် ဖမ်းဆီးဖို့ ပြင်ဆင်

ဖေဖော်ဝါရီ ၆၊ ၂၀၁၄
M-Media

ဝါကြီး ဗုဒ္ဓဘာသာဘုန်းတော်ကြီးတစ်ပါးကို ဖမ်းဆီးဖို့ ထိုင်းအာဏာပိုင်တွေက ပြင်ဆင်နေကြတယ်လို့ သိရပါတယ်။ အဲဒီဘုန်းကြီးကို အာဏာပိုင်တွေက အစိုးရဆန့်ကျင်ရေး ရုန့်ရင်းဆန်ခတ်မှုတွေကို ဦးဆောင်မှု၊ ၀ိနည်း ချိုးဖောက်မှုတွေနဲ့ ဘွဲ့ တံဆိပ်တွေ ရုပ်သိမ်းဖို့ စီစဉ်နေကြပါတယ်။

ထိုင်းရဲတွေက ဘုန်းတော်ကြီး လုအန်ပုဣသရ ကို ဖမ်းဝရမ်းထုတ်ပေးဖို့ ရာဇ၀တ်တရားရုံးကို ဖေဖော်ဝါရီ ၄ ရက်နေ့က တောင်းဆိုခဲ့ပါတယ်။ ပုဒ်မ တွေကတော့ ဘန်ကောက်၊ လတ်စီရှိ အစိုးရရုံးများကို ပိတ်ဆို့ ၀ိုင်းရံခဲ့မှုနဲ့  ပြီးခဲ့တဲ့ ရက် သတ္တပတ်အတွင်း ကျင်းပခဲ့တဲ့ အထွေထွေရွေးကောက်ပွဲကို အနှောင့်အယှက်ပေးခဲ့မှု စတာတွေနဲ့ ဆွဲချက်တင်ထားတာပါ။

အသက် ၅၈ နှစ်ရှိပြီဖြစ်တဲ့ ဘုန်းတော်ကြီး လုအန်ပုဣသရကတော့ ၀ါအော်နွိုင်းဘုန်းကြီးကျောင်းကဖြစ်ပြီး ထိုင်းနိုင်ငံ အစိုးရကို ဆန္ဒပြဆန့်ကျင်တဲ့ People’s Democratic Reform Committee ကို ဦးဆောင်သူလည်းဖြစ်ပါတယ်။

ရဲတွေကတော့ ဘုန်းတော်ကြီး လုအန်ပုဣသရက ဇန်န၀ါရီ ၂၅-၂၆ နဲ့ ဇန်န၀ါရီ ၃၁ ကနေ ဖေဖော်ဝါရီ ၂ နေ့များမှာ ကျင်းပခဲ့တဲ့ အထွေထွေရွေးကောက် ပွဲပျက်ပြားအောင် ပြုလုပ်ခဲ့တယ်လို့ တရားရုံးကို ပြောပြထားပါတယ်။ ထိုင်းဝန်ကြီးချုပ်ရုံးလက်အောက်မှာရှိတဲ့ အမျိုးသားဗုဒ္ဓဘာသာရုံးကလည်း ဘုန်းတော်ကြီး လုအန်ပုဣသရက ၀ိနည်းကိုဖောက်ဖျက်ပြီး ဆန္ဒပြမှုတွေကို ဦးဆောင်ခဲ့တယ်လို့ ဆိုပါတယ်။ အဆိုပါရုံးက အကယ်၍ ဘုန်းကြီး တစ်ပါးပါး ဟာ ရာဇ၀တ်မှုနဲ့ တရားအစွဲခံရရင်၊ တရားရုံးကလည်း အာမခံပေးဖို့ ငြင်းဆိုခဲ့တယ်ဆိုရင် အဲဒီဘုန်းကြီးကို လူဝတ်လဲစေဖို့ ဆောင်ရွက်ရမယ်အကြောင်း ဥပဒေပြဌာန်းထားတယ်လို့လည်း ဆိုပါတယ်။

ထိုင်းနိုင်ငံဟာ အိမ်နီးချင်းမြန်မာနိုင်ငံနည်းတူ ထေရ၀ါဒဗုဒ္ဓဘာသာကိုးကွယ်သူအများစုရှိနေပြီး လူဦးရေရဲ့ ၉၅ ရာနှုန်းက ဗုဒ္ဓဘာသာဝင်တွေ ဖြစ်ပါတယ်။

Ref: Huff Post Religion