ထိုင်းသို့ ပြေးဝင် ခိုလှုံလာသည့် ရိုဟင်ဂျာ ၁၃၀၀ ခန့် ပြန်လက်ခံရန် မြန်မာ သဘောတူခဲ့

ဖေဖော်ဝါရီ ၁၃၊ ၂၀၁၄
M-Media

– ၂၀၁၃ ခုနှစ် ဇန်န၀ါရီကကတည်းက ထိုင်းနိုင်ငံရှိ လူဝင်မှုကြီးကြပ်ရေး ထိန်းသိမ်းရေး စခန်းများနှင့် ယာယီ ဒုက္ခသည်စခန်းများတွင် ထိန်းသိမ်းထားသော ရိုဟင်ဂျာ ၁၃၀၀ခန့်အား မြန်မာနိုင်ငံသို့ ပြန်လည် ပို့ဆောင်ခဲ့ပြီးဖြစ်သည်ဟု ထိုင်းလူဝင်မှုကြီးကြပ်ရေး အရာရှိ၏ ပြောကြားချက်ကို ကိုးကား၍ ဘန်ကောက်ပို့စ် သတင်းစာက ယနေ့တွင် ဖော်ပြခဲ့သည်။

မြန်မာနှင့် ထိုင်းနိုင်ငံ ပူးပေါင်းဆောင်ရွက်မှုဖြင့် ပြန်လည်ပို့ဆောင်ခဲ့ခြင်းဖြစ်ပြီး၊ ထိုကဲ့သို့ ပို့ဆောင်မှုများတွင် လူ့အခွင့်အရေး ကာကွယ် စောင့်ရှောက်မှု လုပ်ငန်းများကို လုပ်ကိုင်နေသော အစိုးရ မဟုတ်သည့် အဖွဲ့များမှ ကိုယ်စားလှယ်များကိုလည်း ဖိတ်ကြားခဲ့ဟု လူဝင်မှုကြီးကြပ်ရေးမှ လက်ထောက်ရဲချုပ် Pharnu Kerdlarpphon က ဆိုသည်။

ရိုဟင်ဂျာများအား ထိုင်းနိုင်ငံ ရနောင်းရှိ လူဝင်မှုကြီးကြပ်ရေးရုံးတွင် ထိန်းသိမ်းထားပြီးနောက် စက်လှေဖြင့် ကော့သောင်းဘက်သို့ လွန်ခဲ့သည့် ၃ လက ပို့ဆောင်ပေးခဲ့ခြင်းဖြစ်သည်။ တစ်သုတ်ပြီးတစ်သုတ် စေလွှတ်ခဲ့ခြင်းဖြစ်ပြီး နှစ်နိုင်ငံအစိုးရများက ရှင်းလင်းစွာ ဆောင်ရွက်ခဲ့ခြင်းဖြစ်ကာ အထောက်အထားများလည်း ရှိသည်ဟု ၎င်းက ထပ်လောင်းပြောကြားခဲ့သည်။

ထိုင်းနိုင်ငံတွင်ရှိနေစဉ်အတွင်း ရိုဟင်ဂျာများအား လူသားချင်းစာနာထောက်ထားသည့် အကူအညီများပေး အပ်ခဲ့ပြီး နိုင်ငံတကာ ရွှေ့ပြောင်း လုပ်သားများအဖွဲ့ IOM မှ ဆရာဝန်များကလည်း ကျန်းမာရေးစောင့်ရှောက်မှုများ ပေးခဲ့သည်ဟုသိရသည်။

သို့သော်လည်း လူ့အခွင့်အရေးစောင့်ကြည့်ရေးအဖွဲ့၏ ကိုယ်စားလှယ် Sunai Pasuk ကမူ မြန်မာအစိုးရက ရိုဟင်ဂျာများအား မြန်မာနိုင်ငံသားများ အဖြစ် အသိအမှတ် မပြုသောကြောင့် ၎င်းတို့၏ လုံခြုံရေးအား စိုးရိမ်မိကြောင်း၊ ဒုက္ခသည်များအား ထိုကဲ့သို့ ပြန်လည် ပို့ဆောင်ခြင်းမှာ နိုင်ငံတကာ ဥပဒေအား ချိုးဖောက်ခြင်းပြီး၊  ရိုဟင်ဂျာများ မြန်မာနိုင်ငံတွင် ဒုက္ခနှင့် ကြုံတွေ့မည်ကို ထိုင်း အာဏာပိုင်များက သိသော်လည်း ပြန်လည် ပို့ဆောင်ခဲ့ခြင်းဖြစ်သည်ဟု ထပ်လောင်းပြောကြားခဲ့သည်။

ပြီးခဲ့သည့် ဇန်န၀ါရီလကတည်းက ရိုဟင်ဂျာ ၁၃၀၀ ခန့်မှာ ထိုင်းနိုင်ငံသို့ ရောက်ရှိလာခဲ့ကြောင်း၊ အများစုမှာ မလေးရှားသို့သွားရောက် အလုပ်လုပ်ကိုင် လိုပြီး ထို့နောက် သြစတေးလျသို့ သွားရောက်ရန် မျှော်လင့်နေကြောင်း ထိုင်းအာဏာပိုင်များက ပြောကြားခဲ့သည်။

ဓါတ်ပုံအညွှန်း- ထိုင်းနိုင်ငံသို့ ထွက်ပြေး ခိုလှုံလာသည့် ရိုဟင်ဂျာဒုက္ခသည်များအား ၂၀၁၃ ဇူလိုင်လက  ထိန်းသိမ်းရေးစခန်းတခုတွင်တွေ့ရစဉ်  (Bangkok Post file photo)

ကိုးကား- ဘန်ကောက်ပိုစ့်