ခြိမ်းခြောက် ဖိအားပေးမှုကြောင့်ကိုမြအေး မပါဘဲ စာပေဟောပြောပွဲပြုလုပ်ခဲ့

ဖေဖော်ဝါရီ ၁၅၊ ၂၀၁၄
M-Media
ချမ်းငြိမ်းအေး

အမျိုးသားခေါင်းဆောင်ကြီး ဗိုလ်ချူပ်အောင်ဆန်း(၉၉) နှစ်မြောက် မွေးနေ့ အထိမ်းအမှတ်အဖြစ် မန္တလေးတွင် ကျင်းပပြုလုပ်ခဲ့သည့် စာပေဟောပြောပွဲတွင် ဟောပြောမည့် ၈၈ မျိုးဆက်ကျောင်းသား ခေါင်းဆောင် ကိုမြအေးအား လူမျိုး/ဘာသာ မတူညီမှု အပေါ်အခြေခံပြီး ဟောပြောခွင့် မပြုရန် သံဃာအချို့ ခြိမ်းခြောက် ဖိအားပေး လုပ်ဆောင်မှုကြောင့် ကိုမြအေးမပါဘဲ ကျန် စာရေးဆရာများဖြင့် ဟောပြောပွဲကို ပြုလုပ်ခဲ့ကြသည်ဟု သတင်းရရှိပါသည်။

ပွဲမစခင်မှာ စင်မြင့်ပွဲမှ ကိုမြအေး ဓါတ်ပုံဖြုတ်ပေးရန် ဖိအားပေးသဖြင့် ဖြုတ်ပေးလိုက်ရကြောင်းသိရသည်။

ဖေဖော်ဝါရီလ ၁၅-၁၆ ရက်နေ့၊ မန္တလေးမြို့၊ မဟာအောင်မြေမြို့နယ် ဖျာတန်း ဓမ္မာရုံရှေ့၌ပြုလုပ်မည့် စာပေဟောပြောပွဲတွင် ကိုမြအေး ပါဝင်နေမှုအား ကန့်ကွက်ခြင်းကို ပစ်စာသဖွယ်ပေးပို့ခဲ့ခြင်း ဖြစ်သည်။

ယင်းကန့်ကွက်စာတွင် “ကိုမြအေးသည် ရန်ကုန်ဟောပြောပွဲ၌ ရန်ကုန်သံဃာထု၏ ကန့်ကွက်မှုကို ခံထားရခြင်း၊ သူ၏သမီးဖြစ်သူသည် တိုင်းတစ်ပါးမှနေ၍ မြန်မာပြည်၊ အစိုးရအဖွဲ့နှင့်တစ်ကွ သံဃာထုကို အမျိုးမျိုး ပုတ်ခတ်ဝေဖန်ခြင်းပြုခဲ့သောကြောင့် ပြဿနာ တစ်စုံတစ်ရာဖြစ်မည်ကို မန္တလေးသံဃာထုနှင့် ဗုဒ္ဓဘာသာဝင်များမှ စိုးရိမ်သဖြင့် အဆိုပါဟောပြောပွဲ၌ ကိုမြအေး ပါဝင်ခြင်းကို ကန့်ကွက်လိုက်သည် ”ဟုပါရှိသည်။

အဆိုပါ ဟောပြောပွဲတွင် ဆရာ ညီမင်းညို၊ ဦးမြအေး၊ ဆရာ မောင်သွေးသစ်၊ ဦးကျော်သူ၊ ဆရာဇော်ခိုင်ဦး၊ ဆရာ ဦးဘုန်း(ဓာတု) တို့မှ ဟောပြောရန် စီစဉ်ထားခြင်းဖြစ်သည်။

ဦးကိုနီနှင့် ကိုမြအေးပါဝင်မှုကြောင့် အလားတူ ဖိအားပေး ကန့်ကွက်မှုမျိုးအား မကြာသေးခင်ရက်ပိုင်းမှာပင် ရန်ကုန်မြို့၊မြောက်ဥက္ကလာပ စာပေဟောပြောပွဲတွင် ဖြစ်ပေါ်ခဲ့သဖြင့် စာပေဟောပြောပွဲ ပွဲစဉ်တစ်ခုလုံးကို စီစဉ်သူများက ဖျက်သိမ်းလိုက်ရသည်။ ဤသည်မှာ ယခု ရက်သတ္တပတ်အတွင်း ဒုတိယအကြိမ်မြောက် ဆက်တိုက်ဖြစ်ပွားခြင်းဖြစ်သည်။

အဆိုပါကိံစ္စနှင့် ပတ်သက်ပြီး ပြဿနာ မဖြစ်ပွားခင် ပွဲစီစဉ်သူ တာဝန်ရှိသူ ဦးဇော်ဝင်းကို မေးမြန်းခဲ့ရာ

“စာပေဟောပြောပွဲဆိုတာ တရားဝင်ခွင့်ပြုချက်နဲ့ ပြောခြင်းဖြစ်ပါတယ်။ ဒါကို ဘာကြောင့် ပိတ်ပင်ရတာလဲ။ အခုလည်း ဂဠုန်နီဆရာတော် ဦးကာဝိယကို ဦးဆောင်စောင့်ရှောက်ပေးဖို့ အကူအညီတောင်းပါတယ်။ မြန်မာနိုင်ငံလုံး ဆိုင်ရာ သံဃာသမဂ္ဂအဖွဲ့ချုပ်ကို အကူအညီတောင်းတော့ နာယက ဆရာတော် ဦးကာဝိယက ယခုပွဲပျက်မယ်ဆိုရင် – အစိုးရအမိန့်နဲ့ ခွင့်ပြုပါလျက် သံဃာတော်တွေက ဖျက်တယ်လို့ ဖြစ်လာပါလိမ့်မယ်။ အဲ့လိုတော့ အဖြစ်မခံနိုင်ဘူး ဆိုပြီး ဆရာတော်တွေကိုယ်တိုင် ညနေပိုင်းမှာ လာရောက်စောင့်ရှောက်ပေးပါမယ်။ ပွဲကို ကျွန်တော်တို့ ဆက်လုပ်ပါမယ်။ ဂဠုန်နီဆရာတော်၊ ၀ါခင်းကုန်းဆရာတော်၊ မြ၀တီဆရာတော်၊ ဘ၀အလင်း ဆရာတော်နဲ့ အနီးအနားကျောင်းတိုက်တွေက ဆရာတော် သံဃာတော်များက ၀ိုင်းဝန်းပြီး စောင့်ရှောက်ပေးမှာဖြစ်ပါတယ် ” လို့ပြောကြားခဲ့ပေမယ့် ကန့်ကွက်သူ သံဃာအချို့ရဲ့ ဖိအားပေးလုပ်ဆောင်မှုကြောင့် ကိုမြအေး ဟောပြောမှု မပြုလုပ်ဘဲ နောက်ဆုတ်ပေးလိုက်ရကြောင်း သိရှိရပါသည်။