မြန်မာနှင့် ကမ္ဗောဒီးယား၌ အမျိုးသမီးများ ဘ၀မြင့်မားရေး ဂျပန်နှင့် အမေရိကန် ကူမည်

ဖေဖော်ဝါရီ – ၁၈ ၊ ၂၀၁၄
M-Media

ကျိုဒို။    ။ မြန်မာနှင့်ကမ္ဗောဒီးယား အပါအ၀င် အာရှရှိ ဖွံ့ဖြိုးဆဲနိုင်ငံများ၌လည်းကောင်း၊ အာဖရိက၌လည်းကောင်း အမျိုးသမီးများ ဘ၀မြင့်မားရေး ဖက်စပ်စီမံချက်တစ်ရပ်ကို စတင်ဆောင်ရွက်သွားမည်ဟု ဂျပန်နှင့် အမေရိကန်အစိုးရများက လွန်ခဲ့သော စနေနေ့တွင် ဆိုလိုက်သည်။

လူ့အဖွဲ့အစည်းရှိအမျိုးသမီးတို့အတွက် အခွင့်အလမ်းများတိုးတက်လာရေးကို ရည်မျှော်သည့် အစီအမံများတိုးမြှင့်ဆောင်ရွက်ရန် ၀န်ကြီးချုပ် ရှင်ဇိုအာဘေး နှင့် သမ္မတ ဘားရက်အိုဘားမားမှ ကတိပြုပြောကြားထားသည်နှင့် အညီ အစိုးရနှစ်ခုလုံးက ယင်းစီမံချက်များကို ဆောင်ရွက်သွားကြမည်။

အမျိုးသမီးများ၏အလုပ်အကိုင် အခွင့်အလမ်းဖော်ဆောင်ရေး အပါအ၀င် ယင်းဦးတည်စီမံချက်နှင့်စပ်လျဉ်း၍ ဂျပန်နှင့်အမေရိကန်မှ အလုပ်အကိုင် စီမံရေးအရာရှိများသည် ယခုလနှောင်းပိုင်းတွင် တတ်နိုင်သမျှ အသေးစိပ်အချက် အလက်များ ထုတ်ပြန်မည်ဖြစ်ကြောင်း၊ ယခုနှစ်နှောင်းပိုင်းကို နောက်ဆုံးထား အကောင်အထည်ဖော်မည်ဖြစ်ကြောင်း အာဏာပိုင်များ ထံမှ သိရသည်။

များစွာသောအစီအမံများအနက် အမျိုးသမီးများအတွက် အလုပ်အကိုင်ဆိုင်ရာ အရည်အသွေးမြင့် သင်တန်းများ ကျယ်ပြန့်လာရေး၊ အလုပ်အကိုင် အခွင့်အလမ်း ဖော်ဆောင်မှု၌ကူညီရေး၊ ဆေးဝါးလုပ်ငန်းများတွင် အမျိုးသမီးတို့ ပိုမိုပါဝင်နိုင်ရေး၊ မိန်းကလေးငယ်များ ပိုမိုကျောင်းတက်နိုင်ရေးတို့ကို နှစ်ဖက်စလုံးမှ စဉ်းစားနေပြီဖြစ်သည်။ ကမ္ဘာ့အမျိုးသမီးရေးရာ အမေရိကန်သံအမတ် ကက်သရင်း ရပ်ဆဲလ် Catherine Russell က ယင်းနယ်ပယ်တွင် ဂျပန်နှင့် အနီးကပ်လက်တွဲဆောင်ရွက်လိုခြင်းနှင့်ပတ်သက်၍ “ နေရာများစွာမှာ အကောင်းဆုံး တွဲဖက်တစ်ဦးလိုမျိုး ဂျပန်ကို တွေ့ရမယ်လို့ ကျွန်မ ထင်မြင်ပါတယ် ” ဟု ကျိုတိုသတင်းဌာနသို့ ပြောကြားခဲ့သည်။

စက်တင်ဘာလတွင် ကျင်းပသော ကုလသမဂ္ဂ အထွေထွေညီလာခံ၌ အာဘေးမှ မိန့်ခွန်းပြောကြားရာတွင် အမျိုးသမီးများ ဘ၀မြှင့်တင်ရေး သုံးနှစ်တာကာလအတွက် ဒေါ်လာ ၃ ဘီလီယံထောက်ပံ့မှု အစီအစဉ်ရှိကြောင်း အခိုင်အမာဆိုခဲ့သည်။

အိုဘားမားအစိုးရသည် အမျိုးသမီးများ ဘ၀မြှင့်တင်ရေးကို မဲခေါင်မြစ်ဝှမ်းဒေသများ တစ်လျှောက်၌ အဓိကထားဆောင်ရွက် လိုပြီး မြန်မာနှင့် ကမ္ဗောဒီးယား၌ တိုကျိုနှင့် ပူးပေါင်း ဆောင်ရွက်သွားရန် ရှိသည်ဟု အာဏာပိုင်များက ပြောကြားသည်။

“ အမျိုးသမီးတွေ ကောင်းစားရင် သူတို့မိသားစုတွေ ကောင်းစားလာမယ်။ မိသားစုတွေ ကောင်းစားရင် သူတို့ လူ့အသိုင်းအ၀ိုင်းကလည်း ကောင်းစားလာမယ် ဆိုတာကို ဖော်ပြနိုင်တဲ့ အချက်အလက် အများအပြား ရှိနေပါတယ်။ အသေးစားချေးငွေဖြစ်ဖြစ် သင်တန်းဖြစ်ဖြစ် သူတို့ကို အခွင့်အလမ်းတွေဖော်ဆောင်ပေးပါမယ်။ ဒါမှသာလျှင် သူတို့ဟာ လုပ်ငန်းစတင်ဖို့ အခွင့်အရေး ရရှိကြမှာဖြစ်ပါတယ် ” ဟု ကမ္ဘာ့အမျိုးသမီးရေးရာဌာနဦးစီးအရာရှိ ရပ်ဆဲလ် က ဆိုပါသည်။

၎င်းအပြင် မဲခေါင်ဒေသရှိ လူအများအပြားသည် ဂျပန်ကို ဦးဆောင်သူအဖြစ် သတ်မှတ်ထားကြောင်း၊ ထိုအချက်ကြောင့် ဂျပန်သည် ထိုဒေသများတွင် ဦးဆောင်မှု အခန်းကဏ္ဍပေးနိုင်ရန် ထင်ရှားကြောင်း ဖြည့်စွက်ပြော ဆိုသည်။

ယခင်အပတ် တနင်္လာနေ့က ယိုကိုဟားမားတွင် အမျိုးသမီးများ ဘ၀မြင့်မားရေးဆိုင်ရာ ကျွမ်းကျင်သူများ နှီးနှောဖလှယ်ပွဲ တစ်ရပ်ကို အာဖရိကအမျိုးသမီးလုပ်ငန်းရှင်များကိုဖိတ်ကြား၍ ဂျပန်နှင့်အမေရိကန် အာဏာပိုင်များမှ ပြုလုပ်ကျင်းပခဲ့ပြီး အသေးစိပ် အစီအမံများ စီစဉ်ခဲ့ကြောင်း သိရသည်။ အလားတူခေါင်းစဉ်ဖြင့် အပြည်ပြည်ဆိုင်ရာကွန်ဖရင့်တစ်ရပ်ကိုလည်း ပါပူးဝါးနယူးဂီနီ၌ မတ်လအတွင်း ၎င်းတို့မှ ဦးဆောင်သွားမည်ဖြစ်သည်။