ဖခင်ဖြစ်သူကို ဝေဖန်ခဲ့သော ဆန်းတို့စ် ဥက္ကဌများအား နေးမာ ပြစ်တင်

ဖေဖော်ဝါရီ ၂၀၊ ၂၀၁၄
M-Media

ဖခင်ဖြစ်သူကို ဝေဖန်ခဲ့သော ဆန်းတို့စ် ဥက္ကဌများအား နေးမာ ပြစ်တင်၊ ၎င်း၏ အပြောင်းအရွှေ့အတွက် ဘာကာမှ အခွန်ငွေ ယူရို ၉ သန်းကျော် ထပ်ဆောင်း ပေးဆောင်ရမည်
– ဘာစီလိုနာအသင်းတိုက်စစ်မှူး နေးမာက နူးကမ့်သို့ ရောက်ရှိလာခဲ့သည့် အငြင်းပွားဖွယ်ရာ ၎င်း၏အပြောင်းအရွှေ့အတွက် ဖခင်ဖြစ်သူအား ကာကွယ်ခဲ့ပြီး အသင်းဟောင်း ဆန်းတို့စ်၏ ဥက္ကဟောင်းနှင့် လက်ရှိ ဥက္ကဌ နှစ်ဦစလုံးကို ပြစ်တင် ပြောဆိုလိုက်သည်။

အသက် ၂၂ နှစ်အရွယ်ရှိ နေးမာမှာ တရားဝင်အားဖြင့် ဘာကာသို့ ယူရို ၅၇.၁ သန်းဖြင့် ပြောင်းရွှေ့လာခဲ့သည်ဟု သိရသော်လည်း၊ ပြီးခဲ့သည့်လက ဘာကာမှ ထုတ်ပြန်ပြောဆိုမှုများအရ အပြောင်းအရွှေ့တန်ဖိုးမှာ ယူရို ၈၆.၃ သန်းရှိမည်ဟု ခန့်မှန်းရသည်။

ဆန်းတို့စ်အသင်း၏ ဥက္ကဌဖြစ်သူ အိုဒီလီယို ရော်ဒရီဂက်ဇ်က ထိုအပြောင်းအရွှေ့အတွက် ယူရိုသန်း ၄၀ နှင့် ကော်မရှင်များရခဲ့သည့် နေးမာ၏ ဖခင်အား ပြင်းပြင်းထန်ထန် ဝေဖန်ခဲ့ပြီး၊ ဘာစီလိုနာနှင့် နေးမာ၏ ဖခင်ဖြစ်သူတို့ ပြုလုပ်ထားသည့် သဘောတူညီချက် စာရွက်စာတမ်းများကို ကြည့်ရှုရန် ဥပဒေကြောင်းအရ ဆောင်ရွက်မှုများ ပြုလုပ်ခဲ့သည်။

ယခင် ဆန်းတို့စ်အသင်း၏ ဥက္ကဌဟောင်းဖြစ်သူ လူးဝစ် အဲလ်ဗာရို ဒီ အိုလီဗီရာ ရီဘီရို (အတိုကောက် LAOR) ကလည်း နေးမာ၏ ဖခင်ဖြစ်သူအား “လူလည်” ဟု ထေ့ငေါ့ခဲ့ပြီး ထိုကဲ့သို့ သူမျိုးအား တရားစွဲဆိုရမည်ဟု ပြောကြားခဲ့သည်။

“သူတို့အားလုံး(ဆန်းတို့စ်အသင်း တာဝန်ရှိသူများ)ကို ကျွန်တော် အမြဲတမ်း လေးစားခဲ့ပြီး၊ ကျွန်တော်ဟာ အလွန် ပရော်ဖက်ရှင်နယ်ပီသခဲ့ပါတယ်။ (၎င်း၏ဖခင်အပေါ် ဝေဖန်ခဲ့မှုအတွက်) အရင်နည်းပြဟောင်း LAOR နဲ့ အခုနည်းပြ အိုဒီလီယိုတို့ကို ကျွန်တော်တော်တော် စိတ်ပျက်မိပါတယ်။ အထူးသဖြင့် LAOR ကိုပါ။ သူ့ဟာ ကျွန်တော် အရမ်းချစ်ပြီး၊ အရမ်းလေးစားတဲ့သူပါ” ဟု နေးမာက ဆိုရှယ်ဆိုဒ်တစ်ခုဖြစ်သည့် ၎င်း၏ Instagram စာမျက်နှာတွင် ရေးသားခဲ့သည်။

ထို့ပြင် ၎င်း၏အဖေဖြစ်သူကို ထိုကဲ့သို့ ပြောကြားမှုအား မကြိုက်ကြောင်း၊ မိမိမှာ ဖခင်ဖြစ်သူ၏ ပရိတ်သတ်တစ်ဦးဖြစ်ပြီး၊ ယခုကဲ့သို့ နေရာမျိုးရောက်အောင် ဖခင်ဖြစ်သူက ပို့ဆောင်ပေးခဲ့ခြင်းဖြစ်ကြောင်း ထည့်သွင်းရေးသားခဲ့သည်။

နေးမာ၏ အပြောင်းအရွှေ့ကိစ္စကို စပိန်တရားရုံးတစ်ခုမှ စုံစမ်းစစ်ဆေးမှုများ ပြုလုပ်နေပြီး တရားဝင်ဖော်ပြခြင်းမရှိသည့် ယူရို ၃၇.၉ သန်းအတွက် ဘာကာမှ အခွန်ငွေ ၉.၁ သန်းပေးဆောင်ရန် ယမန်နေ့တွင် အမိန့်ချမှတ်ခဲ့သည်ဟု သိရသည်။ သို့သော်လည်း ဘာစီလိုနာအသင်းကမူ ထိုကိစ္စနှင့်ပတ်သက်၍ ကာကွယ်ထားသည့် ကြေညာချက်တစ်စောင်ကို ထုတ်ပြန်ခဲ့သည်။
Ref : Goal