အော့ဇ၀စ်ဇ် အကျဉ်းစခန်းတွင် အစောင့်လုပ်ခဲ့သူ နာဇီတပ်သားဟောင်း သုံးဦးအား ဂျာမန် အာဏာပိုင်များဖမ်းဆီး

ဖေဖော်ဝါရီ ၂၁ ၊ ၂၀၁၄
M-Media

– ဂျာမနီရှိ ပြည်နယ် ၃ ခု တွင် ပြုလုပ်ခဲ့သည့် စီးနင်းမှုများအတွင်း ဒုတိယကမ္ဘာစစ်က အော့ဇ၀စ်ဇ် အကျဉ်းစခန်းတွင် တာဝန်ထမ်းဆောင်ခဲ့သည်ဟု သံသယရှိသူ SS တပ်သားဟောင်း သုံးဦးအား ဖမ်းဆီးရမိခဲ့သည်ဟု စတုဂတ်မြို့ရှိ တရားသူကြီးများက ယမန်နေ့တွင် ပြောကြားခဲ့သည်။

နိုင်ငံအနောက်တောင်ပိုင်း Baden-Württemberg ပြည်နယ်မှ အသက် ၈၈၊ ၉၂ နှင့် ၉၄ နှစ်အရွယ်ရှိ အဆိုပါ တပ်သားဟောင်း သုံးဦးကို ဗုဒ္ဓဟူးနေ့တွင် ဖမ်းဆီး ထိန်းသိမ်းခဲ့ခြင်း ဖြစ်ပြီး၊ ဒုတိယ ကမ္ဘာစစ်အတွင်း နာဇီတို့ သိမ်းပိုက်ထားသော ပိုလန်နိုင်ငံ အကျဉ်းစခန်းရှိ လူသတ်မှုများတွင် ပါဝင်ခဲ့သည်ဟု သံသယ ရှိနေသူများဖြစ်သည်။ ဒုတိယကမ္ဘာစစ်က ပိုလန်ရှိ ထိုအကျဉ်းစခန်း အတွင်း လူပေါင်း ၁ သန်းကျော် အသတ်ခံခဲ့ရသည်။

၁၉၄၂ နှင့် ၁၉၄၄ ခုနှစ်များ အတွင်း အော့ဇ၀စ်ဇ် အကျဉ်းစခန်းတွင် အစောင့်များအဖြစ် တာဝန်ထမ်းဆောင်ကြသူများဟု သံသရှိနေသည့် ၎င်းတို့ သုံးဦးအား ဆေးစစ်မှုများ ပြုလုပ်ခဲ့ကာ၊ ထောင်အတွင်းရှိ ဆေးရုံ၌ ထိန်းသိန်းထားရန် တရားသူကြီးက အတည်ပြုခဲ့သည်ဟု တရားရုံးမှထုတ်ပြန်သော ကြေညာချက်တွင် ဖော်ပြထားသည်။

Baden-Württemberg ပြည်နယ်ရှိ အခြားသောနေရာများနှင့် နိုင်ငံအနောက်ပိုင်း Hesse နှင့် North Rhine-Westphalia ပြည်နယ်များတွင်လည်း ရဲတပ်ဖွဲ့က စီးနင်းမှုများ ပြုလုပ်ခဲ့သည်။

“နာဇီခေတ်က မှတ်တမ်းများနှင့် စာရွက်စာတမ်းများကို သိမ်းဆည်းရမိခဲ့ပြီး၊ စစ်ဆေးမှုများအား ဆက်လက်လုပ်ဆောင်လျက်ရှိသည်” ဟု Baden-Württemberg ပြည်နယ်တွင်ပြုလုပ်ခဲ့သည့် နေအိမ် ၆ လုံးအား စီးနင်းမှုနှင့်ပတ်သက်၍ ထုတ်ပြန်သော ကြေညာချက်တွင် ဖော်ပြထားသည်။

၁၉၄၀နှင့် ၁၉၄၅ ခုနှစ်အတွင်း အော့စ၀စ်ဇ် အကျဉ်းစခန်းတွင် အသတ်ခံရသူများမှာ ၁.၅ သန်းခန့်ရှိပြီး အများစုမှာ ဂျူးများဖြစ်ကြသည်။ ထို့ပြင် ရောမ၊ ပိုလန်နှင့် အခြားသော လူမျိုးများလည်းပါဝင်သည်။ ဒုတိယကမ္ဘာစစ်ပြီးကတည်းက ဂျူးလူမျိုး ၆ သန်းအသတ်ခံခဲ့ရသည့် Holocaust အစီအစဉ်တွင် ပါဝင်ပတ်သက်ခဲ့သော ပြစ်မှုကျူးလွန်သူများကို ဖမ်းဆီးကာ တရားစွဲဆိုခဲ့ပြီး၊ ကျန်ရှိနေသူများကိုလည်း ယခုအချိန်အထိ ဂျာမန်အာဏာပိုင်များက လိုက်လံစုံစမ်းလျက်ရှိနေသည်။
Ref: The Guardian