ပထမအကြိမ် မွတ်စလင် လူငယ်ဖိုရမ် အောင်မြင်စွာပြီးဆုံး၊ အချက်(၁၃) ချက်ပါ ကြေညာချက်ထုတ်ပြန်

ဖေဖော်ဝါရီ ၂၅၊ ၂၀၁၄
M-Media
လမင်း
နိုင်ငံအနှံ့မှ မွတ်စလင်လူငယ်များ (ဓါတ်ပုံ-Muslim Youth Forum in Myanmar FB)

ရန်ကုန်။      ။ မြန်မာနိုင်ငံအတွင်း ပထမဆုံး အကြိမ်အဖြစ်ကျင်းပသော (Muslim Youth Forum 2014 MYANMAR)  ကို ဖေဖော်ဝါရီလ ၂၂ရက်နေ့ နှင့် ၂၃ ရက်နေ့တို့တွင် ရန်ကုန်တိုင်း သန်လျင်မြို့ ငါးပါးသခင် ဒါရ်ဂါတော်ဝင်းအတွင်း၌ မြန်မာနိုင်ငံ အနှံ့အပြား မွတ်စလင်လူငယ်များ တက်ရောက်ဆွေးနွေးခဲ့ကြပါသည်။

မွတ်စလင်လူငယ်ထုများ၏ ညီညွတ်သည့် အသံတစ်ခုဖြစ်ပေါ်လာစေရန်၊ မတူကွဲပြားသော ယဉ်ကျေးမှုဓလေ့ထုံးစံများ၊ မွတ်စလင်လူငယ်များ တစ်သားတည်းနေထိုင်နိုင်ရေး နှင့် လူငယ်ရေးရာ ကဏ္ဍများတွင် အခြားဘာသာဝင်များနှင့် မွတ်စလင်လူငယ်များ ပူးပေါင်းလက်တွဲနိုင်ရန် Muslim Youth Forum ကိုကျင်းပရခြင်းဖြစ်ပါသည်။

မွတ်စလင်လူငယ်များသည် Forum တွင် လူငယ်များနှင့် ပတ်သက်ပြီး ပညာရေး၊ ကိုယ်ရေးကိုယ်သွေးမြှင့်တင်ခြင်း၊ ငြိမ်းချမ်းရေး၊ ကျန်းမာရေး၊ သဘာဝပတ်ဝန်းကျင်၊ သတင်းနှင့်ပညာ၊ လူ့စွမ်းအားအရင်းအမြစ်နှင့် အလုပ်ကိုင်အခွင့်အရေး နှင့် ပေါင်းသင်းဆက်ဆံမှု စသည့် ကဏ္ဍ ၉ ခုကိုဆွေးနွေးခဲ့ပြီး အချက် (၁၃) ချက်ပါ ကြေညာချက်တစောင်ကို ထုတ်ပြန်ခဲ့သည်။

(၁) ပညာရေးအဆင့်အတန်းပြည့်မှီရန် အစ္စလာမ်ဘာသာဝင်များအတွင်း၌ ခေတ်ပညာနှင့် ဘာသာရေးကို ပေါင်းစည်းပို့ချသည့် ပညာရေးစနစ်ကို အကောင်ထည်ဖော်ရန်နှင့် အစွန်းရောက်မှုများမရှိစေရန် ထိန်းကြောင်းပေးရန်လိုအပ်ကြောင်း၊

(၂) မွတ်စလင်လူငယ်များခေါင်းဆောင်မှု စွမ်းရည်အတွက် လေ့ကျင့်ဆွေးနွေး ပညာပေးမှုများ ဆောင်ရွက်ရန် လိုအပ်ကြောင်း၊

(၃) မတူကွဲပြားသော ဘာသာဝင်များအကြား ခွဲခြားဆက်ဆံမှုမရှိစေရန် လူတန်းစားအသီးသီးကို ပညာပေးဆွေးနွေးမှုများပြုလုပ်ပြီး အကာကွယ်ပေးရန်နှင့် ဗဟုယဉ်ကျေးမှု လူမှု့အစုအဝေး ပြန်လည်ဖော်ဆောင်နိုင်ရေးကို ကြိုးပမ်း သွားမည်ဖြစ်ကြောင်း၊

(၄) မီဒီယာကျင့်ဝတ်ကို လေးစားလိုက်နာခြင်း မရှိမှုများကို တရားဥပဒေစိုးမိုးရေးလမ်းကြောင်းမှ ဟန့်တားဆောင်ရွက်နိုင်ရန်နှင့် ကျင့်ဝတ်နှင့်ညီသော မီဒီယာပေါ်ထွန်းလာစေရန် ကြိုးပမ်းဆောင်ရွက်မည် ဟု ပါရှိသည်။

ထို့အပြင် (၅)ငြိမ်းချမ်းရေးနှင့် ယဉ်ကျေးမှုများဖော်ဆောင်ရာတွင် အပြန်အလှန်လေးစားမှု၊ ချစ်ကြည်ရင်းနှီးမှု နှင့် အကောင်းမြင်ဝါဒများ ပေါ်ထွန်းလာရေးကို ဆောင်ရွက်သွားမည်ဖြစ်ကြောင်း၊

(၆) မွတ်စလင်လူငယ်ထုအတွင်း စုပေါင်းဆောင်ရွက်တတ်သော အလေ့အထများထွန်းကားလာစေရန် ကြိုးပမ်းသွားမည်ဖြစ်ကြောင်း၊

(၇) ဒီမိုကရေစီအသွင် ကူးပြောင်းမှုသည် အခြေခံလူ့အခွင့်အရေးကို အာမခံချက်ပေးနိုင်ရန်နှင့် မတူကွဲပြားမှုကိုအလေးထားသော လူမှု့အသိုက်အ၀န်းဖြစ်လာစေရန် ကြိုးပမ်းဆောင်ရွက်သွားမည်ဖြစ်ကြောင်း၊

(၈) မွတ်စလင်လူငယ်များအနေနှင့် နိုင်ငံတော်၏ ဒီမိုကရေစီရေး၊ လူအခွင့်အရေး၊ နိုင်ငံဖွံ့ဖြိုးတိုးတက်ရေးတို့တွင် တိုင်းပြည်ချစ်စိတ်ဖြင့် ပါဝင်လာစေရန် တို့ကို ကြေညာချက်တွင် ဖော်ပြထားသည်။

၎င်းပြင် အစ္စလာမ်သာသနာတွင် အမျိုးသမီးများ၏ အခွင့်အရေးကို အပြည့်အ၀ အာမခံချက်ပေးထားသည့်အညီ အခွင့်အရေးရရှိလာရန် လူငယ်ထုမှ ကြိုးပမ်းဆောင်ရွက်ရန်၊

(၁၀) ကျန်းမာ ကြံ့ခိုင်ပြီး ပညာပြည့်ဝသည့် လူဘောင်ဖြစ်လာရန်အတွက် မွတ်စလင်လူငယ်ထု အတွင်း တစ်ကိုယ်ရေ ကျန်းမာရေးနှင့် အားကစားမြှင့်တင်မှု အလေးထားရန်၊

(၁၁) သဘာဝပတ်ဝန်းကျင် ထိခိုက်ပျက်စီးမှုများ မရှိစေရန် မွတ်စလင်လူငယ်ထုအတွင်း အသိပညာပေးခြင်း၊ စုပေါင်း ဆောင်ရွက်ခြင်းများဖြင့် ထိန်းသိမ်းစောင့်ရှောက်ရန်၊

(၁၂) လူငယ်ထုအတွင်း အသိပညာ၊ အတတ်ပညာ လေ့လာမှု အားကောင်းစေရန် စာဖတ်ဝိုင်းများ၊ စာကြည့်တိုက်များ၊ အစ္စလာမ့် မော်ကွန်းတိုက်များ ထူထောင်ရန်

(၁၃) အထက်ပါ လုပ်ငန်းစဉ်များကို အကောင်အထည်ဖော်ဆောင်နိုင်ရန် ယခုကဲ့သို့ မွတ်စလင်လူငယ်ထု စုစည်းညီညွတ်မှုအားကို စဉ်ဆက်မပြတ် ချိတ်ဆက်ဆောင်ရွက်ပြီး နိုင်ငံဖွံ့ဖြိုးတိုးတက်ရေးအတွက် မွတ်စလင်လူငယ်ထုတစ်ရပ်လုံး ပါဝင်လာစေရန် အားသွန်ခွန်စိုက် ကြိုးပမ်းဆောင်ရွက်သွားမည်ဖြစ်ကြောင်း စသည့် (၁၃)ချက်ပါ ကြေညာချက်တစ်ရပ် ထုတ်ပြန်ခဲ့သည်။