ရိုဟင်ဂျာတွေကို လူ့အခွင့်အရေး ချိုးဖောက်ဖို့ မြန်မာအစိုးရ မူဝါဒ ချမှတ်ထားဟု Fortify Rights အဖွဲ့ ဖွင့်ချ

ဖေဖော်ဝါရီ ၂၆၊ ၂၀၁၄
M-Media

ရန်ကုန်။    ။လူနည်းစုဝင် ရိုဟင်ဂျာမွတ်စလင် လူ့အဖွဲ့အစည်းအား လူဦးရေနှင့်လွတ်လပ်စွာသွားလာခွင့် ထိန်းချုပ် ကန့်သတ်ထားချက်များ အပါအ၀င် မြန်မာအစိုးရ၏ ချိုးနှိမ်စော်ကားမူဝါဒများကို နှောင်ကြိုးမဲ့ လူ့အခွင့်အရေး အုပ်စု တစ်ခုမှ ပြီးခဲ့သည့်ကြာသပတေးနေ့တွင် အထောက်အထားများနှင့် တစ်ကွ ဖွင့်ချတင်ပြလိုက်သည်။

အရှေ့တောင်အာရှအခြေစိုက် Fortify Rights အဖွဲ့ အမှုဆောင်ဒါရိုက်တာ မက်သျူး စမစ် Matthew Smith က ယင်းတွေ့ရှိချက်များမှာ ပေါက်ကြားလာသည့်  စာရွက်စာတမ်း (၁၂)စောင် နှင့် လူထု သုံးသပ်မှု မှတ်တမ်းများ အပေါ် အခြေခံထားခြင်းဖြစ်သည်ဟု ပြောကြားသည်။

လူနည်းစုဝင် အုပ်စုအပေါ် ညှင်းပန်းနှိပ်စက်မှုများကို ကျကျနန ရေးသွင်းပြုစုထားသလို လွန်ခဲ့သည့်ဆယ်စုနှ စ်များစွာမှ အချို့ကိစ္စများလည်း ပါဝင်ကြောင်း၊ ၎င်းတို့၏ တုန်လှုပ်ဖွယ် သက်ရောက်မှုများကို ရေးသားချက်များ၌ တွေ့ရမည်ဖြစ်ကြောင်း၊ ဤသည်မှာ ပထမဆုံး လူသိရှင်ကြားတရားဝင် ထုတ်ဖော်မှုဖြစ်ကြောင်း သူက ဆိုသည်။

“ အဲ့ဒီ တင်ပြချက်က လူလူချင်းစော်ကားတဲ့ပြစ်မှုတွေ တိုးပွားလာစေတဲ့ မြန်မာအာဏာပိုင်များ အကြားက အသိပညာနဲ့ ကြံစည်မှု အနေအထားကို ဖော်ပြထားပါတယ်။ လူပေါင်းများစွာ ပြိုလဲစေတဲ့ ဒီစော်ကားချက်တွေကို ကောက်ကျစ်ယုတ်မာမှုနဲ့ တစ်ကွ နှစ်ပေါင်းများစွာ ဖော်ဆောင်နေခဲ့ခြင်းဖြစ်တယ် ” ဟု စမစ်မှ ပြောပြသည်။

တစ်စုံတစ်ရာ တုန့်ပြန်ပြောကြားရန် အေပီ သတင်းဌာန၏ တောင်းဆိုချက်ကို သမ္မတရုံးပြောဆိုခွင့်ရ ပုဂ္ဂိုလ် ဦးရဲထွဋ်မှ အဖြေမပေးခဲ့ပါ။ သို့သော် အစိုးရ အာဏာပိုင်များ၏ လက်သုံးစကားဖြစ်သော “ ဘင်္ဂါလီ(ရိုဟင်ဂျာ) အားပေး အုပ်စုများ၏ အခြေအမြစ်မဲ့ စွပ်စွဲချက်တို့ဖြင့် သုံးသပ်ပြောဆိုခြင်း မပြုပါနှင့် ” ဟု ပြောခဲ့ကြောင်း Myanmar Times က ဖော်ပြသည်။

လူဦးရေ သန်း ၆၀ ရှိ ဗုဒ္ဓဘာသာဝင် အများစုနေထိုင်သော မြန်မာနိုင်ငံသည် ရာစုနှစ်တစ်ဝက် စစ်အုပ်ချုပ်ရေးကြမ်းကြီးမှ ရုတ်တရက် ခုန်ထွက်လာရသည်။ အညှာမခိုင်သေးသည့် ဒီမိုကရေစီ ကူးပြောင်းမှုကို ခြိမ်းခြောက်လျက်ရှိသော ၂၀၁၂ ခုနှစ်မှစ၍ ပွင့်အံလာသည့် လူမျိုးရေး အကြမ်းဖက်မှုအပေါ် အမေရိကန်ပြည်ထောင်စုနှင့် အခြား တိုင်းပြည်များက ရတက်မအေး ဖြစ်နေကြ၏။ ဗုဒ္ဓဘာသာဝင် လူသွမ်းအုပ်စုများ၏ တိုက်ခိုက်မှုကြောင့် လူပေါင်း ၂၈၀ ထက်မနည်း သေကြေပျက်စီးရပြီး အများစုမှာ ရိုဟင်ဂျာများဖြစ်ကြသည်။ တစ်သိန်းလေးသောင်းခန့်မှာ နေရပ် စွန့်ခဲ့ကြရသည်။

ဘင်္ဂလားပင်လယ်အော်ကမ်းခြေ တစ်လျှောက်တွင်တည်ရှိပြီး ပြည်မနှင့် အဆက်ပြတ်နေသော ရခိုင်ပြည်နယ်ရှိ ရိုဟင်ဂျာတို့ကို ကုလသမဂ္ဂမှ ကမ္ဘာ့နှိပ်စက်ညှင်းပန်းမှု အခံရဆုံး လူနည်းစု လူ့အဖွဲ့အစည်းဟု ဖော်ပြခဲ့သည်။ သူတို့၏ လူဦးရေ ပမာဏမှာ ၁.၃ သန်းခန့်ရှိသည်။ ထိုဒေသအတွင်း မျိုးဆက်ပေါင်း များစွာနေထိုင်လာသော အဆက်အနွယ်များဖြစ်သော်လည်း အစိုးရက သူတို့ကို ဘင်္ဂလားဒေ့ရ်ှမှ လာသူများဟု ဆိုပြီး နိုင်ငံသားဖြစ်ခြင်းမှ လုံးလုံးလျားလျား ငြင်းပယ်၍ နိုင်ငံမဲ့များဘ၀သို့ တွန်းပို့လိုက်သည်။

Fortify Rights ၏ စာမျက်နှာ ၇၉ မျက်နှာပါ အစီရင်ခံစာရှိ လျှို့ဝှက်စာရွက်စာတမ်းများက – ၁၉၉၃ ခုနှစ်မှ ၂၀၀၈ ခုနှစ်အထိ ရခိုင်ပြည်နယ် အာဏာပိုင်များသည် ရိုဟင်ဂျာတို့အား ခရီးသွားလာခွင့်၊ လွတ်လပ်စွာ ဘာသာရေးကျင့်သုံးခွင့်၊ သာသနိက အဆောင်အဦဆောက် လုပ်ခွင့်၊ နေအိမ်ပြုပြင်ခွင့်၊ လက်ထပ် ထိမ်းမြား၍ မျိုးဆက် ထူထောင်ခွင့်များ အပေါ် တစိုက်မတ်မတ် ကန့်သတ်ပိတ်ပင်ဖို့ တရားဝင်အမိန့်များ ထုတ်ပြန်ထားကြောင်း ဖွင့်ထုတ်ဖော်ပြလျက်ရှိနေသည်။

၁၉၉၃၊ ၂၀၀၅ နှင့် ၂၀၀၈ ခုနှစ်များ၏ ဒေသဆိုင်ရာအမိန့်အချို့ကို ဗဟိုအစိုးရ တရားစီရင်ရေး လက်အောက်ဌာန အသီးသီးထံမှ ပေးပို့ထား ခဲ့ခြင်းဖြစ်သည်။ ထိုအကြောင်းအရာများအပေါ် ၂၀၁၁ ခုနှစ်ကတည်းကစပြီးမှတ်တမ်းတင်ဆွေးနွေး တင်ပြထားချက်များပါဝင်ကြောင်း၊ ၎င်းမူဝါဒ အားလုံးမှာ ယနေ့ထက်တိုင် သက်ဝင် လှုပ်ရှားနေဆဲဖြစ်ကြောင်း ထိုလူ့အခွင့်အရေးအုပ်စုက ပြောကြားသည်။

မောင်းတောနှင့် ဘူးသီးတောင်မြို့နယ်များတွင် ရိုဟင်ဂျာများအဖို့  ကလေးနှစ်ယောက်သာယူရေး မူဝါဒအတွက် အောက်ခြေအဆင့်အထိ အမိန့်ပေးထားခြင်း၊ စားဝတ်နေရေးဖူလှုံစေရန် မွေးဖွားမှုနှုန်း ထိန်းချုပ်လိုသည့် အတွက် ကလေး အရေအတွက်အား ကန့်သတ်ခြင်း၊ ခွင့်ပြုချက်ရမှသာ လက်ထပ် ထိမ်းမြားနိုင်ခြင်း စသည်ဖြင့် အစီရင်ခံစာ၌ ဖော်ပြထားသည်။ မြန်မာတစ်နိုင်ငံလုံးတွင် ၎င်းသူတို့သာ လူဦးရေထိန်းချုပ်မှုကို ခံစားနေကြရသည်။

အမျိုးသမီးများသည် တစ်ပါးသူ၏ ကလေးများကို မိမိ၏ရင်သွေးအဖြစ် ပြောဆိုသည်ဟု သံသယရှိပါက ကလေးမိခင် အမှန်ဟုတ်မဟုတ် အတည်ပြုရန် ၎င်းတို့မျက်မှောက်မှာပင် အဓမ္မနို့တိုက်ကျွေးပြစေကြောင်း၊ အာဏာပိုင်အရာရှိများထံ အသေးစိတ် လမ်းညွှန်ထားသည်ဟု အထောက်အထားတစ်ရပ်က ဆိုထားသည်။

ထိုအမိန့်များအကောင်အထည်ဖော်ရေး အခွင့်အာဏာကို လုံခြုံရေး တပ်ဖွဲ့များထံသို့လည်း ပေးအပ်ထား၏။ နေအိမ်များပေါ် တက်၍ ရှောင်တခင် စစ်ဆေးခြင်း၊ မိသားစုစာရင်းအတည်ပြုချက်ရေးရာ၌ ကိုယ်ရေးကိုယ်တာများအတွင်း ရည်ရွယ်ချက်ရှိရှိ ၀င်စွက်ခြင်း စသဖြင့် ပြုလုပ်ခဲ့ကြသည်။

အမျိုးသမီးများသည် တစ်ပါးသူ၏ ကလေးများကို မိမိ၏ရင်သွေးအဖြစ် ပြောဆိုသည်ဟု သံသယရှိပါက ကလေးမိခင် အမှန်ဟုတ်မဟုတ် အတည်ပြုရန် ၎င်းတို့မျက်မှောက်မှာပင် အဓမ္မနို့တိုက်ကျွေးပြစေကြောင်း၊ အာဏာပိုင်အရာရှိများထံ အသေးစိတ် လမ်းညွှန်ထားသည်ဟု အထောက်အထားတစ်ရပ်က ဆိုထားသည်။

“ ဒါဟာ အလွန် စက်ဆုပ်စရာကောင်းပါတယ်။ ရိုဟင်ဂျာတွေ အပေါ် ခွဲခြားချိုးနှိမ်တဲ့ မူဝါဒများကို ပြည့်ပြည့်စုံစုံ ပြုစုထားသလို၊ အဲ့ဒါနဲ့ပတ်သက်တဲ့ တရားဝင် အမိန့်ထုတ်ပြန်ချက် မိတ္တူများအားလုံးလည်း ပါဝင်နေတဲ့ အတွက် အစီရင်ခံစာက ငြင်းမရအောင် ထင်ရှားခိုင်လုံနေပါတယ် ” ဟု အပြည်ပြည်ဆိုင်ရာဥပဒေပညာရှင် Benjamin Zawacki က ပြောကြားလိုက်ပါသည်။

အဆိုပါ Fortify Rights မှ ဖွင့်ချလိုက်တဲ့ အစီရင်ခံစာနှင့် ပတ်သက်ပြီး ပြည်တွင်းခြေစိုက် သတင်းအေဂျင်စီ တခုဖြစ်သော မြစ်မခ မီဒီယာမှ “ဘင်္ဂါလီများအပေါ် အစိုးရမှ လူ့အခွင့်အရေးချိုးဖောက်မှု မရှိဟု အစီရင်ခံစာထွက်ပေါ်” ခေါင်းစဉ်ဖြင့် ယမန့်နေ့က သတင်း တပုဒ်ရေးသားခဲ့ပါသည်။ အဆိုပါသတင်းပါ အချက်အလက်တွေဟာ မူရင်း အစီရင်ခံစာ၊ နိုင်ငံတကာ သတင်းဌာနများ၏ ဖော်ပြချက်နှင့် ၄င်းတို့ သတင်းတွင် ကိုးကားဖော်ပြထားသော Wall Street Journal ၏ ဖော်ပြချက်များနှင့် များစွာ ကွဲလွဲမှုများပါရှိတာကို တွေ့ရှိရပါသည်။

ကိုးကားသတင်းလင့်များ
AP သတင်းလင့်         =>http://bigstory.ap.org/article/rights-group-publishes-anti-rohingya-policies
Wall Street Journal     သတင်းလင့်=> http://on.wsj.com/1pnZs3B
Fortify Rights ကနေ ထုတ်ပြန်ထားတဲ့ အစီရင်ခံစာ လင့်=> http://www.fortifyrights.org/publication-20140225.html
မြစ်မခသတင်းလင့်=>http://goo.gl/jkdgZP

AP သတင်းဌာနတွင် ROBIN McDOWELL ရေးသားသည့် “Rights group blasts Myanmar over Rohingya policies” သတင်းဆောင်းပါးကို မြင့်မိုရ်မောင်မောင် ဆီလျော်အောင် ဘာသာပြန်ဆိုပါသည်။