တအောင်း(ပလောင်) စစ်ပြေး ဒုက္ခသည်များ လျစ်လျူရှု မခံရစေရေး သတင်းစာ ရှင်းလင်းပွဲ ပြုလုပ်

ဖေဖော်ဝါရီ ၂၆၊ ၂၀၁၄
M-Media
ပြည့်ပြည့်

ရန်ကုန် ။          ။         ကွက်ခိုင်မြို့နယ်၊ နမ့်ခမ်းမြို့နယ်၊ မန်တုံမြို့နယ်တို့၌ ဒုက္ခသည်စခန်း စုစုပေါင်း (၆)ခုတွင် ဒုက္ခသည် ပေါင်း ၄၀၀၀ ကျော်ရှိသည့်အနက် တအောင်း တိုင်းရင်းသား (၃၀၀၀)ကျော် ပါဝင်ကြောင်း အစီရင်ခံစာနှင့် ပတ်သက်၍ ဖေဖော်ဝါရီလ ၂၅ ရက်နေ့ နံနက် ၁၁း၀၀-နာရီမှ နေ့လည် ၁း၀၀-နာရီအထိ  တော်ဝင်နှင်းဆီ ခန်းမ၌ သတင်းစာ ရှင်းလင်းပွဲ တစ်ရပ်ကျင်းပပြုလုပ်ခဲ့သည်။

တအာင်းဒုက္ခသည်စခန်းများမှာ လမ်းပမ်း ဆက်သွယ်ရေး ခက်ခဲသည့် အတွက် အလှူရှင် အရောက်အပေါက်နည်းသည့် အတွက် ဒေသခံများ၏ လျစ်လျူရှု ခံရသည့် အကြပ်အတည်းများကို နိုင်ငံတကာမှ သိရှိစေရန်နှင့် လူမှုရေးအဖွဲ့အစည်းများ၊ ပါတီနှင့် လွှတ်တော်မှ ကွင်းဆင်း စစ်ဆေးနိုင်ရေး အတွက်  လျစ်လျူရှုခံ အကြပ်အတည်း“ အမည်ရှိ အစီရင်ခံစာ တစ်စောင်ကို  တအောင်း အမျိုးသမီး အဖွဲ့အစည်း (Ta’ang Women’s  Organization) က ဖေဖော်ဝါရီလ ၂၅-ရက်နေ့တွင် ထုတ်ပြန်ခဲ့သည်။

ပြည်တွင်းစစ်ပြေး တအောင်း ဒုက္ခသည်များအနေဖြင့် ဒုက္ခသည် စခန်း၌ ကလေးများ ပညာသင်ကြား ခွင့်မရခြင်း၊ အကူအညီများ လုံလုံလောက်လောက် မရခြင်း၊ ကျန်းမာရေး ချို့တဲ့မှုများ ဖြစ်ပေါ်ကာ ဆေးဝါးလုံလောက်မှု မရှိခြင်း၊ အလုပ် လက်မဲ့များဖြစ်နေခြင်း စသည့်အခြေအနေများကြောင့် မိမိတို့၏ နေရပ်သို့ မပြန်နိုင်ဘဲဖြစ်နေကြသည်ဟု ဒုက္ခသည်များထံမှ သိရကြောင်းနှင့် တအောင်း (ပလောင်)ဒေသရှိ ပြည်တွင်း စစ်ပြေး ဒုက္ခသည်များထံ သွားရောက်တွေ့ဆုံပြီး ဒုက္ခသည်များ၏ အခြေအနေကို ကိုယ်တိုင်ကိုယ်ကျ သွားရောက်မေးမြန်းထားသည့် တွေ့ရှိချက်များအပေါ်တွင် ၎င်းအစီရင်ခံစာအား ရေးသား ထားခြင်းဖြစ်ကြောင်း တအောင်း အမျိုးသမီးအဖွဲ့အစည်း တာဝန်ရှိသူတစ်ဦးက ပြောသည်။

“ငြိမ်းချမ်းရေးသာ ဆွေးနွေးနေတယ်၊ တကယ်တမ်းတော့ တိုင်းရင်းသား လက်နက်ကိုင်တွေနဲ့ စစ်ပွဲတွေဆက်ဖြစ်နေတော့ အဲ့ဒီဒေသမှာရှိတဲ့ တိုင်းရင်းသားပြည်သူတွေရဲ့ဘ၀တွေက အကြောက်တရားတွေ အောက်မှာပဲ နေနေရတယ်။ သူတို့တစ်တွေရဲ့ အခွင့်အရေးတွေ ရပိုင်ခွင့်တွေ ပျောက်ဆုံးပြီးတော့ သူတို့အိုးအိမ်တွေ ပစ်ထားပြီးတော့ ဒုက္ခသည် စခန်းတွေမှာ နေရတော့ ကျန်းမာရေး စောင့်ရှောက်မှု မရှိလို့ ကလေးတွေရဲ့ပညာရေးတွေလည်း ဆုံးရှုံးကုန်တယ်၊ အမျိုးသမီးတွေရဲ့ ဘ၀တွေလည်း လုံးခြုံမှုတွေ မရှိတော့ဘူး” ဟု တအောင်း အမျိုးသမီး အဖွဲ့အစည်းမှ အထွေထွေ အတွင်းရေးမှူး ဒီဒီပိုးစေင်က ပြောသည်။