မြောက်ကိုရီးယား၏နောက် ICC (နိုင်ငံတကာ ရာဇဝတ်ခုံရုံး) မှ မျက်စ,ပစ်နေသော မြန်မာနိုင်ငံ

မတ်- ၂ ၊ ၂၀၁၄
M-Media
ဘာသာပြန်ဆိုသူ- လွင်မောင်

မိမိထုတ်ပြန်ကြေညာချက်များအပေါ် မိမိကိုယ်တိုင်က ထိရောက်သော အရေးယူမှုများ မလုပ်နိုင်သောကြောင့် ကမ္ဘာ့ကုလသမဂ္ဂအဖွဲ့ကြီးမှာ အရာမရောက်လှသည့် အဖွဲ့တစ်ခုအလား အမြင်ထားရှိခံရလေ့ရှိသည်။

သို့သော်လည်း မြောက်ကိုရီးယားခေါင်းဆောင်များကို နိုင်ငံတကာရာဇ၀တ်ခုံရုံး International Criminal Court (ICC) သို့ လွှဲပြောင်းပေးရန် ကမ္ဘာ့ခေါင်းဆောင်များအား တိုက်တွန်းသော ကုလသမဂ္ဂ လူ့အခွင့်အရေးဆိုင်ရာ မဟာမင်းကြီး နဗီ ပီလေး၏ မကြာသေးခင်က ထွက်လာသော အစီရင်ခံစာကိုတော့ ကြိုဆိုမိသည်။ မြောက်ကိုရီးယားနိုင်ငံ အတွင်း စနစ်တကျ လူ့အခွင့်အရေး ချိုးဖောက်မှုများကို ကျယ်ကျယ်ပြန့်ပြန့်ပြုလုပ်ခဲ့သည့် ထိုအထောက်အထားများပါ အစီအရင်ခံစာ ထွက်လာပြီးနောက် မြောက်ကိုရီးယားရှိ လူ့အခွင့်အရေးခြေအနေနှင့် ပတ်သက်၍ နက်နက်နဲနဲ စိုးရိမ်မိသည်ဟု အမေရိကန်အစိုးရက ၀န်ခံပြောဆိုခဲ့သည်။

လူ့အခွင့်အရေး ချိုးဖောက်မှုတွင် ကမ္ဘာ့အဆိုးဝါးဆုံး နိုင်ငံများထဲမှ တစ်ခုဖြစ်သည့် မြန်မာနိုင်ငံအား ကုလမှ အလားတူအရေးယူမှုများပြုလုပ်ရန် အလှည့်ရောက်လာချေပြီ။ ဒီမိုကရေစီသို့ လျှောက်လှမ်းနေသည်ဟု လူသိရှင်ကြားကြေညာထားသည့် မြန်မာအစိုးရမှ ရိုဟင်ဂျာများကို စနစ်တကျ ဖိနှိပ်ညှင်းပန်းနေခြင်းကြောင့်ဖြစ်သည်။ သတ်ဖြတ်ခြင်းများ စတင်လာကတည်းက အရေးယူရန်အတွက် နိုင်ငံတကာ၏ တိုက်တွန်းမှုများ ရှိနေခဲ့သည်။ အမေရိကန်သမ္မတ ဘာရက်အိုဘားမား၊ ဘုန်းတော်ကြီး ဒလိုင်းလားမား၊ ပုပ်ရဟန်းမင်းကြီး ဖရန်စစ်တို့ အပါအ၀င် အခြားသောသူများကလည်း
မွတ်စလင်လူနည်းစုများ အပေါ် လူမျိုးတုန်းသတ်ဖြတ်မှု လုပ်ဆောင်နေသည်ကို ရပ်တန့်ဖို့ မြန်မာသမ္မတ ဦးသိန်စိန်ကို တိုက်တွန်းခဲ့သည်။ ထိုလုပ်ဆောင်မှုများမှာ လက်ရှိဆောင်ရွက်နေသော တိုင်းပြည်၏ နိုင်ငံရေး၊ စီးပွားရေး ပြုပြင်ပြောင်းလဲမှုများကို ဆန့်ကျင်ရာလည်း ရောက်နေပေသည်။

မြန်မာနိုင်ငံအတွင်း ရာစုနှစ်များစွာ နေထိုင်ခဲ့သော်လည်း ရိုဟင်ဂျာများမှာ နိုင်ငံမဲ့များအဖြစ် ကြေညာခြင်းခံခဲ့ရသည်။ တရားမ၀င် ခိုးဝင်လာသူများအဖြစ် တံဆိပ်တပ်ခံရသည်။ ထိမ်းမြား လက်ထပ်ခွင့်ကို ငြင်းပယ်ခံရသလို ကလေးနှစ်ယောက်သာ ယူရန် ကန့်သတ်ခံကြရသည်။ ထိုကဲ့သို့ ကန့်သတ်မှုများမှာ ကုလသမဂ္ဂက ၁၉၄၈ ခုနှစ် လူမျိုးတုန်း သတ်ဖြတ်မှု တားဆီးရေးနှင့် အပြစ်ပေးရေးဆိုင်ရာ ပဋိညာဉ်တွင် ဖွင့်ဆိုဖော်ပြထားသည့် လူမျိုးတုန်းသတ်ဖြတ်မှု ဥပဒေ သတ်မှတ်ချက်များနှင့် ငြိစွန်းနေသည်ဟု အမေရိကန်-အစ္စလာမ် ဆက်ဆံရေးကောင်စီ CAIR က ဆိုလေသည်။ အကြမ်းဖက် တိုက်ခိုက်မှုများက မွတ်စလင်ထောင်ပေါင်း များစွာ၏ ဘ၀များကို ပျက်စီးစေခဲ့သည်။ လူ ၁၄၀၀၀၀ ကျော်မှာ နေအိမ်များမှ စွန့်ခွာထွက်ပြေးခဲ့ရပြီး အစားအသောက်၊ ဆေးဝါးထောက်ပံ့မှုကို အကန့်အသတ်ဖြင့်သာ ရရှိသည့် ဒုက္ခသည်စခန်းများသို့ ရောက်ရှိသွားကြသည်။ အကျင့်ပျက်ခြစားသည့် အာဏာပိုင်များနှင့် ၎င်းတို့၏ လက်ပါးစေများက မွတ်စလင်ရွာများမှ မြေဧက ၂ သန်းကျော်ကို သိမ်းယူခဲ့ကြလေသည်။

မြန်မာနိုင်ငံ၏ ၁၉၈၂ ခုနှစ် နိုင်ငံသား ဥပဒေက လူမျိုးရေးခွဲခြားမှုပေါ် အခြေခံထားပြီး၊ မြန်မာနိုင်ငံ၏ နိုင်ငံသား အချင်းချင်း သဘောတူညီချက် ၀တ္တရားများကို ချိုးဖောက်ကာ နိုင်ငံတကာ ဥပဒေနှင့်လည်း သွေဖည်နေသည်။ ထိုနိုင်ငံသား ဥပဒေကြောင့် ရိုဟင်ဂျာများသည့် မြန်မာနိုင်ငံ၏ တိုင်းရင်းသားများ အဖြစ် အသိအမှတ် မပြု၊ နိုင်ငံမဲ့များ အဖြစ်သို့ရောက်အောင်၊ ခွဲခြား ဆက်ဆံခြင်းခံရအောင်သာ တွန်းပို့နေသည်။

ဒေါ်အောင်ဆန်းစုကြည်ထံမှ ထွက်လာသည့် မှတ်ချက်များကလည်း စိတ်ပျက်စရာပင်။ မြန်မာနိုင်ငံ၏ နိုဘယ်ငြိမ်းချမ်းရေး ဆုရှင်ဖြစ်သည့် သူမက မြန်မာနိုင်ငံရှိ လူနည်းစုဝင်များ အပေါ် ခိုင်ခိုင်မာမာ ရပ်တည် ကူညီပေးရန် အနေအထား မရှိသည်ကို ဖော်ညွှန်းနေ၏။ ၂၀၁၅ ရွေးကောက်ပွဲတွင်
သမ္မတနေရာ ၀င်ရောက် ယှဉ်ပြိုင်ရေး မျှော်လင့်ချက်ဖြင့် နိုင်ငံတကာ လူ့အခွင့်အရေး လှုပ်ရှားသူများမှ ပြတ်ပြတ်သားသား ဆန့်ကျင်နေကြသည့် ပြည်တွင်းရှိ ရေပန်းစားနေသော မွတ်စလင် ဆန့်ကျင်ရေး လှုပ်ရှားမှုများကို ထင်ထင်ရှားရှားပင် မသိချင်ယောင်ဆောင် လျက်ရှိသည်။

မြန်မာနိုင်ငံမှာ တိုင်းရင်းသားပေါင်းစုံ နေထိုင်သော တိုင်းပြည်ဖြစ်ပြီး၊ နိုင်ငံနယ်စပ် တစ်လျှောက် တောင်တန်းဒေသများ၌ လူနည်းစု တိုင်းရင်းသား အနည်းဆုံး ၇ မျိုးရှိနေသည်။ ၎င်းတို့၏ လူဦးရေက နိုင်ငံ့ လူဦးရေ၏ ၆၅ ရာခိုင်နှုန်းရှိလေသည်။ မြန်မာနိုင်ငံကို တစ်ပြည်ထောင်စနစ်ဖြစ်အောင်
ပါဝင်ကြိုးပမ်းခဲ့သော တောင်တန်းဒေသမှ ထိုတိုင်းရင်းသားလူနည်းစုများမှာလည်း နှစ်ပေါင်း ၆၀ ကြာမြင့်သည့် စစ်အုပ်ချုပ်ရေးအောက်မှ စစ်ဗိုလ်ချုပ်ကြီးများ၏ စနစ်တကျ ဖိနှိပ် ချုပ်ချယ်ခြင်းကို ခံစားခဲ့ကြရသည်။ ရိုဟင်ဂျာများအပေါ် အကြမ်းဖက်မှုကလည်း နိုင်ငံတော်မှ
ကျောထောက်နောက်ခံပြုထားသော လူမျိုးစုလိုက် သုတ်သင်မှု၏ အခြားအကျည်းတန်ဥပမာတစ်ခုပင် ဖြစ်လေသည်။

မြန်မာနိုင်ငံတွင် နှစ်ပေါင်း ၃၀ အတွင်း ပထမဆုံး သန်းခေါင်စာရင်းကောက်ယူမှုကို မတ်လ ၃၀ ရက်နေ့မှ ဧပြီ ၁၀ ရက်နေ့အထိ ဆောင်ရွက်ရန် ရှိနေသည်။ သို့သော်လည်း ဝေးလံခေါင်ဖျားသည့် အချို့ဒေသများတွင် အခွင့်အလမ်းများ ကန့်သတ်မှုနှင့် တိုင်းရင်းသား ၁၃၅ မျိုးကျော်၊ အဓိကဘာသာ စကား အနည်းဆုံး ၁၉ ခုနှင့်အတူ တိုင်းရင်းသား၊ နိုင်ငံသားနှင့်တိုင်းရင်းသားဆိုင်ရာ အခက်အခဲများနှင့် စိန်ခေါ်မှုများကို ရင်ဆိုင်နေရသည်။ ထို့ပြင် ပြည်ပရောက် မြန်မာနိုင်ငံသားများ အပါအ၀င် ခန့်မှန်းခြေပမာဏ ၁ သိန်း ၃ သောင်းဝန်းကျင် ရှိနေသည့် ထိုင်းနိုင်ငံရောက် မြန်မာ ဒုက္ခသည်များကိုလည်း သန်းခေါင်စာရင်း ကောက်ယူရန် မြန်မာအစိုးရက စီစဉ်လျက်ရှိနေသည်။ ရိုဟင်ဂျာ လူမျိုးများကိုတော့ “အခြား” ဆိုသည့် ခေါင်းစဉ်အောက်တွင် တရုတ်များ၊ ပါကစ္စတန် မျိုးနွယ်များနှင့် အတူ ထည့်သွင်းတွက်ချက်မည်ဖြစ်သည်။ သန်းခေါင်စာရင်း ပုံစံတွင် ရိုဟင်ဂျာများကို တိုင်းရင်းသား အဖြစ် စာရင်းသွင်းခြင်းမှ ဖယ်ထုတ်ခဲ့လျှင်.. ထိုကဲ့သို့ အသိအမှတ် မပြုခြင်းက ခွဲခြားမှုများ ပိုမိုဖြစ်ပေါ်ခြင်းနှင့် တိုင်းပြည်မှ မောင်းထုတ်ခြင်းတို့ဆီသို့ ဦးတည်သွားနိုင်ပေလိမ့်မည်။

သန်းခေါင်စာရင်းကောက်ယူမှု၏ လတ်တစ်လော ပြဿနာက မျှမျှတတ ဖြစ်ရန်နှင့်၊ ကောက်ယူရရှိသည့် ရလဒ်များအား နိုင်ငံရေး အခင်းအကျင်းတွင် အသေအချာ အလေးထားရန်ပင်ဖြစ်သည်။ အခြားတိုင်းပြည်များမှ ထောက်ပံ့ ကူညီငွေများနှင့် အတူ မကြာမီ လုပ်ဆောင်တော့မည့် သန်းခေါင် စာရင်းကောက်ယူမှု လုပ်ငန်းစဉ် အတွက် ကုလသမဂ္ဂ ကလည်း သင်တန်းများ၊ အချက်အလက်များကို ပေးနေသည်။ သို့သော် နိုင်ငံသားဖြစ်မှု ကဏ္ဍအတွက် ပြောင်းလဲသတ်မှတ်ပြင်ဆင်မည့် အရိပ်လက္ခဏာ ယခုအချိန်အထိ မတွေ့ရသေးချေ။ သန်းခေါင်စာရင်းမှ အပျက် သဘောဆောင်သည့် အကျိုးကျေးဇူးများ၊ ရလဒ်များ ထွက်ပေါ်လာမည်ဟု ထင်လောက်စရာ အကြောင်းခံများရှိပါက သန်းခေါင်စာရင်း လုပ်ငန်းစဉ် ကိစ္စတွင် ပါဝင်သည့် ကုလသမဂ္ဂ၊ ကမ္ဘာ့ဘဏ်နှင့် အခြားသော အသင်းအဖွဲ့များ၊ တိုင်းပြည်များက (ထိုကဲ့သို့ မဖြစ်စေရန် အတွက်) ၎င်းတို့၏ သြဇာကို အသုံးချရန် တာဝန်ရှိပေသည်။

မြန်မာနိုင်ငံတွင် နောက်ဆုံး တရားဝင် သန်းခေါင်စာရင်းကောက်ယူမှုအား ၁၉၈၃ ခုနှစ်တွင် ပြုလုပ်ခဲ့ပြီး ထိုသန်းခေါင်စာရင်း၌ နိုင်ငံအတွင်းရှိ မွတ်စလင်များ၏ အရေအတွက်ကို စာရင်းလျှော့၍ပြခဲ့သည်ဟု လူအများက ထင်မြင်ယူဆထားကြသည်။ ယခုကောက်မည့် သန်းခေါင်စာရင်းက တိုင်းရင်းသားများ၏ ကိုယ်ပိုင် လက္ခဏာအား အသိအမှတ်ပြုရန် အခွင့်အရေးဖြစ်မည်ဟု ကနဦးပိုင်းက ယူဆထားကြသော်လည်း ထိုလုပ်ငန်းစဉ်တွင် အဓိကပြောင်းလဲမှုများ ပြုလုပ်ရန်အတွက် တိုင်းရင်းသား အဖွဲ့အစည်းများမှ တောင်းဆိုမှုများ ကြီးထွားလာနေပါသည်။ ထိုသန်းခေါင်စာရင်းက တိုင်းရင်းသား အုပ်စုများ အတွင်းနှင့် လူမျိုးစုများ အကြားတွင် ကွဲပြားမှုဖြစ်စေသည်ဟု ၎င်းတို့က ရှုမြင်ကြသည်။ မွတ်စလင်ဆန့်ကျင်ရေး အကြမ်းဖက်မှုများ တိုးပွားလာခြင်းကလည်း လက်ရှိဆောင်ရွက်နေသော ငြိမ်းချမ်းရေး လုပ်ငန်းများကို အကျိုး သက်ရောက်စေသည်။ ၂၀၁၅ ခုနှစ်ရွေးကောက်ပွဲ မတိုင်ခင် လများအတွင်း ထွက်လာမည့် သန်းခေါင်စာရင်း ရလဒ်များက လူမျိုးရေးနှင့် ဘာသာရေး တင်းမာမှုများကို ဖြစ်စေနိုင်ပြီး ရွေးကောက်ပွဲ ပျက်သွားနိုင်လောက်သည် အထိပင် ဦးတည်သွားနိုင်ပါသည်။

မြန်မာနိုင်ငံ၏ သန်းခေါင်စာရင်းကိစ္စကို ရွှေ့ဆိုင်းသင့်သည်ဟု ယူကေရှိ ဘားမားကမ်ပိန်းကလည်း ပြောနေသည်။ သန်းခေါင်စာရင်းနှင့် ဆက်စပ်၍ ရှေ့ဆက်ဖြစ်လာမည့် အန္တရာယ်များက ထိုမှရရှိမည့် အကျိုးကျေးဇူးများထက် ပိုများနေသောကြောင့်သာဖြစ်သည်။

“သန်းခေါင်စာရင်း ကောက်ယူမှုအတွက် ဖွဲ့စည်း တည်ဆောက်ပုံတွေက ကျွန်တော်တို့အဖို့ လုံးဝ လက်မခံနိုင်စရာပါပဲ။ မြန်မာနိုင်ငံမှာရှိတဲ့ တိုင်းရင်းသား လူနည်းစုအားလုံး အတွက် တူညီတဲ့ အခွင့်အရေးကိုပဲ ကျွန်တော်တို့ ရိုးရိုးသားသားတောင်းဆိုနေတာပါ” ဟု ဒီမိုကရေစီနှင့် လူ့အခွင့်အရေးပါတီမှ ဦးကျော်မင်းက ဆိုသည်။

မြန်မာနိုင်ငံ၏ အနာဂတ်တွင် ကုလသမဂ္ဂက ထိရောက်သည့် အခန်းကဏ္ဍ၌ ရှိမည်ဆိုလျှင် နိုင်ငံသားများအား စာရင်းကောက်ခြင်းအစား ရိုဟင်ဂျာလူမျိုးများ သေဆုံးမှုနှင့် ၎င်းတို့၏ လူ့အခွင့်အရေး ချိုးဖောက်ခံရမှုများကို စာရင်းကောက်ယူခြင်းက ပိုကောင်းပေ လိမ့်မည်။ မြန်မာခေါင်းဆောင်များ၏ တာဝန်ယူမှုနှင့် လူမျိုးတုန်း သတ်ဖြတ်မှုတွင် ၎င်းတို့၏ အခန်းကဏ္ဍအတွက် သတိပေးမှုများကို အသေအချာပင် ပြုလုပ်ရမည်။

ကုလသမဂ္ဂ လူ့အခွင့်အရေးဆိုင်ရာ မဟာမင်းကြီး နဗီပီလေးက မြောက်ကိုရီးယားနှင့်အတူ မြန်မာနိုင်ငံအား လူသားထုအပေါ် ၎င်းတို့ ကျူးလွန်ခဲ့သည့် ရာဇ၀တ်မှုများအတွက် နှစ်နိုင်ငံစလုံးအား စွဲချက်တင်ပြီး၊ နိုင်ငံတကာရာဇ၀တ်ခုံရုံးသို့ လွှဲပြောင်းပေးရန်သာ ကျွန်တော်တို့၏ တစ်ခုတည်းသော မျှော်လင့်ချက်ပင်ဖြစ်တော့သည်။

ဒေါက်တာ အာဇီးမ်း အီဗရာဟင်မှာ စကော့တလန် အင်စတီကျုမှ အမှုဆောင်ဥက္ကဌဖြစ်ပြီး၊ အမေရိကန်ပြည်ထောင်စု ချီကာဂို တက္ကသိုလ်တွင် နိုင်ငံတကာလုံခြုံရေး ဘာသာရပ်အား သင်ကြားပို့ချပေးနေသူဖြစ်သည်။

Huffington Post ‎ တွင် ဖော်ပြပါရှိသော UN Is Right to Refer North Korea to International Criminal Court — Now It’s Burma’s Turn အား လွင်မောင် မှ ဆီလျော်အောင်ပြန်ဆိုသည်။