ဆေးရုံ၏ အရေးပေါ်ကုသမှု အတွက် ကနေဒါမွတ်စလင်များ ရန်ပုံငွေရှာဖွေရေး လှုပ်ရှားမှုပြုလုပ်

မတ်- ၃၊ ၂၀၁၄
M-Media

– ကနေဒါနိုင်ငံ အွန်တာရီယိုပြည်နယ် မစ်စီဆော်ဂါမြို့ရှိ ဆေးရုံးတစ်ခုအတွက် ရန်ပုံငွေ ရရှိရန် ရည်ရွယ်၍ နှစ်ပတ်လည် လမ်းလျှောက် လှုပ်ရှားမှုတစ်ခုကို ထိုမြို့ရှိ အစ္စလာမ် ဘာသာဝင်များက ပြီးခဲ့သည့် သီတင်းပတ် အတွင်း ပြုလုပ်ခဲ့သည်ဟု သိရသည်။

လေးကြိမ်မြောက်ပြုလုပ်သည့် အဆိုပါ ရန်ပုံငွေ ရှာဖွေရေး လှုပ်ရှားမှုအတွင်း ကန်ဒေါ်လာ ၆၀၀၀၀ ခန့် ရရှိခဲ့ကြပြီး၊ အဆိုပါဆေးရုံ အတွက် စုစုပေါင်း ကန်ဒေါ်လာ ၂ သိန်း ၅ သောင်း ရန်ပုံငွေ ရှာဖွေပေးနိုင်ခဲ့ပြီဖြစ်သည်။

“ဒီကဆေးရုံ ရန်ပုံငွေရဖို့အတွက် ဒီကလူတွေ အားလုံးနဲ့အတူ ပူးပေါင်းဆောင်ရွက်ခွင့်ရတဲ့ အတွက်ကျွန်တော်တို့ ကျေနပ်မိပါတယ်။ ကျွန်တော်တို့မြို့မှာ စခဲ့တဲ့ ဒီလှုပ်ရှားမှုဟာ အခုတော့ တစ်နိုင်ငံလုံး အတိုင်းအတာနဲ့လုပ်တဲ့ လှုပ်ရှားမှု တစ်ခုဖြစ်လာပါပြီ” ဟု အဆိုပါလှုပ်ရှားမှုကို စီစဉ်သည့်အဖွဲ့မှ ဥက္ကဌ အက်ဗဒူလ် ကိုင်ယမ် မွဖ်သီက South Asian Focus သတင်းဌာနသို့ ပြောကြားခဲ့သည်။

မစ်စီဆော်ဂါ မွတ်စလင် လူ့အဖွဲ့အစည်းမှ ဦးဆောင်ပြုလုပ်ခဲ့သည့် အဆိုပါ ရန်ပုံငွေ ရှာဖွေရေး လှုပ်ရှားမှုမှာ ၄ နှစ်မြောက်ရှိခဲ့ပြီး ထိုလှုပ်ရှားမှုမှ တစ်ဆင့် ထိုမြို့ရှိ Trillium Health Partners ဖောင်ဒေးရှင်းမှ တည်ထောင်ထားသည့် ဆေးရုံသို့ ကန်ဒေါ်လာ ၂ သိန်း ၅ သောင်းအထိ လှူဒါန်းနိုင်ခဲ့သည်။

“ကျန်းမာရေးစောင့်ရှောက်မှုပိုင်းမှာ ထူးခြားတာတွေလုပ်ဖို့ ကျွန်တော်တို့တူ တကွ လုပ်ဆောင်တာနဲ့ ပတ်သက်ပြီး ဘ၀င်မမြင့်ပါဘူး။ ပိုကောင်းတဲ့ ကမ္ဘာအဖြစ် ပြောင်းလဲဖို့ ကျွန်တော်တို့အားလုံး ကူညီနေကြတာပါ” ဟု မွဖ်သီက ဆိုသည်။

ထို့ပြင် ၎င်းတို့၏ ရည်ရွယ်ချက်ဖြစ်သည့် ၅ နှစ်အတွင်း ရန်ပုံငွေ ၂ သိန်း ၅ သောင်းရရှိရေး ရည်ရွယ်ချက် ပြည့်မြောက်သွားသည့် အတွက် ဂုဏ်ယူမိကြောင်း ၎င်းက ထပ်လောင်းပြောကြားခဲ့သည်။ ယခုနှစ်ပြုလုပ်ခဲ့သည့် ရန်ပုံငွေ ရှာဖွေရေး ကြွေးကျော်သံမှာ “ငါတို့၏ ကလေးငယ်၊ ငါတို့၏ မျှော်လင့်ချက်” ဖြစ်သည်။

“Trillium Health Partners ဖောင်ဒေးရှင်းက တည်ထောင်ထားတဲ့ ဒီဆေးရုံက အရေးပေါ်ကျန်းမာရေးစောင့်ရှောက်မှု အစီအစဉ်ကို ထောက်ပံ့ဖို့ အတွက် အောင်မြင်တဲ့လှုပ်ရှားမှု တစ်ခုကို မစ်စီဆော်ဂါ မွတ်စလင်တွေက ပြုလုပ်နိုင်ခဲ့တဲ့ အတွက် ကျွန်တော်တို့ ကျေးဇူးတင်ပါတယ်။ ကျွန်တော်တို့ရဲ့ အရေးပေါ်ဌာနမှာ နှစ်စဉ် လူ ၂ သိန်း ၅ သောင်းကျော် လာရောက် ကုသလျက်ရှိပြီး ဒီဒေသမှာတော့ အမြင့်ဆုံး ပမာဏပါ” ဟု Trillium Health Partners ဖောင်ဒေးရှင်းမှ စီအီးအိုဖြစ်သူ စတီဗ် ဟော့စ်ချစ်က ပြောကြားခဲ့သည်။

အစ္စလာမ်ဘာသာမှာ ကနေဒါနိုင်ငံတွင် ခရစ်ယာန် ဘာသာပြီးနောက် ဒုတိယကိုးကွယ်မှု အများဆုံး အယူဝါဒ တစ်ခုဖြစ်ပြီး နိုင်ငံလူဦးရေ ၃၂.၈ သန်း၏ ၂.၈ ရာခိုင်နှုန်းမှာ အစ္စလာမ်ဘာသာကို သက်ဝင် ယုံကြည်သူများဖြစ်ကြသည်။

Ref: OnIslam & News Agencies