မြေးအဘွားနှစ်ဦးအား အသက်စွန့် ကယ်တင်ခဲ့သော စက်ခေါင်းမှူး လက်ထောက်ဦးဌေးနိုင် အားဂုဏ်ပြုပွဲပြုလုပ်

မိမိအသက်ကိုပဓာနမထားဘဲ မြေးအဘွားနှစ်ဦးအားကယ်တင်နိုင်ခဲ့သူစက်ခေါင်းမှူးလက်ထောက်ဦးဌေးနိုင်အား ရန်ကုန်မြို. အစ္စလာမ်ဓမ္မဗိမာန်(Islamic Center Of Myanmar) နှင့် ၁၄၈၆ ကြိမ်မြောက်တမန်တော်နေ့ကျင်းပရေးဗဟိုကော်မတီ တို့အသီးသီး ဂုဏ်ပြုခဲ့ကြကြောင်းသိရှိရသည်။

ရန်ကုန်မြို.အစ္စလာမ်ဓမ္မဗိမာန်(Islamic Center Of Myanmar)က စက်ခေါင်းမှူး လက်ထောက်ဦးဌေးနိုင်အားဆုတော်ငွေကျပ်(၁၀) သိန်း ကိုမေလ (၁၂) ရက် အစ္စလာမ်ဓမ္မဗိမာန် တွင်ကျင်းပ သည့် တမန်တော်နေ့အခမ်း အနားကြီးတွင်ထိုက်တန် စွာချီးမြှင့်ခဲ.သည်။

၁၄၈၆ ကြိမ်မြောက်တမန်တော်နေ့ကျင်းပရေးဗဟိုကော်မတီ က မေလ (၂၀) ရက် က ယုဇနဂါးဒင်းဟိုတယ် တွင်ကျင်းပ သည့် တမန်တော်နေ့အထိမ်းအမှတ်ဂုဏ်ပြုညစာစားပွဲ အခမ်းအနားကြီးတွင် ဆုတော်ငွေကျပ် (၅) သိန်းကိုထိုက်တန် စွာချီးမြှင့်ခဲ.သည်။

ယင်း ဂုဏ်ပြုဆုတော်ငွေကို ဗဟိုကော်မတီကိုယ်စား ရန်ကုန်တိုင်းဒေသကြီးဝန်ကြီးချုပ်ဦးမြင့်ဆွေ မှချီးမြှင့်ခဲ့ပါတယ်။

ရထားနှင့် တိုက်မိတော့မည့် မြေးအဖွားနှစ်ဦးအား ကယ်တင်ခဲ့သည့် ဖြစ်စဉ်အကျဉ်း

၂၀၁၂ ခုနှစ် ဧပြီလ ၁၁ ရက်နေ့က မော်လမြိုင်မြို့မှ ရန်ကုန်မြို့သို့ မောင်းနှင်ထွက်ခွာလာသည့် အမှတ်(၁၇၆) အစုန်ရထားသည် ဒါးပိန်ဘူတာ အ၀င်ရှိ ရထားလမ်းတံတားသို့ အရောက် နံနက် ၁၀ နာရီ ၂၀ မိနစ်အချိန်ခန့်တွင် ယခုဖြစ်စဉ် ဖြစ်ပွားခဲ့ခြင်း ဖြစ်ပါသည်။အဆိုပါရထားလမ်း တံတားပေါ်တွင် လမ်းလျှောက်ဖြတ်ကူးနေသော မြေးအဖွားနှစ်ဦးသည် ရုတ်တရက်ကြောက်လန့်ကာ တံတားအလယ်၌ တစ်ဦးကို တစ်ဦးဖက်လျက် အနေအထားဖြင့် ရှိနေခဲ့သည်။ အမှတ်(၁၇၆) အစုန်ရထားသည် တံတားပေါ်တွင် မြေးအဖွားနှစ်ဦးကို မြင်သည့်အတွက် ဥသြဆွဲခဲ့သော်လည်း မြေးအဖွားနှစ်ဦးသည် အကြောက်လွန်၍ တံတားအလယ်တွင် ရှိနေခဲ့သည်။ အဆိုပါရထားစက် ခေါင်းမောင်းမှ အရေးပေါ်ဘရိတ်ဆွဲသော်လည်း မောင်းနှင်လာသော အရှိန်ဖြင့် ချိန်ဆ လုပ်ဆောင်ရခြင်းကြောင့် ရထား၏အရှိန်လျော့သွားသော်လည်း ချက်ချင်းရပ်၍မရခဲ့။ အရှိန်မရပ်သောရထား မြေးအဖွားနှစ်ဦးဆီ ဦးတည်နေရာ လက်ထောက် စက်ခေါင်းမောင်း ကိုဌေးနိုင်က စက်ခေါင်းပေါ်မှခုန်ချကာ မြေးအဖွားနှစ်ဦးစလုံး နှင့်အတူ ရထားလမ်းတံတားပေါ်မှ ရေထဲသို့ခုန်ဆင်း၍ အသက်ကယ်တင်ခဲ့။

ဖြစ်စဉ်ကြောင့် အဆိုပါသုံးဦးစလုံး အသက်အန္တရာယ် တစ်စုံတစ်ရာ ထိခိုက်ခဲ့ခြင်းမရှိ။

အသက်ကယ်တင်ခံခဲ့ရသော မြေးအဖွားနှစ်ဦးမှာ ဒါးပိန်မြောက်ပိုင်း လက်ပံတန်းရပ်ကွက်တွင် နေထိုင်သူ ဒေါ်မြင့်ကြည် အသက်(၆၂)နှစ် ၎င်း၏မြေးတော်စပ်သူ မသဲစုဝင်း(၈)နှစ်တို့ဖြစ်သည်။

၂၀၁၂ ခုနှစ် ဧပြီလ ၁၁ ရက်နေ့က မော်လမြိုင်မှ ရန်ကုန်သို့ သတ်မှတ်အမြန်နှုန်းအတိုင်း မောင်းနှင်လာသော အမှတ်(၁၇၆)အစုန်ရထား၊ ဒါးပိန်ဘူတာသို့ မရောက်မီ တံတားအမှတ်(၂၈)ပေါ်တွင် ရှိသော အသက် ၆၂ နှစ်အရွယ် အမယ်အိုကြီးတစ်ဦး နှင့် အသက်ရှစ်နှစ်အရွယ် လူမမယ် အရွယ်မြေးမလေးတစ်ဦး၊ တစ်နည်းဆိုသော် သေခြင်းတရားနှင့် လက်တစ်ကမ်း အကွာသို့ ရောက်ရှိနေသော မြေးအဘွားနှစ်ဦးအား အသက်စွန့် ကယ်တင်ခဲ့သူ တစ်ဦး၊ အကြောင်းမလှပါက ကယ်တင်သူ အပါအ၀င် သုံးချောင်းသော အသက်တို့ ဆုံးရှုံးပျက်စီးဖွယ် အခြေအနေတစ်ရပ်မှ သုံးဦးစလုံး ကံကောင်းထောက်မစွာ လွတ်မြောက်ခဲ့ကြသည်။

ကိုယ်ရေးအကျဉ်း

အမည်    –    ဦးဌေးနိုင်
မိဘအမည်    –    ဦးမူဆာ၊ ဒေါ်မြင့်မြင့်ကြည်
မွေးသက္ကရာဇ်    –    ၁၅-၉-၁၉၇၃
မွေးရပ်    –    ပုသိမ်မြို့၊  ဧရာဝတီတိုင်းဒေသကြီး။
ရာထူး    –    စက်ခေါင်းမှူးလက်ထောက်(၁)။
တိုင်းအမှတ်(၇)၊ မလွှကုန်း ဒီဇယ်စက်ခေါင်းပြုပြင်စက်ရုံ၊

မောင်လျှောက် (ရွှေမြယာ)