မန်ယူနောက်ခံလူ ဗီဒစ် လာမည့် ရာသီတွင် အင်တာမီလန် ပြောင်းတော့မည်

မတ် ၅၊ ၂၀၁၄
M-Media

– မန်ယူအသင်း၏ အားထားရသော ဆားဘီးယားနောက်ခံလူ နီမန်ဂျာ ဗီဒစ်မှာ လာမည့် ရာသီတွင် စီးရီးအေကလပ် အင်တာမီလန် အသင်းသို့ ပြောင်းရွှေ့တော့မည်ဟု အင်တာမီလန် အသင်း၏ ၀ဘ်ဆိုဒ်တွင် ကြေညာခဲ့သည်။

မန်ယူအသင်းနှင့် ယခုနှစ်ကုန်တွင် စာချုပ်သက်တမ်း ကုန်ဆုံးတော့မည့် ဗီဒစ်အား ပြင်သစ်ကလပ် မိုနာကိုနှင့် တူရကီကလပ် ဂါလာတာစာရေးတို့က ခေါ်ယူရန် စိတ်ဝင်စားခဲ့သော်လည်း ဗီဒစ်မှာ အင်တာမီလန် အသင်းသို့ ၂ နှစ်စာချုပ်ဖြင့် ပြောင်းရွှေ့ရန်သဘောတူခဲ့ခြင်းဖြစ်သည်။

“ဗီဒစ်ဟာ ကမ္ဘာ့အဆင့် ကစားသမားတစ်ဦးပါ။ သူ့ကို ချောချောမောမောနဲ့ ခေါ်နိုင်ခဲ့တဲ့အတွက် ကျွန်တော် တော်တော်လေး ၀မ်းသာပါတယ်။ သူဟာ ကမ္ဘာ့အကောင်းဆုံး နောက်ခံလူတွေထဲက တစ်ဦးပါ။ သူရဲ့စွမ်းရည်တွေက ကျွန်တော်တို့အတွက် အဖိုတန်ပြီး၊ အသင်းမှာရှိတဲ့ လူငယ်ကစားသမားတွေကို တိုးတက်အောင် သူကူညီပါလိမ့်မယ် ” ဟု အင်တာမီန်လန်အသင်း၏ ဥက္ကဌဖြစ်သူ အဲရစ်သိုဟာရ်က ပြောကြားခဲ့သည်။

အသက် ၃၂ နှစ်အရွယ်ရှိပြီဖြစ်သည့် ဗီဒစ်မှာ ကစားသမားဘ၀ကို Red Star Belgrade အသင်းနှင့် စတင်ခဲ့ပြီး၊ စပါးတပ် ဆူဘိုတီကာ၊ စပါးတပ်မော်စကို၊ ထိုမှတစ်ဆင့် ၂၀၀၆ ခုနှစ်တွင် မန်ယူအသင်းသို့ ရောက်ရှိလာခဲ့ခြင်းဖြစ်သည်။ မန်ယူအသင်းနှင့်အတူ ပရီးမီးယားလိဂ်ဖလား ၅ ကြိမ်၊ လိဂ်ဖလား ၃ ကြိမ်၊ ချန်ပီယံလိဂ်နှင့် ကမ္ဘာ့ကလပ်ချန်ပီယံတစ်ကြိမ် ဆွတ်ခူးရရှိခဲ့သည်။

Goal